សេដ្ឋកិច្ច
តម្លៃមាសដាំក្បាលចុះ ៦០៤៧ ដុល្លារ មួយតម្លឹង នៅថ្ងៃចន្ទនេះ
តម្លៃហាងឆេងមាសបានធ្លាក់ចុះខ្លាំងដល់ ៦០៤៧ ដុល្លារ ក្នុងមួយតម្លឹង នៅព្រឹកថ្ងៃចន្ទទី ០៩ ខែមីនា ឆ្នាំ ២០២៦ បន្ទាប់ពីបានកើនឡើងដល់ជិត ៦៥០០ ដុល្លារ ក្នុងមួយតម្លឹង កាលពីសប្ដាហ៍មុន។
លោក ឡុង សំណាង ប្រធានផ្នែកប្រឹក្សាយោបល់ហិរញ្ញវត្ថុក្រុមហ៊ុន PP Link securities មានប្រសាសន៍ថា នៅពេលសហរដ្ឋអាមេរិក និងអ៊ីស្រាអែល បានបើកការវាយប្រហារទៅលើប្រទេសអ៊ីរ៉ង់ កាលពីដំណាច់ខែកុម្ភៈ ធ្វើឱ្យតម្លៃមាសហក់ឡើង បន្ទាប់មកមានការធ្លាក់ចុះមកវិញ ដោយសារតែវិនិយោគិនមួយចំនួនបានដកលុយពីការវិនិយោគលើមាសហើយទៅវិនិយោគលើប្រេងវិញ។
លោក ឡុង សំណាង យល់ឃើញថា៖ «ប្លុកហ្នឹងគឺជាតំបន់ប្រេង ដែលជាពាណិជ្ជកម្មមួយដ៏ធំនៅលើពិភពលោក ហើយវាក៏ជះឥទ្ធិពលសេដ្ឋកិច្ចទៅលើបណ្ដាប្រទេសមួយចំនួន គេមើលឃើញថា បើមានបញ្ហានៅតំបន់នោះ ការរាំងស្ទះក្នុងការដឹកជញ្ជូនប្រេង កាត់បន្ថយនូវការផ្គត់ផ្គង់ ជំរុញឱ្យតម្លៃហាងឆេងប្រេងកើនឡើង»។
ប្រព័ន្ធផ្សព្វផ្សាយអាមរិករាយការណ៍ថា តម្លៃប្រេងបានកើនឡើងជាង ១០០ ដុល្លារ ក្នុងមួយបារ៉ែល ដោយសារតែសង្គ្រាមអាមេរិក និងអ៊ីស្រាអ៊ែល ជាមួយអ៊ីរ៉ង់៕
អត្ថបទ៖ ឡេង ដេត
-
ព័ត៌មានជាតិ២ ថ្ងៃ agoត្រីជាង ២ តោន ងាប់នៅតំបន់អភិរក្សតាមោក ខេត្តសៀមរាប ដោយសារទឹករាក់ និង អាកាសធាតុក្តៅខ្លាំង
-
ព័ត៌មានជាតិ២ ថ្ងៃ agoរដូវវស្សាប្រុងប្រយ័ត្ន! គ្រោះរន្ទះបាញ់សម្លាប់គោ ១៩ក្បាល នៅស្រុកលំផាត់ ខេត្តរតនគិរី
-
សេដ្ឋកិច្ច៦ ថ្ងៃ agoអតីតនិស្សិតពេទ្យសត្វម្នាក់ ចាប់របរចិញ្ចឹមមាន់សាច់រកចំណូលបានសមរម្យផ្គត់ផ្គង់គ្រួសារ
-
ព័ត៌មានអន្ដរជាតិ៣ ថ្ងៃ agoនាវាចម្បាំងថ្មីរបស់ចិន នឹងដាក់ឱ្យធ្វើសមយុទ្ធ លើកដំបូង នៅក្បែរកោះជប៉ុន
-
សន្តិសុខសង្គម២ ថ្ងៃ agoឆ្លងចរន្តអគ្គិសនីឆេះរោងចក្រផលិតស័ង្កសី គាបស្នោ ១ កន្លែង រងការខូចខាត នៅសង្កាត់ត្រពាំងក្រសាំង
-
ព័ត៌មានអន្ដរជាតិ៤ ថ្ងៃ agoអាមេរិក យល់ព្រមឱ្យប៉ូឡូញផ្តើមផលិតមីស៊ីលក្នុងស្រុក ដើម្បីការពារដែនអាកាស
-
សេដ្ឋកិច្ច៣ ថ្ងៃ agoកម្ពុជារកចំណូលបាន ១៥៤ លានដុល្លារ ពីការនាំចេញជ័រកៅស៊ូនៅរយៈពេល ៤ ខែ
-
ព័ត៌មានអន្ដរជាតិ៣ ថ្ងៃ agoណេតាន់យ៉ាហ៊ូ ប្រកាសថា គ្រប់គ្រងដីហ្គាហ្សាបាន ៦០% ហើយត្រៀមលេបយកថែមទៀត