ព័ត៌មានជាតិ

ខេត្តបន្ទាយមានជ័យ ដាក់ភូមិចំនួនពីរ ក្នុងសង្កាត់ប៉ោយប៉ែតជាតំបន់ក្រហម

បានផុស

៥ years មុន

នៅ

ថ្ងៃអាទិត្យ ២៥ មេសា ២០២១

ដោយ

រដ្ឋបាលខេត្តបន្ទាយមានជ័យបានកំណត់ភូមិសាស្ត្រមួយចំនួន ក្នុងភូមិសាមគ្គីមានជ័យនិងភូមិក្បាលស្ពាន១ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ ជាតំបន់ក្រហមដែលមានការឆ្លងរាលដាលនៃជំងឺកូវីដ១៩ធ្ងន់ធ្ងរ។

លោក អ៊ុំ រាត្រី អភិបាលខេត្តបន្ទាយមានជ័យ បានមានប្រសាសន៍នៅក្នុងសេចក្តីជួនដំណឹងថា ការការកំណត់ទីតាំងភូមិទាំងពីរជាតំបន់ក្រហម ដែលមានការឆ្លងរាលដាលជំងឺកូវីដ១៩នេះ ក្នុងគោលបំណងធានាដល់ប្រសិទ្ធភាពនៃការអនុវត្តរបស់រដ្ឋបាលខេត្ត ក្នុងការបិទខ្ទប់ការធ្វើដំណើរចេញចូលជាបណ្ដោះអាសន្នលើទីតាំងមួយចំនួន នៅក្នុងភូមិសាស្ត្រសង្កាត់ប៉ោយប៉ែតក្រុងប៉ោយប៉ែត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកអភិបាលខេត្តបានបន្តថា ក្នុងនោះមានការហាមឃាត់ឃាត់ការធ្វើដំណើរ ទី.១ បរិវេណទីតាំងបុរីដួងចន្ទទាំងមូល ស្ថិតនៅក្នុងភូមិសាមគ្គីមានជ័យ សង្កាត់ប៉ោយប៉ែត ក្រុងប៉ោយប៉ែត។ទី.២ ជុំវិញអគារស្នាក់នៅម៉ាវង្សា ស្ថិតនៅក្នុងភូមិសាមគ្គីមានជ័យ សង្កាត់ប៉ោយប៉ែត ក្រុង ប៉ោយប៉ែត ខាងត្បូងចាប់ពីចំណុចផ្លូវវត្តស្រះត្រាចកែងផ្លូវខាងត្បូងកាស៊ីណូហ្គោលដិន planet ដល់ផ្លូវទំនប់ក៥ និងប៉ែកខាងជើងចាប់ពីកែងផ្លូវវត្តស្រះត្រាចចំណុចប្រសព្វរវាងភូមិសាមគ្គីមានជ័យនិងភូមិព្រៃព្រិចដល់ផ្លូវទំនប់ក៥និងជុំវិញបរិវេណកាស៊ីណូនិងសណ្ឋាគារប៉ោយប៉ែតផ្លាសស្ថិតក្នុងភូមិក្បាលស្ពាន១ សង្កាត់ប៉ោយប៉ែតក្រុងប៉ោយប៉ែតខាងជើងចាប់ពីចំណុចកែងរវាងផ្លូវស្រះត្រាចនិងផ្លូវដើមពុទ្រាដល់ផ្លូវវត្តបាឡិឡៃនិងប៉ែកខាងត្បូងចាប់ពីចំណុចកែងរវាងផ្លូវស្រះត្រាចនិងផ្លូវក្រោយផ្ទះសំណាក់ពូវីណាដល់ផ្លូវវត្តបាឡិល័យ៕

អត្ថបទ៖ សំអឿន

សេចក្ដីជូនដំណឹង៥ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា