កីឡា

ក្រុមហ្វីលីពីន Manila Digger អាចលើកពេល ២ ប្រកួត ត្រៀមប៉ះ ព្រះខ័នរាជស្វាយរៀង

បានផុស

៣ ខែ មុន

នៅ

ថ្ងៃអង្គារ ១៧ មីនា ២០២៦

ដោយ

ក្រុមខ្លាំងរបស់ប្រទេសហ្វីលីពីន Manila Digger ទំនងជាលើកពេល ២ ប្រកួតដើម្បីត្រៀមខ្លួនប្រកួតជាមួយ ព្រះខ័នរាជស្វាយរៀង ក្នុងពានរង្វាន់អាស៊ី AFC Challenge League នាខែមេសា ឆ្នាំ ២០២៦។

ក្រុម Manila Digger ពេលប្រកួតជាមួយ ព្រះខ័នរាជស្វាយរៀង

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ព្រះខ័នរាជស្វាយរៀង ត្រូវទទួលក្រុម Manila Digger នៅថ្ងៃទី៩ ខែមេសា ឆ្នាំ ២០២៦ នៅពហុកីឡដ្ឋានជាតិមរតកតេជោ សម្រាប់ការប្រកួតជើងទី១ និងជើងទី២ ត្រូវធ្វើដំណើរទៅប្រកួតនៅប្រទេសហ្វីលីពីន នាថ្ងៃទី១៦ ខែមេសា ឆ្នាំ ២០២៦។

តាមមើលកាលវិភាគក្នុងលីគកំពូលហ្វីលីពីន ក្រុម Manila Digger ត្រូវប្រកួតជាមួយក្រុម Taquig នៅថ្ងៃទី៨ ខែមេសា និងប្រកួតជាមួយក្រុម Stallions នៅថ្ងៃទី១១ ខែមេសា ដូច្នេះពីរប្រកួតនេះ ពួកគេទំនងជាលើកពេល។ ជាពិសេស ការប្រកួតជាមួយ Taquig នៅថ្ងៃទី៨ ខែមេសា គឺច្បាស់ ១០០ % ពួកគេនឹងត្រូវលើកពេល ខណៈ ថ្ងៃទី១១ ខែមេសា ជាមួយក្រុម Stallions ក៏ទំនងជាអាចលើកពេលដែរ ពីព្រោះពួកគេត្រូវប្រកួតជាមួយ ព្រះខ័នរាជស្វាយរៀង ថ្ងៃទី៩ ខែមេសា ហើយមានពេលខ្លីក្នុងការធ្វើដំណើរទៅហ្វីលីពីន ដើម្បីត្រៀមប្រកួតនៅថ្ងៃទី១៦ ខែមេសា សម្រាប់ជើងទី២។

ក្រុម Manila Digger បានក្លាយជាក្រុមដំបូងគេបង្អស់នៅក្នុងប្រទេសហ្វីលីពីន ដែលបានឈានដល់វគ្គពាក់កណ្តាលផ្តាច់ព្រ័ត្រ ពានរង្វាន់អាស៊ី AFC Challenge League បន្ទាប់ពីបានយកឈ្នះក្រុមរបស់ឥណ្ឌូណេស៊ី Dewa United ទាំងពីរជើងដោយលទ្ធផល ៣-២។

រហូតដល់ពេលនេះ ក្រុម Manila Digger កំពុងស្ថិតនៅលេខ ៤ នៃលីគបាល់ទាត់កំពូលហ្វីលីពីន បន្ទាប់ពីឈ្នះ ៩ និង ស្មើ ៣ មិនទាន់ស្គាល់បរាជ័យឡើយ ដោយមាន ៣០ ពិន្ទុ។ ពួកគេជាក្រុមដែលប្រកួតបានតិចជាងគេនៅក្នុងលីគរដូវកាលនេះគឺទើបតែ ១២ ប្រកួតប៉ុណ្ណោះ ដោយសារពួកគេត្រូវបានលើកពេលការប្រកួតដើម្បីពានរង្វាន់អន្តរជាតិ ខណៈក្រុមខ្លះបានប្រកួត ១៦ ទៅ ១៧ ប្រកួតហើយ។

កីឡាករ Kwame Peprah ប្រកួតជាមួយកីឡាករ Manila Digger

ចំណែកក្រុម ព្រះខ័នរាជស្វាយរៀង ក៏មានការមមាញឹកខ្លាំងទាំងពានរង្វាន់ក្នុងស្រុក និងអន្តរជាតិ។ ទោះបីជាយ៉ាងណា នៅមិនទាន់មានការប្រកួតណាមួយត្រូវបានលើកពេលឡើយ។ នៅក្នុងដំណាក់កាលនេះ ក្រុមតំណាងកម្ពុជាមួយនេះកំពុងសម្លឹងឆ្ពោះទៅរកការឈ្នះជើងឯក ៣ ក្នុងមួយរដូវកាល។

សូមបញ្ជាក់ថា ក្រុម Manila Digger និង ព្រះខ័នរាជស្វាយរៀង បាននៅក្នុងពូលជាមួយគ្នា ដែលធ្លាប់បានប្រកួតគ្នាម្តងហើយគឺបញ្ចប់ដោយលទ្ធផលស្មើ ២-២ នៅពហុកីឡដ្ឋានជាតិមរតកតេជោ។ ពេលនេះ ពួកគេត្រូវជួបគ្នាក្នុងវគ្គពាក់កណ្តាលផ្តាច់ព្រ័ត្រដែលត្រូវធ្វើដំណើរមកទឹកដីកម្ពុជាម្តងទៀត៕

អត្ថបទ៖ វិរបុត្រ

ព័ត៌មានអន្ដរជាតិ១៦ ម៉ោង ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេដ្ឋកិច្ច៣ ថ្ងៃ ago

ធនាគារ ARDB ចាក់បញ្ចូលទុនលើស្វាយចន្ទី និងដំឡូងមី

ព័ត៌មានជាតិ១ សប្តាហ៍ ago

រដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ

ព័ត៌មានអន្ដរជាតិ៧ ថ្ងៃ ago

អ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ

សេចក្ដីជូនដំណឹង២ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា