ព័ត៌មានអន្ដរជាតិ
មេដឹកនាំចិន ប្រាប់ មេបក្សប្រឆាំងតៃវ៉ាន់៖«កុំប្រកាសឯករាជ្យឡើយ និងរក្សាជំហរ «ចិនតែមួយ»
ប្រធានាធិបតីចិន លោក ស៊ី ជីនពីង បានប្រាប់មេដឹកនាំគណបក្សប្រឆាំងតៃវ៉ាន់នៅថ្ងៃសុក្រទី១០មេសា ថា រដ្ឋាភិបាលចិននឹងមិនអត់ឱនចំពោះឯករាជ្យភាពរបស់កោះតៃវ៉ាន់ឡើយ ដែលជាមូលហេតុចម្បងក្នុងការបំផ្លាញសន្តិភាពនៅក្នុងច្រកសមុទ្រ ដែលបែកចែកចិននិងកោះតៃវ៉ាន់ ដោយអំពាវនាវឲ្យមានកិច្ចខិតខំប្រឹងប្រែងដើម្បីជំរុញ «ការបង្រួបបង្រួម» ក្រោមគោលការណ៍ «ចិនតែមួយ»។
យោងតាមទីភ្នាក់ងារសារព័ត៌មានស៊ីនហួររបស់រដ្ឋចិន និងកាសែត United Daily News របស់តៃវ៉ាន់ លោកស្រី Cheng Li-wun ប្រធានគណបក្សប្រឆាំងធំបំផុតរបស់តៃវ៉ាន់ គឺគណបក្សគួមីនតាង (KMT) កំពុងស្ថិតនៅក្នុងប្រទេសចិន លើអ្វីដែលលោកស្រីហៅថាជាបេសកកម្មសន្តិភាព ដើម្បីកាត់បន្ថយភាពតានតឹង នៅពេលដែលទីក្រុងប៉េកាំង បានបង្កើនសម្ពាធយោធាប្រឆាំងនឹងកោះដែលខ្លួនអះអាងថាជាទឹកដីរបស់ខ្លួន។
នៅក្នុងសុន្ទរកថាបើករបស់លោក ស៊ី បានមានប្រសាសន៍ប្រាប់លោកស្រី Cheng ថា «ពិភពលោកសព្វថ្ងៃនេះមិនមានសន្តិភាពទាំងស្រុងនោះទេ ហើយសន្តិភាពគឺមានតម្លៃណាស់។ ជាពិសេស ជនរួមជាតិនៅសងខាងនៃច្រកសមុទ្រ សុទ្ធតែជាជនជាតិចិន ហើយក្នុងនាមជាគ្រួសារតែមួយ សុទ្ធតែចង់បានសន្តិភាព ការអភិវឌ្ឍ ការផ្លាស់ប្តូរ និងកិច្ចសហប្រតិបត្តិការ ដែលទាំំងនេះគឺជាបំណងប្រាថ្នារួមរបស់យើង»។
យោងតាមប្រព័ន្ធផ្សព្វផ្សាយរដ្ឋដាច់ដោយឡែកមួយ លោកស៊ី បានបន្ថែមថា ពេលដែលគ្រួសារមានភាពសុខដុមរមនា អ្វីៗទាំងអស់នឹងរីកចម្រើន។ ឯករាជ្យភាពរបស់តៃវ៉ាន់គឺជាមូលហេតុចម្បងដែលធ្វើឲ្យខូចដល់សន្តិភាពនៅច្រកសមុទ្រតៃវ៉ាន់ យើងនឹងមិនអត់ឱនឲ្យវាឡើយ។
លោកស៊ី ក៏បានលើកឡើងពីប្រធានបទដ៏លំបាកនៃការរួបរួមរវាងចិន និងតៃវ៉ាន់ ដែលជាគោលដៅរបស់ទីក្រុងប៉េកាំងជាយូរមកហើយ ប៉ុន្តែរដ្ឋាភិបាលតៃវ៉ាន់តែងតែបដិសេធ។ គណបក្សកុម្មុយនិស្តចិន (KMT) និងគណបក្សកុម្មុយនិស្តត្រូវតែពង្រឹងទំនុកចិត្តគ្នាទៅវិញទៅមកខាងនយោបាយ រក្សាអន្តរកម្មវិជ្ជមាន បង្រួបបង្រួមជនរួមជាតិនៅសងខាងច្រកសមុទ្រ និងចូលរួមគ្នាដើម្បីបង្កើតអនាគតដ៏ភ្លឺស្វាងនៃការបង្រួបបង្រួមមាតុភូមិ និងការស្តារជាតិឡើងវិញ»។
ដោយសង្កត់ធ្ងន់លើសារៈសំខាន់នៃសន្តិភាព លោកស្រី Cheng បានមានប្រសាសន៍បន្ថែមពីលោកស៊ីថា «យើងគួរតែកសាងដំណោះស្រាយស្ថាប័នមួយដែលអាចការពារ និងចៀសវាងសង្គ្រាម ហើយធ្វើឲ្យច្រកសមុទ្រតៃវ៉ាន់ក្លាយជាគំរូសម្រាប់ដោះស្រាយជម្លោះដោយសន្តិវិធី។ យើងសង្ឃឹមថាច្រកសមុទ្រនេះនឹងមិនមែនជាគោលដៅនៃការជ្រៀតជ្រែកពីខាងក្រៅទេ ប៉ុន្តែជាសមុទ្រដែលភ្ជាប់ចំណងឈាម អរិយធម៌ និងក្តីសង្ឃឹម។ ជាពិសេស សូមឲ្យយើងសហការគ្នាលើវិស័យផ្សេងៗគ្នាដូចជាថាមពលថ្មី ការឆ្លើយតបទៅនឹងជំងឺ និងក្រមសីលធម៌បញ្ញាសិប្បនិម្មិត (AI) ដើម្បីចូលរួមចំណែកដល់សុខុមាលភាពមនុស្ស និងការអភិវឌ្ឍប្រកបដោយចីរភាព៕
អត្ថបទ៖ សាង ស្រីល័ក្ខ
-
សេចក្ដីជូនដំណឹង៥ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៣ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៥ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា៦ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សេដ្ឋកិច្ច១ សប្តាហ៍ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ
-
ព័ត៌មានអន្ដរជាតិ១ សប្តាហ៍ agoលោក ត្រាំ ទ្រាំលែងបាន ជះសម្តីធ្ងន់ៗ ដាក់លោក ណេតាន់យ៉ាហ៊ូ ដែលបំផ្លាញផ្លូវទៅរកសន្តិភាព
-
សន្តិសុខសង្គម៤ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ១ សប្តាហ៍ agoពូទីន ចំណាយជាង ២៦ពាន់លានដុល្លារ ស្វែងរកវិធីពន្យារជីវិត