កូវីដ-១៩
ខេត្តកំពង់ស្ពឺចាប់ផ្តើមអនុវត្តពិន័យអន្តរកាលតឹងរ៉ឹងចំពោះបុគ្គលណាដែលល្មើសនឹងវិធានការ
ភ្នំពេញ ៖ រដ្ឋបាលខេត្តកំពង់ស្ពឺចាប់ផ្តើមអនុវត្តពិន័យអន្តរកាលតឹងរ៉ឹងចំពោះបុគ្គលដែលមិនគោរពវិធានការរដ្ឋបាលនិងវិធានការសុខាភិបាលក្នុងការទប់ស្កាត់ការឆ្លងរាលដាលនៃជំងឺកូវីដ ១៩ និងជំងឺឆ្លងកាត់សាហាវនិងប្រកបដោយគ្រោះថ្នាក់ធ្ងន់ធ្ងរផ្សេងទៀតក្នុងភូមិសាស្ត្រខេត្តកំពង់ស្ពឺ។
យោងតាមសេចក្តីសម្រេចមួយរបស់រដ្ឋបាលខេត្តចុះថ្ងៃទី១៧ឧសភានេះបានឲ្យដឹងថា ត្រូវបានបង្កើតគណៈកម្មការត្រួតពិនិត្យការអនុវត្តពិន័យអន្តរកាលចំពោះបុគ្គលដែលមិនគោរពវិធានការរដ្ឋបាលនិងវិធានការសុខាភិបាលជំងឺកូវីដ ១៩ និងជំងឺឆ្លងកាត់សាហាវនិងប្រកបដោយគ្រោះថ្នាក់ធ្ងន់ធ្ងរផ្សេងទៀតក្នុងភូមិសាស្ត្រខេត្តកំពង់ស្ពឺដែលមានលោកវ៉ីសំណាងអភិបាលខេត្តជាប្រធាននិងមានអនុប្រធានចំនួន៦រូបនិងសមាជិកចំនួន២៧រូប។
គណៈកម្មការនេះមានភារកិច្ចត្រួតពិនិត្យអនុវត្តពិន័យអន្តរកាលចំពោះរូបវន្តបុគ្គលនិងនីតិបុគ្គលដែលមិនគោរពដោយចេតនានូវវិធានការរដ្ឋបាលរបស់រដ្ឋាភិបាលក្រសួងសុខាភិបាលនិងរដ្ឋបាលខេត្តកំពង់ស្ពឺដែលបានដាក់ចេញក្នុងគោលបំណងទប់ស្កាត់ការឆ្លងរាលដាលនៃជំងឺកូវីដ ១៩និងត្រួតពិនិត្យការបំពេញការងាររបស់ក្រុមការងារអនុវត្តពិន័យអន្តរកាលនៅតាមក្រុងស្រុកមួយដែលមានកំណត់នៅក្នុងច្បាប់ជាធរមាន។
ជាមួយគ្នានេះដែរ រដ្ឋបាលក្រុងនិងស្រុកទាំង៧ត្រូវរៀបចំបង្កើតក្រុមការងារអនុវត្តពិន័យអន្តរកាលនៅតាមភូមិសាស្ត្ររៀងខ្លួនៗដោយត្រូវមានសមាសភាពចូលរួមពីមន្ត្រីសុខាភិបាលអធិការដ្ឋាននគរបាលមូលដ្ឋានកងរាជអាវុធហត្ថក្រុងនិងស្រុកទាំង៧និងដឹកនាំផ្ទាល់ដោយរដ្ឋបាលក្រុងស្រុកនីមួយៗ។
ការបង្កើតគណៈកម្មការត្រួតពិនិត្យការអនុវត្តពិន័យអន្តរកាលចំពោះបុគ្គលដែលមិនគោរពវិធានការរដ្ឋបាលនិងវិធានការសុខាភិបាលជំងឺកូវីដ ១៩ និងជំងឺឆ្លងកាត់សាហាវនិងប្រកបដោយគ្រោះថ្នាក់ធ្ងន់ធ្ងរផ្សេងទៀតក្នុងភូមិសាស្ត្រខេត្តកំពង់ស្ពឺនេះបន្ទាប់ពីខេត្តមួយនេះបានអ្នកឆ្លងជំងឺកូវីដ ១៩មានការកើនឡើងជាបន្តបន្ទាប់នៅក្នុងមួយរយៈចុងក្រោយនេះពិសេសទៅលើបងប្អូនកម្មករនិយោជិត។
គួរបញ្ជាក់ថា គិតត្រឹមថ្ងៃទី១៧ខែឧសភានេះ រដ្ឋបាលខេត្តកំពង់ស្ពឺបានរកឃើញអ្នកឆ្លងជំងឺកូវីដ១៩កើនឡើងដល់ទៅ២៨៣នាក់ អ្នកជាសះស្បើយចំនួន៣៦នាក់ និង អ្នកកំពុងសម្រាកព្យាបាលនៅមន្ទីរពេទ្យចំនួន២៤៧នាក់និងស្លាប់ចំនួន៧នាក់ផងដែរ៕
ដោយ ៖ សំអឿន
-
សេដ្ឋកិច្ច៥ ថ្ងៃ agoអ្នកជំនាញ៖ វិស័យអចលនទ្រព្យនៅកម្ពុជាមិនទាន់មានសញ្ញាងើបឡើងវិញរហូតដល់បច្ចុប្បន្ននេះ
-
ព័ត៌មានអន្ដរជាតិ៣ ថ្ងៃ agoយន្តហោះមីយ៉ាន់ម៉ា ទម្លាក់គ្រាប់បែកជញ្ជ្រំព្រំដែន កក្រើកដល់ដីថៃ ធ្វើឲ្យពលរដ្ឋភ័យព្រលឹងចុងសក់ ទៀតហើយ
-
ព័ត៌មានជាតិ៤ ថ្ងៃ agoលេចចេញគំរូស្ពានឆ្លងទន្លេមេគង្គ គ្រោងសាងសង់ដោយជប៉ុនតាមផ្លូវជាតិលេខ ១
-
ព័ត៌មានអន្ដរជាតិ៦ ថ្ងៃ agoតើឥណ្ឌាពិតជាខ្នងបង្អែកដ៏រឹងមាំ របស់អ៊ីស្រាអែល ដូចអ្វីដែលលោក ណេតាន់យ៉ាហ៊ូ អួតអាងមែនទេ?
-
សន្តិសុខសង្គម៤ ថ្ងៃ agoបង្ក្រាប Online Scam នៅក្រុងសិរីសោភ័ណ ឃាត់ខ្លួនយុវជនម្នាក់ បើកកន្លែងប្រតិបត្តិការឆបោកតែម្នាក់ឯង
-
ព័ត៌មានជាតិ៥ ថ្ងៃ agoកម្ពុជា UNODC និងសមាជិកមហាអនុតំបន់ទន្លេមេគង្គឆ្នាំ១៩៩៣ នឹងបន្តរួមគ្នាដោះស្រាយបញ្ហាគ្រឿងញៀនសំយោគ
-
ព័ត៌មានអន្ដរជាតិ៦ ថ្ងៃ agoមានការផ្ទុះគ្រាប់បែក ក្បែរសណ្ឋាគារលោក Macron ស្នាក់នៅ អំឡុងដំណើរទស្សនកិច្ច ប្រទេសស៊ីរី
-
ព័ត៌មានជាតិ៧ ថ្ងៃ agoអាជ្ញាធរសង្កាត់ចោមចៅទី ៣ បន្តចុះបូមស្តារប្រព័ន្ធលូជូនប្រជាពលរដ្ឋ