ចរាចរណ៍

ម៉ូតូ២គ្រឿងបុកគ្នាពេញទំហឹងបណ្តាលឲ្យមនុស្សស្លាប់ម្នាក់ និងរបួសធ្ងន់ម្នាក់ នៅស្រុកមង្គលបូរី

បានផុស

៥ years មុន

នៅ

ថ្ងៃព្រហស្បតិ៍ ១០ មិថុនា ២០២១

ដោយ

មានមនុស្សស្លាប់១នាក់ និង របួសធ្ងន់១នាក់ ដោយសារតែម៉ូតូ២គ្រឿងបុកគ្នាលាន់ដូចរន្ទះនៅ នៅវេលាម៉ោង៧យប់ថ្ងៃទី៩ ខែមិថុនា ឆ្នាំ២០២១ នៅលើផ្លូវក្រាលកៅស៊ូពីចំណោមទៅភ្នំតូច ស្ថិតក្នុងភូមិតាសល់ ឃុំចំណោម ស្រុកមង្គលបូរី ខេត្តបន្ទាយមានជ័យ ។

នគរបាលស្រុកមង្គលបូរី បានឲ្យដឹងថា ជនរងគ្រោះដែលបាត់បង់ជីវិតមាន ឈ្មោះស្ងួន ប៊ុនហួត ភេទប្រុស អាយុ៦០ឆ្នាំ នៅភូមិតាសល់ ឃុំចំណោម ស្រុកមង្គលបូរី ខេត្តបន្ទាយមានជ័យ និងអ្នករបួសធ្ងន់មានឈ្មោះ សូ ទិត្យ ភេទប្រុស អាយុ២៩ឆ្នាំ នៅភូមិគោកសំរោង ឃុំសឿ ស្រុកមង្គលបូរី ខេត្តបន្ទាយមានជ័យ ទាំង២នាក់សុទ្ធតែអត់បានពាក់មួកសុវត្ថិភាព។ នគរបាលបានបញ្ជាក់ឲ្យដឹងបន្តថា នៅមុនពេលកើតហេតុឈ្មោះ សូ ទិត្យ បានបើកម៉ូតូម៉ាកហុងដាឌ្រីម ពណ៌ខ្មៅ ពាក់ស្លាកលេខ ប.មានជ័យ1T.6196 ក្នុងទិសដៅពីលិចទៅកើតពេលបើកដល់ដល់កន្លែងកើតហេតុបានរេចង្កូតទៅបុកម៉ូតូម៉ាកហុងដាឌ្រីម ពណ៌ខ្មៅ ពាក់ស្លាកលេខ ប.មានជ័យ1U6748 អ្នកបើកមានឈ្មោះ ស្ងួន ប៊ុនហួតពេញទំហឹងបណ្តាលឲ្យ ឈ្មោះ ស្ងួន ប៊ុនហួត ស្លាប់នៅនឹងកន្លែង ចំណែកឈ្មោះសូទិត្យ រងរបួសធ្ងន់ ត្រូវបានដឹកទៅសង្គ្រោះនៅមន្ទីរពេទ្យបង្អែកខេត្តមិត្តភាព កម្ពុជ ជប៉ុន នៅស្រុកមង្គលបូរី។

នគរបាលបានបញ្ជាក់បន្តថា មូលហេតុបង្កឲ្យគ្រោះថ្នាក់បណ្តាលមកពីអ្នកបើកម៉ូតូឈ្មោះ សូ ទិត្យ មិនប្រកាន់ស្តាំ។ សពជនរងគ្រោះ ត្រូវបានប្រគល់ជូនក្រុមគ្រួសារយកទៅចាត់ចែងធ្វើបុណ្យតាមប្រពៃណី ចំណែកម៉ូតូទាំង២គ្រឿង សមត្ថកិច្ចយកមករក្សាទុកនៅអធិការដ្ឋាននគរបាលស្រុកមង្គលបូរី ដើម្បីរង់ចាំធ្វើការដោះស្រាយនៅពេលក្រោយ៕

អត្ថបទ៖ វ៉ាន់ ណាង

Related Topics:គ្រោះថ្នាក់ចរាចរណ៍

សេចក្ដីជូនដំណឹង១ សប្តាហ៍ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា