គាំទ្រជានិច្ចចំពោះអង្កការយូនីសេហ្វដែលបានចូលរួមក្នុងកិច្ចការវាយតម្លៃនិងត្រួតពិនិត្យកម្មវិធីផ្ទេរសាច់ប្រាក់ជូនស្ត្រីមានផ្ទៃពោះនិងកុមារ

ក្នុងនាមក្រសួងសង្គមកិច្ចអតីតយុទ្ធជន និងយុវនីតិសម្បទាលោក សុខ ប៊ុនថា អនុរដ្ឋលេខាធិការនៃក្រសួងសង្គមកិច្ច
បានថ្លែងនូវការគាំទ្រជានិច្ចដោយសូមអបអរសាទរចំពោះអង្កការយូនីសេហ្វដែលបានចូលរួមសហការក្នុងកិច្ចការជាច្រើនដូចជាការវវាយតម្លៃ ការត្រួតពិនិត្យ ការផលិតសម្ភារៈផ្សព្វផ្សាយកម្មវិធីផ្ទេរសាច់ប្រាក់ឧបត្ថម្ភរបស់រាជរដ្ឋាភិបាលសម្រាប់ផ្តល់ជូនស្ត្រីមានផ្ទៃពោះ កុមារអាយុក្រោម២ឆ្នាំ គ្រួសារក្រីក្រនិងជនងាយរងគ្រោះដោយសារជំងឺរាតត្បា​ត​កូវិដ១៩ ។

លោក សុខ ប៊ុនថា អនុរដ្ឋលេខាធិការនៃក្រសួងសង្គមកិច្ច បានថ្លែងបែបនេះនាថ្ងៃម្សិលមិញ ខណៈជួបប្រជុំពិភាក្សាជាមួយក្រុមការងារអង្គការយូនីសេហ្វ ក្នុងការវសយតម្លៃនិងត្រួតពិនិត្យសម្រាប់កម្មវិធីផ្ទេរសាច់ប្រាក់តាមរយៈZoom។

យោងតាមរបាយការណ៍របស់ក្រសួងសង្គមកិច្ចអតីតយុទ្ធជន និងយុវនីតិសម្បទាថ្មីៗនេះលោក សុខ ប៊ុនថា បានបញ្ចាក់​ថា បងប្អូនគ្រួសារក្រីក្រ និងងាយរងគ្រោះ ស្ត្រីមានផ្ទៃពោះ និងកុមារអាយុក្រោម២ឆ្នាំ ពិសេសដែលទទួលផលប៉ះបាល់ដោយសារជម្ងឺរាតត្បាតកូវិដ១៩ បានអញ្ជើញមកពិនិត្យឈ្មោះឲ្យបានត្រឹមត្រូវនៅតាមមូលដ្ឋានឃុំ សង្កាត់រៀងៗខ្លួនដើម្បីបន្តទទួលសាច់ប្រាក់ឧបឋមពីរាជរដ្ឋាភិបាលតាំងពីថ្ងៃទី១០ធ្នូ២០២០មកម្លេះ។

ក្នុងនាមក្រសួងសង្គមកិច្ចលោកអនុរដ្ឋលេខាធិការបានថ្លែងនូវការអរគុណ គាំទ្រជានិច្ចចំពោះអង្កការយូនីសេហ្វដែលបានចូលរួមក្នុងកិច្ចការវាយតម្លៃនិងត្រួតពិនិត្យកម្មវិធីផ្ទេរសាច់ប្រាក់ជូនស្ត្រីមានផ្ទៃពោះនិងកុមារអាយុក្រោម២ឆ្នាំក៍ដូចសកម្មឍភាពមនុស្សធម៏ជាច្រើនទៀត។ ដោយឡែកគ្រួសារដែលមិនទាន់បានទទួលសាច់ប្រាក់ឧបត្ថម្ភពីរាជរដ្ឋាភិបាលដូចពត៏មានខាងលើសូមរួសរាន់មកទំនាក់ទំនងជាមួយអាជ្ញាធរមូលដ្ឋានដែលខ្លួនស្នាក់អាស្រ័យនោះដើម្បីទទួលបានអត្ថប្រយោជន៍ដែលរាជរដ្ឋាភិបាលបានផ្តល់ជូនជៀសវាងភាពមិនប្រក្រតីណាមួយកើតឡើងដោយសារតែការខុសឈ្មោះឬអត្តសញ្ញាណណាមួយនោះ៕

អត្ថបទ ៖ វិមាន