ព័ត៌មានជាតិ

បុរសម្នាក់ប្រយ័ត្នណាស់ ខ្លាចណាស់ នៅតែឆ្លងកូវីដ ប្រកាសប្រាប់មហាជនកុំមេីលស្រាលកូវីដ-១៩ឲ្យសោះ

បានផុស

៥ years មុន

នៅ

ថ្ងៃសុក្រ ៩ កក្កដា ២០២១

ដោយ

ភ្នំពេញ៖ រហូតមកដល់ពេលនេះបញ្ហាជំងឺកូវីដ-១៩ នៅតែមានចំនួនអ្នកឆ្លងច្រើនគួរឲ្យបារម្ភនៅឡើយ ក្រោយផ្ទុះព្រឹត្តិការណ៍សហគមន៍ ២០កុម្ភ:។ ជាមួយគ្នានេះក៏មានគណនីហ្វេសប៊ុកមួយបានអំពាវនាកុំមេីលស្រាលកូវីដ-១៩ឲ្យសោះ។

យោងតាមម្ចាស់ Account Facebook ឈ្មោះ Liv Puma ដោយមិនចង់លាក់បាំងការពិត បានរៀបរាប់ប្រាប់មហាជន ដេីម្បីប្រយោជន៍រួមទាំងអស់គ្នា ក្រោយពេលឆ្លងកូវីដដោយមិននឹកស្មាន ហើយអំពាវនាវដល់បងប្អូនត្រូវចេះប្រុងប្រយ័ត្ន កុំឲ្យមើលស្រាលជំងឺកូវីដឲ្យសោះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បុរសរូបនេះបានបញ្ជាក់ថា៖ “ពេលនេះខ្ញុំឆ្លងកូវីដ-១៩ហេីយ ហេីយខ្ញុំកំពុងព្យាបាលនៅផ្ទះដាច់តែឯងជាន់លេី។ ទៅណាមកណា ខ្ញុំតែងតែពាក់ម៉ាស់គ្រប់ពេល ខ្ញុំប្រយ័ត្នណាស់តែកូវីដនៅតែឆ្លងមកខ្ញុំបាន ហេីយខ្ញុំក៏មិនដឹងខ្លួនឯងដែរថា ឆ្លងមកពីណាហេីយឆ្លងពេលណាដែរ”។

បុរសរូបនេះបន្តថា មួយរយៈចុងក្រោយនេះគេនៅតែផ្ទះនិងកន្លែងធ្វេីការ (Office) ក្រៅពីនេះទៅផ្សារទិញម្ហូបតាមផ្សារទំនេីបតូចៗម្តងម្តាលប៉ុណ្ណោះ។

បុរសរូបនេះបញ្ជាក់ទៀតថា ទោះបីគេបានចាក់វ៉ាក់សាំង២ ដងហេីយក៏ដោយ កុំមេីលស្រាលឲ្យសោះ ជាពិសេសប្រយ័ត្នកូនក្មេងដែលមិនទាន់បានចាក់វ៉ាក់សាំង។ សូមប្រយ័ត្នអោយមែនទែនកុំព្រហេីនអោយសោះ។

បុរងដែលប្រកាសខ្លួនឆ្លងកូវីដបានប្រាប់ថា គេបានចេញរោគសញ្ញា៥ថ្ងៃហេីយ តែប្រហែលមកពីវ៉ាក់សាំងជួយទេីបធ្វើឲ្យគេមិនធ្វេីទុក្ខខ្លាំង គ្រាន់តែមានអាការ:ដូចផ្តាសាយធំ។

អភិបាលរាជធានីភ្នំពេញ លោកឃួន ស្រេងបានថ្លែងថ្ងៃបិទបញ្ចប់យុទ្ធនាការចាក់វ៉ាក់សាំងកូវីដនៅរាជធានីភ្នំពេញថា ក្នុងមួយថ្ងៃរាជធានីភ្នំពេញបន្តរកឃើញអ្នកឆ្លងថ្មីចន្លោះពី ២០០ ទៅ ៣០០ នាក់។

លោកអភិបាលក្រុង បានកត់សម្គាល់ករណីរកឃើញអ្នកឆ្លងថ្មីកើតមានលើអ្នកចាក់វ៉ាក់សាំងរួចផងដែរ។

យ៉ាងណាលោកបានថ្លែងបញ្ជាក់ថា ករណីឆ្លងលើអ្នកចាក់វ៉ាក់សាំងរួច មិនមានអាការៈធ្ងន់ធ្ងរ ដោយសារសុខភាពជនរងគ្រោះនៅតែរឹងមាំ ហើយវ៉ាក់សាំងមានប្រតិកម្មតបតជាមួយវីរុសកូវីដ-១៩ ហើយការព្យាបាលមានប្រសិទ្ធភាពខ្ពស់ប្រើពេលត្រឹម ៧ទៅ៩ថ្ងៃ ជាសះស្បើយឡើងវិញ។

លោកអភិបាលក្រុងបានហៅយុទ្ធនាការបញ្ចប់ការចាក់វ៉ាក់សាំងនៅរាជធានីភ្នំពេញជាជោគជ័យ ខណៈមានពលរដ្ឋអាយុពី ១៨ ឆ្នាំ ចំនួន ១,៧លាននាក់បានទទួលការចាក់វ៉ាក់សាំងរួចស្មើ ៩៩ភាគរយក្នុងចំណោមពលរដ្ឋនៅរាជធានីភ្នំពេញ។

អត្ថបទ៖ ចាន់រ៉ា

Related Topics:កូវីដ-១៩