ព័ត៌មានជាតិ

មានលក្ខខណ្ឌ ៤ ចំណុច នេះ ទើបអ្នកឆ្លងកូវីដ អាចព្យាបាលតាមផ្ទះបាន

បានផុស

៥ years មុន

នៅ

ថ្ងៃចន្ទ ១២ កក្កដា ២០២១

ដោយ

អាជ្ញាធររាជធានីភ្នំពេញ បានអនុញ្ញាតិឲ្យអ្នកជំងឺកូវីដមួយចំនួន អាចទទួលការព្យាបាលនៅផ្ទះបាន។

លោក ង៉ូវ កាង រដ្ឋលេខាធិការក្រសួងសុខាភិបាលបានលើកឡើងពីលក្ខខណ្ឌចំនួន ៤ ចំណុច ទើបអ្នកជំងឺកូវីដអាចអនុញ្ញាតិឲ្យសម្រាកតាមផ្ទះបានមានដូចតទៅ៖

-អ្នកជំងឺកូវីដដែលមានរោគសញ្ញាកម្រិតស្រាល និងគ្មានរោគសញ្ញា
-ត្រូវមានបន្ទប់ដាច់ដោយឡែក សម្រាប់ដាក់អ្នកជំងឺ
-ត្រូវមានបុគ្គលជាជំហរម្នាក់ មានសុខភាពល្អអាចមើលថែទាំអ្នកជំងឺបាន
-ផ្ទះមានលំហធំទូលាយ អាចរក្សាគម្លាត រក្សាអនាម័យ សម្រាប់អ្នករស់នៅក្រោមដំបូលតែមួយ

លោកកើត ឆែ អភិបាលរងរាជធានីភ្នំពេញបានឲ្យដឹងដែរថា អាជ្ញាធរនឹងដាក់ស្លាកតាមផ្ទះពេលមានអ្នកជំងឺកំពុងព្យាបាលតាមផ្ទះ ដើម្បីជូនដំណឹងក្រើនរំលឹកដល់អ្នករស់នៅជុំវិញ ដូច្នេះពលរដ្ឋតាមមូលដ្ឋានអាចចូលរួមតាមដាន រាយការណ៍ដល់អាជ្ញាធរករណីមានអ្នកល្មើស ដើម្បីជាប្រយោជន៍ដល់សុខភាពសាធារណៈ។

លោកបន្តថា សមាជិកគ្រួសារក្នុងដំបូលផ្ទះតែមួយ ក្នុងពេលមានអ្នកជំងឺសម្រាកព្យាបាល ហាមដាច់ខាតការចេញដំណើរទៅក្រៅមិនថាប្រកបអាជីវកម្ម ឬការដើរហើរគោលដៅណាមួយ។ ជាមួយគ្នានេះ ទាំងអ្នកប៉ះពាល់ទាំងអ្នកជំងឺត្រូវដាក់ខ្លួន ១៤ ថ្ងៃ ក្រោយបញ្ចប់ការព្យាបាល។

លោកក៏លើកឡើងពីទិដ្ឋភាពច្បាប់ ដោយកន្លងទៅរដ្ឋាភិបាលក៏បានបង្កើតច្បាប់ដាក់ទោសវិន័យ សម្រាប់អ្នកល្មើសទាំងអ្នកជំងឺ និងអ្នកប៉ះពាល់អាចពិន័យជាទឹកប្រាក់និងជាប់ពន្ធនាគារ៕

អត្ថបទ៖ ប៊ុណ្ណារ៉ា

Related Topics:កូវីដ-១៩