ទីតាំង២​កន្លែង​នៅសង្កាត់បឹងរាំង ពាក់ព័ន្ធ​អ្នក​ឆ្លង​កូវីដ សូមមានការប្រុងប្រយ័ត្ន

អនុគណៈកម្មការស្រាវជ្រាវជំងឺកូវីដ១៩កាលពីថ្ងៃទី០៧ខែសីហាឆ្នាំ២០២១នេះ បានអំពាវនាវដល់ ប្រជាពលរដ្ឋ ឲ្យមានការប្រុងប្រយ័ត្ននៅទីតាំង២កន្លែង ផ្សេងគ្នានៅក្នុងមូលដ្ឋាន សង្កាត់បឹងរាំង ខណ្ឌដូនពេញព្រោះមានពាក់ព័ន្ធ​អ្នកមាន​ជំងឺ​កូវីដ។

ទីតាំងទី១ ដែលត្រូវបានអនុគណះកម្មការប្រកាសឲ្យប្រុងប្រយ័ត្ននោះ ទី១ នៅហាងលក់កុំព្យូទ័រ អាណាណា (ANANA Computer) ដែលមានទីតាំងស្ថិតនៅ​ទល់មុខសាលាចតុមុខ​ ផ្ទះលេខ៩៥​ ផ្លូវព្រះនរោត្តម​ សង្កាត់​បឹងរាំង​ ខណ្ឌដូនពេញ ព្រោះថ្ងៃទី ០៣ ខែសីហា​ ឆ្នាំ២០២១ ចាប់ពីម៉ោង ០៩និង៣០ ដល់ ០៩និង៤០ មានអ្នកជំងឺកូវីដ១៩ បានចូលទៅទីតាំងខាងលើនេះ។

ចំណែ​កទីតាំងមួយ​កន្លែង​ទៀត នៅហាងលក់កង់​ កង់ហោះ ២ ដែលមានទីតាំងស្ថិតនៅ ផ្លូវ៥១ កែងផ្លូវ២០០ សង្កាត់បឹងរាំង ខណ្ឌដូនពេញ ព្រោះកាលពីថ្ងៃទី ២៦ ខែកក្កដា ដល់ថ្ងៃទី ២ ខែសីហា​ ឆ្នាំ២០២១ មាន​បុគ្គលិកធ្វើការ នៅទីតាំងខាងលើ​បាន​ឆ្លង​កូវីដ ១៩។

អាជ្ញាធរ​បាន​ណែនាំ​ដល់​ពលរដ្ឋ និង​អ្នក​ពាក់ព័ន្ធយកចិត្តទុកដាក់ តាមដានសុខភាពរបស់ខ្លួនរយៈពេល ១៤ ថ្ងៃ ចាប់ពីថ្ងៃដែលអ្នកបានប៉ះពាល់ ឬបានទៅទីកន្លែងនេះ៕

អត្ថបទ៖ រស្មី