ជីវិតកម្សាន្ដ

កូនប្រុសលោកគ្រូ រស់ សេរី រម្លឹកពីការបូជាសាច់ស្រស់ឈាមស្រស់ដល់ក្បាច់គុនល្បុក្កតោ

បានផុស

៥ years មុន

នៅ

ថ្ងៃព្រហស្បតិ៍ ១៩ សីហា ២០២១

ដោយ

នៅលើគណនីហ្វេសប៊ុកមានឈ្មោះ អូន វណ្ណសាក់ ដែលត្រូវបានគេដឹងថា ជាកូនប្រុសរបស់លោកព្រឹទ្ធាចារ្យ រស់ សេរី បានធ្វើការរម្លឹកថា លោកគ្រូ រស់ សេរី បានលះបង់ជាច្រើនដើម្បីក្បាច់គុនល្បុក្កតោខ្មែរ។

ប្រភពបានលើកឡើងថា ស្ទើរពាក់កណ្ដាលជីវិតរបស់លោកព្រឹទ្ធាចារ្យ រស់ សេរី ឈាមស្រស់សាច់ស្រស់បានបូជាដល់ក្បាច់គុនល្បុក្កតោ ទោះបីនឿយហត់ឬត្រូវជួបឧបសគ្គខ្លះៗក៏លោកមិនដែលបោះបង់ចោលវប្បធម៌ដ៏ល្អមួយនេះទេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក អូន វណ្ណសាក់ បានបន្តថា លោកគ្រូ រស់ សេ រី បានបង្ហាត់បង្រៀនសិស្សណែនាំសិស្សទោះបីឈឺនៅលើគ្រែដើរមិនរួច ក៏ស្រែកប្រាប់សិស្សដែររហូតដល់ថ្ងៃចូលពេទ្យ។ ថ្ងៃលាក្រុមគ្រួសារ លាញាតិមិត្តជិតឆ្ងាយលាកូនសិស្សរបស់គាត់ និងលាមាតុភូមិកំណើតជារៀងរហូតគ្មានថ្ងៃវិលត្រឡប់វិញ។

លោកនិយាយថា ការចាកចេញរបស់លោកគ្រូ គឺជាការបាត់បង់ធនធានមនុស្សដ៏កម្ររបស់ខ្មែរដែលគាត់បានលះបង់ទាំងសេចក្ដីសុខទាំងធនធានផ្ទាល់ខ្លួនដើម្បីតែការអភិរក្សនិងបង្ហាត់បង្រៀននៅក្បាច់គុនបុរាណខ្មែរល្បុក្កតោ។

គួររម្លឹកថា ព្រឹទ្ធាចារ្យ រស់ សេរី បានទទួលមរណភាពកាលពីថ្ងៃទី១២ ខែសីហា ឆ្នាំ២០២១ក្នុងជន្មាយុ៦៦ឆ្នាំដោយរោគាពាធ។ ព្រឹទ្ធាចារ្យជាប្រធានសាលាគុនល្បុក្កតោអង្គរមានឫទ្ធិ៍ ខេត្តសៀមរាប និងជាជំនួយការក្រសួងវប្បធម៌ និងវិចិត្រសិល្ប:ផងដែរ៕

អត្ថបទ ៖ ចាន់រ៉ា