ជីវិតកម្សាន្ដ
ពេជ្រ ចរណៃ បញ្ចេញ MV ក្បាច់គុនល្បុក្កតោ អបអរខួប ២ឆ្នាំ នៃការចុះក្នុងបញ្ជីបេតិកភណ្ឌវប្បធម៌អរូបី
ដើម្បីចូលរួមអបអរសាទរខួប២ឆ្នាំ “គុនល្បុក្កតោ” ត្រូវបានចុះក្នុងបញ្ជីបេតិកភណ្ឌវប្បធម៌អរូបីនៃមនុស្សជាតិតារាសម្តែងកញ្ញា ពេជ្រ ចរណៃ បានបញ្ចេញវីដេអូខ្លីមួយបង្ហាញពីសកម្មភាពនៃការដឹងគុណ និងមោទនភាពក្នុងនាមជាកូនខ្មែរដែលតែងចូលបំផុសយុវជនខ្មែរក្នុងវិស័យមួយនេះ។
“គុនល្បុក្កតោ” គឺជាក្បាច់គុនបុរាណខ្មែរដែលចាក់ឫសគល់យ៉ាងជ្រៅ នៅក្នុងសង្គមខ្មែរជាច្រើនសតវត្សមកហើយ ដែលបន្តរស់រានក្នុងសង្គមខ្មែររហូតមកដល់បច្ចុប្បន្ន។ ចម្លាក់លើជញ្ជាំងប្រាសាទសម័យអង្គរ ជាព័ស្តុតាងបង្ហាញច្បាស់អំពីការហាត់សមក្បាច់គុននេះដែរ។ ការបង្ហាត់បង្ហាញក្បាច់គុនល្បុក្កតោតៗគ្នាពីជំនាន់មួយទៅជំនាន់មួយ គឺដើម្បីពង្រឹងប្រាជ្ញាស្មារតីនិងសមត្ថភាពការពារខ្លួន ពីសត្វសាហាវ ព្រមទាំងសត្រូវដើម្បីការពារសង្គមជាតិនិងមាតុភូមិផង។
នៅថ្ងៃអបអរសាទរខួប២ឆ្នាំចុះក្នុងបញ្ជីបេតិកភណ្ឌវប្បធម៌អរូបី ២៩ វិច្ឆិកា ២០២២ – ២៩ វិច្ឆិកា ២០២៤ តារាសម្តែងគុនល្បុក្កតោកញ្ញា ពេជ្រ ចរណៃ បានបង្ហាញខ្លឹមសារថា MV ក្បាច់គុនល្បុក្កតោចេញថ្ងៃនេះហើយ និងចូលរួមសម្ដែងដោយតារាក្បាច់គុនជាច្រើនរូបចង់ដឹងមានអាយដលណាខ្លះចាំមើលដល់ចប់ទៅ។
ពេជ្រ ចរណៃបានបញ្ជាក់ថា”នាងខ្ញុំសូមអរគុណនិងមានមោទនជាក្រៃលែង ចំពោះវីរៈភាពរបស់ថ្នាក់ដឹកនាំលោកគ្រូតា គ្រូយាយ លោកគ្រូអ្នកគ្រូ សិស្សច្បង សិស្សប្អូន កូនសិស្សទាំងអស់ដែលបានចូលរួមលះបង់ទាំងកំលាំងកាយចិត្តក្នុងការហាត់រៀនលើកស្ទួយនិងផ្សព្វផ្សាយនៅក្បាច់គុនបុរាណខ្មែរល្បុក្កតោ”។
តារាស្រីកញ្ញា ពេជ្រ ចរណៃ បានបង្ហាញឆន្ទ:ទៀតថា នៅថ្ងៃ២៩ វិច្ឆិកា ២០២៤ នេះ គឺខួប២ឆ្នាំ គុនល្បុក្កតោ ត្រូវបានចុះ ក្នុងបញ្ជីបេតិកភណ្ឌវប្បធម៌អរូបីនៃមនុស្សជាតិ ២៩វិច្ឆិកា ២០២២ – ២៩ វិច្ឆិកា២០២៤ បន្តថែរក្សាលើកស្ទួយផ្សព្វផ្សាយនៅក្បាច់គុនល្បុក្កតោខ្មែរ។ ខណៈកាលពីថ្មីៗនេះដែរ ពេជ្រ ចរណៃបានចេញមុខបំផុសមហាជននិងអ្នកគាំទ្រចូលរួមស្លៀកពាក់ឈុតល្បុក្កតោខ្មែរ ដើម្បីជាការចូលរួមអបអរសាទរខួប២ឆ្នាំនៃការដាក់បញ្ជូលជាសម្បត្តិបេតិកភណ្ឌពិភពលោកផងដែរ។
កញ្ញាពេជ្រ ចរណៃធ្លាប់បានចេញមកអះអាងពីគោល ជំហររបស់ខ្លួនថានាងនឹងបន្តហាត់រៀនក្នុងការចូលរួ មលើកស្ទួយនិងផ្សព្វផ្សាយក្បាច់គុនបុរាណខ្មែរ “ល្បុក្កតោ”រហូតដល់ដង្ហើមចុងក្រោយ។ នេះក៏ដើម្បីបង្ហាញពីការស្រលាញ់និងឆន្ទ:របស់ខ្លួនជាមួយវិស័យក្បាច់គុនបុរាណខ្មែរ “ល្បុក្កតោ”៕ អត្ថបទ ចាន់រ៉ា
-
ព័ត៌មានជាតិ២ ថ្ងៃ agoសមត្ថកិច្ចឃាត់ខ្លួនជនសង្ស័យជនជាតិថៃ២នាក់និងខ្មែរម្នាក់ ករណីជួញដូរសារធាតុញៀន
-
ព័ត៌មានជាតិ១ សប្តាហ៍ agoទេសចរគួរដឹងអ្វីខ្លះ ពេលទៅកម្សាន្តតំបន់អេកូទេសចរណ៍រ៉ាមសារសម្រស់កោះហានក្នុងខេត្តស្ទឹងត្រែង?
-
ព័ត៌មានអន្ដរជាតិ៧ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានអន្ដរជាតិ១ សប្តាហ៍ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានជាតិ៦ ថ្ងៃ agoតំណាងអយ្យការសម្រេចចោទប្រកាន់លោកផ្កាយបីនិងលោកផ្កាយពីរ រួមអ្នកពាក់ព័ន្ធ៤នាក់ផ្សេងទៀត
-
ព័ត៌មានអន្ដរជាតិ១ សប្តាហ៍ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ១៨ ម៉ោង agoទាហានថៃបាញ់កាំភ្លើង៩គ្រាប់ មុខអនុព័ន្ធយោធាអាម៉េរិក ចិន រុស្ស៊ី ជប៉ុន ដែលចុះសង្កេតការណ៍នៅអូរស្មាច់
-
សន្តិសុខសង្គម៦ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ