ហានិភ័យខុសគ្នានៃវីរុសបំប្លែងខ្លួន Delta ចំពោះអ្នកចាក់វ៉ាក់សាំង និងអ្នកមិនបានចាក់

វីរុសកូវីដបំប្លែងខ្លួនប្រភេទ ដែលតា (Delta) ត្រូវបានអង្គការសុខភាពពិភពលោកចាត់ទុកជាវីរុសបំប្លែងថ្មី ដែលគួរឱ្យបារម្ភ ត្បិតវីរុសបំប្លែងថ្មីនេះងាយឆ្លងក្នុងកម្រិតមួយខ្ពស់ ជាពិសេសមនុស្សមិនបានចាក់វ៉ាក់សាំង។

បើយោងតាមប្រភពពីវេបសាយ Healthline បានឱ្យដឹងថា កូវីដបំប្លែងខ្លួនប្រភេទ ដែលតា បង្កហានិភ័យខ្លាំងចំពោះសុខភាពមនុស្សគ្រប់គ្នា ប៉ុន្តែហានិភ័យរបស់វាមានភាពខុសគ្នារវាងអ្នកចាក់វ៉ាក់សាំងពេញលេញ និងអ្នកមិនបានចាក់សោះ។

ភាពខុសគ្នានោះគឺ៖

អ្នកចាក់វ៉ាក់សាំង

១. បង្ការការឆ្លងបានខ្ពស់ ប្រមាណពី ៦៦-៩៧ភាគរយ

២. ប្រសិនបើឆ្លង នឹងគ្មានអាការធ្ងន់ធ្ងរ ព្រមទាំងមិនធ្វើទុក្ខខ្លាំង

៣. កម្រនឹងចូលសម្រាកព្យាបាលនៅមន្ទីរពេទ្យ ហើយឆាប់ជាសះស្បើយ

៤. បើសិនឆ្លងម្ដងហើយ មិនងាយឆ្លងម្ដងទៀតទេ ឬមិនប្រឈមនឹងវីរុសបំប្លែងខ្លួនដទៃឡើយ

៥. ការពារអាយុជីវិតពីការស្លាប់ដោយសារការឆ្លងវីរុសបំប្លែងខ្លួន ដែលតា។

អ្នកមិនចាក់វ៉ាក់សាំង

១. ប្រឈមនឹងការឆ្លងវីរុសបំប្លែងខ្លួនគ្រប់ប្រភេទក្នុងកម្រិតខ្ពស់បំផុត

២. បើសិនឆ្លង មនុស្ស​៩៩% នឹងមានអាការធ្ងន់ធ្ងរ ធ្វើទុក្ខខ្លាំង ឬអាចប្រើអុកស៊ីសែនជំនួយទៀតផង

៣. បង្កើនហានិភ័យទ្វេដងនៃការចូលព្យាបាលនៅមន្ទីរពេទ្យ និងចូលបន្ទប់សង្គ្រោះបន្ទាន់

៤. ទោះបីជាអ្នកជំងឺធ្លាប់ឆ្លងវីរុសបំប្លែងខ្លួន Delta ម្ដងរួចហើយ និងបានជាសះស្បើយទាំងស្រុងក៏ដោយ ក៏ពួកគេនៅតែប្រឈមនឹងការឆ្លងឡើងវិញ ឬអាចឆ្លងវីរុសបំប្លែងខ្លួនដទៃទៀត។

៥. មិនងាយជាសះស្បើយ ​ឬប្រឈមហានិភ័យស្លាប់

៦. អាចជាប្រភពនៃការបង្កាត់ពូជនៃវីរុសបំប្លែងខ្លួនថ្មីផ្សេងទៀត។

ហេតុដូច្នេះ សូមថែរក្សាខ្លួនដោយចៀសវាងទៅកន្លែងដែលមានមនុស្សកកកុញ ត្រូវរក្សាគម្លាតពីអ្នកដទៃ ពាក់ម៉ាស ព្រមទាំងលាងសម្អាតដៃឱ្យបានទៀងទាត់។

នៅពេលដល់វេនរបស់អ្នក សូមទៅចាក់វ៉ាក់សាំង។ វ៉ាក់សំាងកូវីដ-១៩ ដែលទទួលបានការអនុម័តពីអង្គការសុខភាពពិភពលោក សុទ្ធតែមានសុវត្ថិភាព និងប្រសិទ្ធភាព៕

ប្រែសម្រួល៖ សន្យា

ចុចអាន៖ ទោះធ្លាប់ឆ្លងកូវីដបំប្លែងខ្លួន២ប្រភេទនេះ អ្នកនៅតែអាចឆ្លងវីរុសបំប្លែងខ្លួនផ្សេងៗបាន

ចុចអាន៖ ព័ត៌មានសំខាន់ៗជុំវិញវីរុសបំប្លែងខ្លួន Delta និងគន្លឹះថែរក្សាសុវត្ថិភាពពីការចម្លង