ទោះធ្លាប់ឆ្លងកូវីដបំប្លែងខ្លួន២ប្រភេទនេះ អ្នកនៅតែអាចឆ្លងវីរុសបំប្លែងខ្លួនផ្សេងៗបាន
Connect with us
Helistar Cambodia - Helicopter Charter Services

សុខភាព

ទោះធ្លាប់ឆ្លងកូវីដបំប្លែងខ្លួន២ប្រភេទនេះ អ្នកនៅតែអាចឆ្លងវីរុសបំប្លែងខ្លួនផ្សេងៗបាន

បានផុស

នៅ

អ្នកជំងឺកូវីដបំប្លែងខ្លួនប្រភេទ ដែលតា (Delta) អាចមានឱកាសឆ្លងកូវីដបំប្លែងខ្លួនប្រភេទ អាល់ហ្វា (Alpha)​ ហើយអ្នកធ្លាប់ឆ្លងអាល់ហ្វា ក៏អាចឆ្លង​ដែលតា ឬកូវីដបំប្លែងខ្លួនដទៃទៀតដែរ ប្រសិនបើពុំមានការការពារត្រឹមត្រូវនោះទេ។ នេះបើយោងតាមប្រសាសន៍លោកជំទាវ ឱ វណ្ណឌីន រដ្ឋលេខាធិការ និងជាអ្នកនាំពាក្យក្រសួងសុខាភិបាលថ្លែងក្នុងបទសម្ភាសន៍ជាមួយទូរទស្សន៍ PNN កាលពីថ្ងៃទី ២ ខែកញ្ញា ឆ្នាំ ២០២១។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកជំទាវបណ្ឌិតលើកឡើងថា បុគ្គលម្នាក់មិនថាធ្លាប់ឆ្លងអាល់ហ្វាហើយ ឬធ្លាប់ឆ្លងដែលតានោះទេ ពួកគេអាចឆ្លងកូវីដអាល់ហ្វា រួចទៅឆ្លងដែលតាបន្តទៀត ឬក៏ឆ្លងកូវីដប្រភេទផ្សេងទៀតក៏មានដែរ។

អ្វីដែលគួរកត់សម្គាល់ពេលនេះ វីរុសបំប្លែងខ្លួនប្រភេទ អាល់ហ្វា កាន់តែបន្ថែមគ្រោះថ្នាក់ ដោយវាមានលទ្ធភាពអាចសម្លាប់មនុស្សបាន ខណៈបច្ចុប្បន្ន វីរុសនេះមានប្រភេទផ្សេងទៀតដែលវាបំប្លែងខ្លួនទៅជាទម្រង់ E484K។ ទម្រង់ E484K ជាប្រភេទនៃវីរុសអាល់ហ្វាដែលបានបំប្លែងខ្លួន ហើយវាអាចឆ្លងខ្លាំងជាងកូវីដបំប្លែងខ្លួនដែលតា ដោយសារតែពិភពលោកកំពុងតែដាក់ការសង្ស័យថា កូវីដប្រភេទ E484K អាចទៅបំបែកឆ្លងកាត់ប្រព័ន្ធភាពស៊ាំរបស់យើង។

បន្ថែមពីលើនេះ លោកជំទាវ ឱ វណ្ណឌីន បានបង្ហាញនូវក្ដីព្រួយបាម្ភ និងក្រើនរំឭកថា ប្រសិនកូវីដបំប្លែងខ្លួនទាំង២បានចូលក្នុងសរីរាង្គបុគ្គលម្នាក់ រួចវាចាប់ដៃគ្នា មានអាល់ហ្វាផង និងដែលតាផង វាអាចចម្លងទៅមនុស្សផ្សេង ៥ ឬ ១០នាក់ទៀត ថែមទាំងអាចបង្កើតវីរុសកូវីដបំប្លែងខ្លួនថ្មីទៀតក៏មាន។

ហេតុនេះហើយ ទើបក្រសួងសុខាភិបាលបានទទូច និងអំនាវនាវដល់ប្រជាពលរដ្ឋគ្រប់រូបបម្រុងប្រយ័ត្នជានិច្ច និងកុំភ្លេចអនុវត្តវិធានការ ៣ការពារ ៣កុំ ដើម្បីទប់ស្កាត់ការឆ្លងរាលដាលនៅក្នុងសហគមន៍កម្ពុជាតទៅទៀត៕

សូមទស្សនាវីដេអូខាងក្រោម

អត្ថបទ៖ សន្យា

ចុចអាន៖ ​តើវីរុសបំប្លែងខ្លួន​ Mu ជាអ្វី ហើយគួរឲ្យព្រួយបារម្ភប៉ុនណាទៅ?

ចុចអាន៖ ​អ្នក​ជំនាញ​បញ្ជាក់​ច្បាស់​ថា​ វ៉ាក់សាំង​ពីរ​ដូស​ការពារ​បាន​ល្អ ទោះ​មិន​​ចាក់​ដូសទី៣

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម

Helistar Cambodia - Helicopter Charter Services