ព័ត៌មានជាតិ
កម្ពុជាប្រើប្រាស់ ឥន្ធនៈផូស៊ីល ៦០% ដើម្បីផលិតថាមពលអគ្គិសនី
រដ្ឋមន្ត្រីក្រសួងរ៉ែ និងថាមពល បានមានប្រសាសន៍ថា ប្រទេសកម្ពុជា បានប្រើប្រាស់ឥន្ធនៈផូស៊ីល៦០% ដើម្បីផលិតថាមពលអគ្គិសនដើ ម្បីរក្សានិរន្តរភាព នៃសន្តិសុខថាមពលអគ្គិសនី និងកំណើនសេដ្ឋកិច្ច។
ថ្លែងក្នុងវេទិកា ថាមពលអាស៊ីបូព៌ាលើកទី៤ ស្តីពី «ការផ្លាស់ប្តូរនៃថាមពលដែលបញ្ចេញកាបូនទាបនៅក្នុងតំបន់អាស៊ាន» តាមប្រព័ន្ធវីដេអូពីចម្ងាយ កាលពីល្ងាចថ្ងៃទី១៣ ខែកញ្ញា ឆ្នាំ២០២១ លោកស៊ុយ សែម រដ្ឋមន្ត្រីក្រសួងរ៉ែ និងថាមពល បានមានប្រសាសន៍ថា នៅក្នុងឆ្នាំ២០២១នេះ ប្រភពផ្គត់ផ្គង់ថាមពលបឋម របស់កម្ពុជា រួមមានប្រមាណ៦០ភាគរយ បានមកពីការប្រើប្រាស់ឥន្ធនៈផូស៊ីល។ ក្នុងនោះមានធ្យូងថ្ម និងប្រេង។ ចំណែកថាមពល៤០ភាគរយទៀត បានមកពីប្រភពកកើតឡើងវិញរួមមានវារីអគ្គិសនី ថាមពលដើរដោយពន្លឺព្រះអាទិត្យ និងជីវម៉ាស់។
លោករដ្ឋមន្ត្រី មានប្រសាសន៍បន្តថា ការប្រើប្រាស់ការឥន្ធនៈផូស៊ីល តាមរបៀបមួយស្អាត ដែលប្រើប្រាស់បច្ចេកវិទ្យាចាប់យក ប្រើប្រាស់ និងស្តុកកាបូនទុក គឺជាកត្តាចាំបាច់បំផុត គួបផ្សំនឹងការអនុវត្ត ឲ្យបានខ្ជាប់ខ្ជួន នូវគោលនយោបាយប្រសិទ្ធភាព និងការសន្សំសំចៃថាមពល និងការដាក់ចេញជាបន្ទាន់ នូវផែនការអភិវឌ្ឍន៍ ថាមពលកកើតឡើងវិញ។
គួរបញ្ជាក់ថា បច្ចុប្បន្ននេះទំនប់វារីអគ្គិសនី ដែលកំពុងដំណើរការនៅកម្ពុជា រួមមាន៖ ទំនប់វារីអគ្គិសនី គីរីរម្យ១មានអនុភាព១២ មេហ្គាវ៉ាត់ស្ថិតក្នុងខេត្តកំពង់ស្ពឺ ទំនប់វារីអគ្គិសនី កំចាយមានអនុភាព១៩៣ មេហ្គាវ៉ាត់ស្ថិតក្នុងខេត្តកំពត ដែលបានចាប់ដំណើរការនៅឆ្នាំ២០១១ ទំនប់វារីអគ្គិសនី គីរីរម្យ៣មានអនុភាព១៨ មេហ្គាវ៉ាត់បានចាប់ដំណើរការនៅឆ្នាំ២០១៣ ទំនប់វារីអគ្គិសនី ស្ទឹងអាតៃមានអនុភាព១២០ មេហ្គាវ៉ាត់ ស្ថិតក្នុងខេត្តពោធិ៍សាត់ ដែលបានចាប់ដំណើរការនៅឆ្នាំ ២០១៣ ទំនប់វារីអគ្គិសនី ស្ទឹងឫស្សីជ្រុំក្រោមមានអនុភាព ៣៣៨ មេហ្គាវ៉ាត់ស្ថិតក្នុងខេត្តកោះកុង ដែលបានចាប់ដំណើរការនៅឆ្នាំ២០១៤ ទំនប់វារីអគ្គិសនី ស្ទឹងតាតៃមានអនុភាព២៤៦ មេហ្គាវ៉ាត់ ស្ថិតក្នុងខេត្តកោះកុង ដែលបានដំណើរការក្នុងឆ្នាំ ២០១៤និងទំនប់វារីអគ្គិសនីសេសានក្រោម២មានអនុភាព៤០០ មេហ្គាវ៉ាត់ស្ថិតក្នុងខេត្តស្ទឹងត្រែង បានចាប់ផ្ដើមដំណើរការជាផ្លូវការក្នុងឆ្នាំ ២០១៨ខណៈបច្ចុប្បន្នកំពុងសាងសង់ ទំនប់វារីអគ្គិសនីចំនួន២បន្ថែទៀត រួមមានគម្រោងវារីអគ្គិសនីស្ទឹងពោធិ៍សាត់ដែលមានអនុភាព៨០មេហ្គាវ៉ាត់ និងគម្រោងវារីអគ្គិសនីស្ទឹងតាតៃលើ នៅខេត្តកោះកុង ដែលមានអានុភាព១៥០មេហ្កាវ៉ាត់។
ចំណែក ថាមពលពន្លឺព្រះអាទិត្យ មានចំនួន៣៥០មេហ្គាវ៉ាត់ កំពុងដាក់ឲ្យដំណើរការ និងត្រៀមសាងសង់បន្ថែម១០០មេហ្គាវ៉ាត់ទៀត នៅខេត្តកំពង់ឆ្នាំង ដើម្បីជួយសម្រួលដល់ប្រជាពលរដ្ឋឲ្យទទួលបានការប្រើប្រាស់អគ្គិសនី។
រីឯថមាពលអគ្គិសនី ដើរស្ថានីយធ្យូងថ្ម មានចំនួន៣កន្លែង កំពុងដំណើរការរួចហើយ ដែលមានអនុភាពតម្លើង សរុបចំនួន៦៧៥មេហ្គាវ៉ាត់ មានទីតាំង នៅស្រុកស្ទឹងហាវ ខេត្តព្រះសីហនុ និងកំពុងសាងសង់ស្ថានីយធ្យូងថ្ម ចំនួន៣កន្លែងបន្ថែមទៀត រួមមាន៖ ស្ថានីយធ្យូងថ្ម មានអនុភាព៧០០មេហ្គាវ៉ាត់នៅ ស្រុកស្ទឹងហាវខេត្តព្រះសីហនុ ស្ថានីយធ្យូងថ្ម មានអនុភាព៧០០មេហ្គាវ៉ាត់ នៅស្រុកបទុមសាគរខេត្តកោះកុ ងនិងស្ថានីយធ្យូងថ្ម មានអនុភាព២៦៥មេហ្គាវ៉ាត់ នៅភាគខាងជើងខេត្តឧត្តរមានជ័យ ដោយប្រើប្រាស់ប្រភពធ្យូង ថ្មរ៉ែ របស់យើងផ្ទាល់។ រហូតមកដល់ពេលនេះ មានភូមិចំនួន២១០ភូមិទៀត ក្នុងចំណោមភូមិសរុប១៤៨៦៨ ភូមិនៅទូទាំងប្រទេស នៅមិនទាន់មានអគ្គិសនីប្រើប្រាស់នៅឡើយទេ៕
អត្ថបទ៖ សំអឿន
-
ជីវិតកម្សាន្ដ៣ ថ្ងៃ ago
អាយដល G-Devith ក៏ឈ្នះរង្វាន់ដែរ ឈ្នះ ១លានរៀល ពី វឌ្ឍនៈ ឡាហ្គឺរ៉េដ
-
ជីវិតកម្សាន្ដ៦ ថ្ងៃ ago
ពេជ្រ ចរណៃ រក្សាបានរាង និងសម្រស់ស្អាត មិនចាញ់តារាបរទេស
-
ព័ត៌មានជាតិ៣ ថ្ងៃ ago
ស្គាល់អត្តសញ្ញាណយោធិន១៥រូប ចំណោមអ្នកស្លាប់២០រូប ក្នុងហេតុការណ៍ផ្ទុះឃ្លាំងគ្រាប់នៅកំពង់ស្ពឺ
-
ព័ត៌មានជាតិ១ សប្តាហ៍ ago
កម្ពុជានឹងធ្លាក់ភ្លៀង ៤០% នាដើមរដូវវស្សាឆ្នាំនេះ ខណៈក្រសួងប្រកាសឱ្យប្រុងប្រយ័ត្នបាតុភូត ផ្គរ រន្ទះ និងខ្យល់កន្ត្រាក់
-
ព័ត៌មានជាតិ៣ ថ្ងៃ ago
សម្ដេចធិបតី ឧបត្ថម្ភជូនគ្រួសារយោធិនដែលស្លាប់មួយគ្រួសារ៨០លានរៀល ឯអ្នករងរបួស២០លានរៀល
-
ព័ត៌មានជាតិ១ សប្តាហ៍ ago
តុលាការ បញ្ជាឱ្យចាប់ខ្លួនជនត្រូវចោទ ចោម ខ្វាន់ ពីបទរំលោភលើទំនុកចិត្តអ្នកដទៃ
-
សេចក្ដីជូនដំណឹង៧ ថ្ងៃ ago
អ្នកឧកញ៉ា ឡេង ណាវ៉ាត្រា បញ្ជាក់ច្បាស់ៗការដោះដូរ ផ្ទះយកដី គឺសម្រាប់តែអតិថិជនស្ម័គ្រចិត្ត ដែលពួកគាត់មានតម្រូវការចាំបាច់ចំណែកគម្រោង បុរី នៅតែប្រកាន់គោលជំហរបញ្ចប់ការដោះស្រាយជូនអតិថិជនទាំងស្រុងដដែល
-
ព័ត៌មានជាតិ៦ ថ្ងៃ ago
អតីតប្រធានអង្គការភូមិកុមារ SOS ធ្លាប់ជួយកុមារលើពិភពលោកជិត៣ទសវត្សរ៍ បានទទួលមរណភាព