សេដ្ឋកិច្ច

ក្រសួងរ៉ែ និងថាមពលគ្រោងរៀបចំពិព័រណ៍ផលិតផលរ៉ែ ឆ្នាំ២០២៦ រយៈពេល ២ ថ្ងៃ

បានផុស

៥ ខែ មុន

នៅ

ថ្ងៃសុក្រ ១៣ កុម្ភៈ ២០២៦

ដោយ

ក្រសួងរ៉ែ និងថាមពល នឹងរៀបចំពិព័រណ៍ផលិតផលរ៉ែ ឆ្នាំ២០២៦ ចាប់ពីថ្ងៃទី១៤ ដល់ថ្ងៃទី ១៥ ខែកុម្ភៈ ឆ្នាំ២០២៦ នៅផ្លូវថ្មើរជើងចតុមុខ (Walk Street) ស្ថិតនៅមុខវត្តឧណ្ណាលោម ដែលនឹងមានការតាំងបង្ហាញអំពីសមិទ្ធផល ការងាររបស់វិស័យរ៉ែជាច្រើន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក កែវ រតនៈ រដ្ឋមន្ត្រីក្រសួងរ៉ែ និងថាមពល មានប្រសាសន៍ថា តាមរយៈការទទួលបានចំណូលពីវិស័រ៉ែ ប្រជាពលរដ្ឋអាចសង្កេតឃើញពីការប្រែប្រួល ព្រោះក្រសួងរ៉ែ និងថាមពល បានធ្វើការកែទម្រង់ផង លុបបំបាត់ប្រព័ន្ធការិយាធិបតេយ្យមិនចាំបាច់ផង និងការទ្រទ្រង់វិស័យឯកជនដូចថ្មអារជាដើម។

លោកបានអះអាងថា តាមរយៈការខំបើកទីផ្សារតាមវិស័យរ៉ែនេះ កម្ពុជាបាននាំមកនូវចំណូលគ្រាន់តែទទួលបានពីសួយសារមួយមុខបានកើនឡើងពីជាង ៤០ លានដុល្លារ មកដល់ជាង ១៣៥ លានដុល្លារ ដែលនេះគ្រាន់តែគិតពីសួយសារមួយមុខប្រសិនបើបូកជាមួយវិស័យផ្សេងៗ នឹងអាចច្រើនជាងនេះរាប់រយលានដុល្លារ។

លោក រដ្ឋមន្ត្រី បានបញ្ជាក់ថា នេះជាមុំសំខាន់មួយដែលប្រជាពលរដ្ឋគួរតែមានមោទនភាព ព្រោះនៅពេលរាជរដ្ឋាភិបាលធ្វើការអភិវឌ្ឍពិតណាស់គឺត្រូវគិតគូរពីបរិស្ថាន ផលប៉ះពាល់ទាំងធម្មជាតិ មនុស្ស សត្វ ប៉ុន្តែនៅពេលសិក្សារួចហើយឃើញថាមានផលប៉ះពាល់តិចតួច ហើយឃើញផលប្រយោជន៍ច្រើន គឺយើងច្បាស់ជាធ្វើការអភិវឌ្ឍន៍ ព្រោះការអភិវឌ្ឍនេះជាការដាក់លុយទៅកាន់ប្រជាពលរដ្ឋដែលមានការងារធ្វើផ្ទាល់ និងមិនផ្ទាល់៕

អត្ថបទ៖ ឡេង ដេត