ព័ត៌មានជាតិ

ប្រមូលជនអនាថា និងជនញៀនថ្នាំទាំង១១សង្កាត់ បាន៣៥នាក់ រកឃើញវិជ្ជមានម្នាក់

បានផុស

៥ years មុន

នៅ

ថ្ងៃពុធ ១៣ តុលា ២០២១

ដោយ

ដើម្បីបោសសម្អាតនៅក្រុមជនអនាថា ជាពិសេសជនហិតកាវញៀនថ្នាំ នៅក្នុងមូលដ្ឋានខណ្ឌដូនពេញនោះ លោក សុខ ពេញវុធ អភិបាលនៃគណៈអភិបាលខណ្ឌដូនពេញ បានបញ្ជាឲ្យសង្កាត់ទាំង១១ សហការគ្នាចុះប្រមូលក្រុមទាំងនោះ ដោយឃាត់ខ្លួនបានចំនួន៣៥ នាក់ ហៅគ្រូពេទ្យមកតេស្តរកជំងឺកូវីដឃើញម្នាក់វិជ្ជមាន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការចាប់ប្រមូលក្រុមជនអនាថា និងជនញៀនថ្នាំទាំងនោះបានធ្វើឡើងកាលពីព្រឹកថ្ងៃទី១៣ ខែតុលា ឆ្នាំ២០២១ នៅក្នុងមូលដ្ឋានសង្កាត់ទាំង១១ ក្នុងខណ្ឌដូនពេញ រាជធានីភ្នំពេញ។

គួរបញ្ជាក់ផងដែរថា ក្រុមជនអនាថា និងជនញៀនថ្នាំទាំង៣៥នាក់ ដែលត្រូវបានកម្លាំងអាជ្ញាធរសង្កាត់១១ក្នុងខណ្ឌដូនពេញចាប់ប្រមូលនោះ គឺត្រូវបានក្រុមគ្រូពេទ្យតេស្តរកជំងឺកូវីដ១៩ ទាំងអស់គ្នា ដោយរកឃើញស្ត្រីម្នាក់ក្នុងចំណោមគ្នា៣៥នាក់នោះវិជ្ជមាន ហើយក៏ត្រូវបានបញ្ជូនទៅព្យាបាលផងដែរ។ ចំណែកអ្នកដែលមិនវិជ្ជមាន ក៏ត្រូវបានបញ្ជូនទៅមន្ទីរសង្គមកិច្ចរាជធានីភ្នំពេញដើម្បីអប់រំកែប្រែបន្ត៕