ចរាចរណ៍

រថយន្តអគ្គិសនីកម្ពុជា ១ គ្រឿង បើកបុកបង្គោលភ្លើងដាច់ ១ ដើម ក្រឡាប់ផ្ងារជើង

បានផុស

៣ years មុន

នៅ

ថ្ងៃចន្ទ ៦ ធ្នូ ២០២១

ដោយ

រថយន្តអគ្គិសនីកម្ពុជាមួយគ្រឿង រេចង្កូតឡើងសួនពុះចែកទ្រូងផ្លូវបុកបង្គោលភ្លើងពេញទំហឹង បណ្ដាលឲ្យរថយន្តក្រឡាប់ផ្ងារជើង។ ហេតុការណ៍នេះ កើតឡើងនៅតាមបណ្ដោយផ្លូវជាតិលេខ 6A សង្កាត់ជ្រោយចង្វារ ខណ្ឌជ្រោយចង្វារ រាជធានីភ្នំពេញ កាលពីវេលាម៉ោង១២និង៤៥នាទីរំលងអធ្រាត្រ ថ្ងៃទី ០៦ ខែធ្នូ ឆ្នាំ ២០២១។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រភពព័ត៌មានពីកន្លែងកើតហេតុបានឲ្យដឹងថា នៅវេលាកើតហេតុគេឃើញរថយន្តរបស់អគ្គិសនីកម្ពុជាមួយគ្រឿងពាក់ស្លាកលេខរដ្ឋ 132 1398 ពណ៌ខៀវមួយគ្រឿង បានបើកបោះពួយយ៉ាងលឿន សង្ស័យអ្នកបើកបរស្រវឹងធ្លាក់ភ្នែក បានរេចង្កូតឡើងលើខឿនទ្រូងផ្លូវទៅបុកបង្គោលភ្លើងបំភ្លឺផ្លូវយ៉ាងពេញទំហឹង បណ្តាលដួលបាក់អស់១ដើម។ ចំណែករថយន្តរងការខូចខាតទាំងស្រុងនិងក្រឡាប់ផ្ងារជើងតែសំណាងល្អតៃកុងមិនរងរបួសធ្ងន់ធ្ងរ។

ប្រភពដដែលបញ្ជាក់ទៀតថា ក្រោយកើតហេតុសមត្ថកិច្ចជំនាញនគរបាលចរាចរណ៍ផ្លូវគោកនៃស្នងការដ្ឋាននគរបាលរាជធានីភ្នំពេញ វាស់វែងយករថយន្តទៅរក្សាទុកដើម្បីរង់ចាំដោះស្រាយនៅពេលក្រោយ៕