ព័ត៌មានអន្ដរជាតិ
តម្លៃប្រេងឡើងខ្ពស់បំផុតក្នុងពេល៧ឆ្នាំចុងក្រោយ
តម្លៃប្រេងបានកើនឡើងខ្ពស់បំផុតជាលើកដំបូងគិតចាប់តាំងពីឆ្នាំ២០១៤ពោលគឺក្នុងរយៈពេល៧ឆ្នាំចុងក្រោយនេះកាលពីថ្ងៃអង្គារ៍ម្សិលមិញដោយសារមានបញ្ហាប៉ះពាល់ដល់ការផ្គត់ផ្គង់ បន្ទាប់ពីមានការវាយប្រហារឈូងសមុទ្រ Mideast Gulf បន្ថែមលើទិន្នផលផ្គត់ផ្គង់លំបាកស្រាប់។
ប្រេងឆៅ Brent បានកើនឡើង០.៨៨ដុល្លារ ឬស្មើនឆង១%ដែលមានតម្លៃ៨៧.៣៦ដុល្លារអាមេរិកក្នុង១បារ៉ែល។ ចំណែកប្រេងឆៅរបស់ក្រុមហ៊ុនយក្សអាមេរិក West Texas Intermediate (WTI) បានកើនឡើងទៅ១.២៣ដុល្លារ ឬ១.៥% ដែលមានតម្លៃ៨៥.០៥ដុល្លារក្នុង១បារ៉ែល។ ការធ្វើពាណិជ្ជកម្មកាលពីថ្ងៃចន្ទបានធ្លាក់ចុះ ដោយសារវាជាថ្ងៃឈប់សម្រាករដ្ឋរបស់អាមេរិក។
សន្ទទស្សន៍គោលទាំងពីរបានឈានដល់កម្រិតខ្ពស់បំផុតគិតចាប់តាំងពីខែតុលា ឆ្នាំ២០១៤មកកាលពីព្រឹកថ្ងៃអង្គារ៍។
ក្តីបារម្ភពីការផ្គត់ផ្គង់បានកើនឡើងនៅសប្តាហ៍នេះ បន្ទាប់ពីគ្រុប Houthi របស់ប្រទេសយេម៉ែនបានវាយប្រហារបែបភេរវកម្មលើអារ៉ាប់រួម ដែលអារិភាពទាំងនេះបង្កឡើងរវាងក្រុមសម្ព័ន្ធអ៉ីរ៉ង់ និងក្រុមចម្រុះដឹកនាំដោយអារ៉ាប៊ីសាអូឌីត។
បន្ទាប់ពីការបាញ់បង្ហោះយន្តហោះ(ដ្រូន)អត់មានមនុស្សបើក និងមីស៊ីលដែលបណ្តាលផ្ទុះសម្លាប់មនុស្ស៣នាក់ អារ៉ាប់រួមបាននិយាយថា ខ្លួនរក្សាសិទ្ធិឆ្លើយតបចំពោះការវាយប្រហារភេរវកម្មទាំងនោះ។
ក្រុមហ៊ុនប្រេងអារ៉ាប់រួម ADNOC បាននិយាយថា ខ្លួននៅបន្តធ្វើសកម្មភាពអាជីវកម្មដើម្បីធានាដល់ការផ្គត់ផ្គង់ដោយគ្មានការរំខានទៅកាន់ទីផ្សារក្នុងស្រុក និងអន្តរជាតិ បន្ទាប់ពីឧបទ្ទវហេតុឃ្លាំងប្រេង Mussafah របស់ខ្លួន។
បន្ថែមលើនេះ ភាពតានតឹងពីសមាជិកអង្គការ OPEC+ រវាងប្រទេសរុស្ស៊ី និងអ៊ុយក្រែនជាមូលហេតុមួយដែរ។
បន្ថែមលើនេះទៀត អ្នកផលិតប្រេងមួយចំនួននៅអង្គការនៃបណ្តាប្រទេសនាំចេញប្រេង (OPEC) បានកំពុងតស៊ូដើម្បីបូមប្រេងតាមសមត្ថភាពរបស់ខ្លួនដែលបណ្តាលមកពីវិនិយោគតិច និងការដាច់ភ្លើង ស្ថិតក្រោមកិច្ចព្រមព្រៀងមួយជាមួយរុស្ស៊ី និងសម្ព័ន្ធមិត្តដើម្បីបន្ថែម៤០ម៉ឺនបារ៉ែលក្នុងមួយថ្ងៃ។
អ្នកវិភាគ PVM លោក Tamas Varga បាននិយាយថា ៖«ជារួមគឺថា ស្ថានភាពនឹងមិនល្អប្រសើរឡើយនាពេលអនាគតដែលត្រូវបានព្យាករ និងកំណើនតម្រូវការប្រេងដែលមានឧបសគ្គលើការផ្គត់ផ្គង់គឺជៀសមិនផុតដែលនាំឲ្យតុល្យភាពប្រេងតឹងតែងខ្លាំង»។
អ្នកវិភាគ Goldman Sachs បាននិយាយថា ពួកគេគិតថា ការស្តុកប្រេងរបស់ប្រទេស OECD ធ្លាក់ទៅកម្រិតទាបបំផុតគិតចាប់តាំងពីរដូវក្តៅឆ្នាំ២០០០ ដែលតម្លៃប្រេងនឹងកើនឡើងរហូតដល់១០០ដុល្លារក្នុងមួយបារ៉ែលនាចុងឆ្នាំនេះ៕
ប្រែសម្រួល៖ វីរបុត្រ
ប្រភព៖ Reuters
-
ព័ត៌មានជាតិ៤ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ២ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ១ សប្តាហ៍ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ២ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៣ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
កីឡា១ សប្តាហ៍ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៧ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៣ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ