​តម្លៃប្រេងឥន្ធនៈលក់រាយ​ធ្លាក់ចុះ​ ខណៈរដ្ឋាភិបាលបន្ត​ឧបត្ថម្ភធន​

តម្លៃប្រេងឥន្ធនៈលក់រាយ​ក្នុងស្រុក​បន្តធ្លាក់ចុះ​ នៅថ្ងៃអង្គារទី ​២៣ មិថុនា ២០២៦ ​ក្នុងនោះប្រេងសាំង​ធម្មតា​ មានតម្លៃ​ ៤៣៥០ ​រៀល ក្នុងមួយលីត្រ ​ធ្លាក់ចុះ ២៥០ ​រៀល ​ចំណែក​ឯ​ប្រេងម៉ាស៊ូត​ធ្លាក់​ចុះ ៤៥០ ​មានតម្លៃ ៤២៥០ ក្នុងមួយលីត្រ ប្រៀបធៀបនឹងសប្ដាហ៍មុន។​

​ក្រសួងពាណិជ្ជកម្ម បានប្រកាសថា តម្លៃនេះ ​នឹងអនុវត្តចាប់ពីថ្ងៃទី ២៣ មិថុនា ២០២៦ រហូតដល់ពេល​ជូន​ដំណឹង​ថ្មី។​

​រាជ​រដ្ឋាភិបាលបានបន្ត​បញ្ចុះតម្លៃ​ប្រេង​ចំនួន​ ៦,៥ សេនដុល្លារ ​ក្នុងមួយលីត្រ​, បញ្ចុះតម្លៃ​១សេន​ដុល្លារ​ ​បន្ថែម​​ទៀត​ក្នុងមួយ​លីត្រនៅពេលដែលប្រេង​សាំង​អន្តរជាតិកើន​លើស​ពី​៩០​ដុល្លារ ​ក្នុង១​បារ៉ែល ​និង​ប្រេងម៉ាស៊ូតអន្តរជាតិកើនលើសពី១០០​ ដុល្លារ​​ក្នុង១​បារ៉ែល, ​បញ្ចុះ​ពន្ធ​នាំចូល​ដល់សូន្យ ​និង​បញ្ចុះអាករលើតម្លៃបន្ថែម​លើប្រេងសាំង ​និងប្រេងម៉ាស៊ូត ​ដល់សូន្យ។​

​បញ្ចុះអាករពិសេស​លើប្រេងសាំងពី ៣០% ​មក ១៥% ​និងប្រេងម៉ាស៊ូតពី ៤% មក ០ ​និង​បញ្ចុះ​អាករ​លើ​តម្លៃបន្ថែម​លើប្រេង​សាំងពី ១០% ​មក ៤% ​និងប្រេងម៉ាស៊ូត​ពី ១០% ​មកសូន្យ៕