សេដ្ឋកិច្ច

តម្លៃប្រេងលក់រាយក្នុងស្រុកធ្លាក់ចុះ

បានផុស

២៤ វិនាទី មុន

នៅ

ថ្ងៃអង្គារ ១៦ មិថុនា ២០២៦

ដោយ

តម្លៃប្រេងឥន្ធនៈលក់រាយធ្លាក់ចុះបន្តិចនៅថ្ងៃអង្គារនេះ ក្នុងនោះសាំងធម្មតា មានតម្លៃ ៤៦០០ រៀល ក្នុងមួយលីត្រ ធ្លាក់ចុះ ១០០ រៀល ធៀបនឹងសប្ដាហ៍មុន ចំណែកឯប្រេងម៉ាស៊ូតធ្លាក់ចុះ ៣៥០ រៀល មានតម្លៃ ៤៧០០ រៀល មួយលីត្រ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រសួងពាណិជ្ជកម្ម បញ្ជាក់ថា តម្លៃនេះ នឹងអនុវត្តចាប់ពីថ្ងៃទី ១៦ មិថុនា នេះ រហូតដល់ពេលជូនដំណឹងថ្មី។

រាជរដ្ឋាភិបាលបានបន្តបញ្ចុះតម្លៃប្រេងចំនួន ៦,៥ សេនដុល្លារ ក្នុងមួយលីត្រ, បញ្ចុះតម្លៃ១សេនដុល្លារ បន្ថែមទៀតក្នុងមួយលីត្រនៅពេលដែលប្រេងសាំងអន្តរជាតិកើនលើសពី៩០ដុល្លារ ក្នុង១បារ៉ែល និងប្រេងម៉ាស៊ូតអន្តរជាតិកើនលើសពី១០០ ដុល្លារក្នុង១បារ៉ែល, បញ្ចុះពន្ធនាំចូលដល់សូន្យ និងបញ្ចុះអាករលើតម្លៃបន្ថែមលើប្រេងសាំង និងប្រេងម៉ាស៊ូត ដល់សូន្យ។

បញ្ចុះអាករពិសេសលើប្រេងសាំងពី ៣០% មក ១៥% និងប្រេងម៉ាស៊ូតពី ៤% មក ០ និងបញ្ចុះអាករលើតម្លៃបន្ថែមលើប្រេងសាំងពី ១០% មក ៤% និងប្រេងម៉ាស៊ូតពី ១០% មកសូន្យ៕