ព័ត៌មានជាតិ
មន្ត្រីជំនាញបញ្ជាក់មូលហេតុបណ្តាលឱ្យមានការបាក់ច្រាំងតាមដងទន្លេ
បច្ចុប្បន្ននេះមានបណ្តាខេត្តមួយចំនួននៅតាមដងទន្លេមេគង្គលើ និងទន្លេមេគង្គក្រោម ដូចជាខេត្តកំពង់ចាម ក្រចេះ និងខេត្តកណ្តាល តែងតែមានការបាក់ច្រាំងទន្លេ ដែលបណ្តាលប៉ះពាល់ដល់ផ្លូវសាធារណៈ ផ្ទះសម្បែង វត្តអារាមជាដើម។
ថ្លែងក្នុងវេទិកាសាធារណៈ ដើម្បីផ្សព្វផ្សាយអំពីការធ្វើអាជីវកម្មខ្សាច់សំណង់ និងដីល្បាយខ្សាច់ នៅខេត្តកណ្តាល ថ្មីៗនេះ លោក ឌិត ឌីណា រដ្ឋលេខាធិការក្រសួងរ៉ែ និងថាមពល មានប្រសាសន៍ថា កត្តាដែលបង្កឱ្យមានការបាក់ច្រាំងគឺដោយសារតែនៅកណ្តាលទន្លេមានសភាពរាក់ ធ្វើឱ្យខ្សែទឹកបុកមកខាងៗច្រាំងទន្លេ បង្កជាការបាក់ស្រុត។ មួយទៀតអាចបណ្តាលមកពីការធ្វើចរាចរណ៍ទូក និងកាណូតធំៗបើកនៅជិតច្រាំង ពិសេសការបូមខ្សាច់បែបអណាធិបតេយ្យ គ្មាន អញ្ញាប័ណ្ណត្រឹមត្រូវពីស្ថាប័នជំនាញ គ្មានបច្ចេទេសដែលមិនបានសិក្សាពីជម្រៅ និងចរន្តទឹកហូររបស់ទន្លេ។
លោក ឌិត ឌីណា បានបន្តថា ការបូមស្ការទន្លេនេះ គឺជាផលប្រយោជន៍របស់ប្រជាពលរដ្ឋ ដើម្បីសម្រួលចរន្តទឹក និងនាវាចរណ៍ ធ្វើឱ្យទន្លេមានសភាពជ្រៅឡើងវិញ ព្រមទាំងកាត់បន្ថយការបាក់ច្រាំងទន្លេទៅថ្ងៃអនាគតផងដែរ។ លោកអះអាងថា ការបូមខ្សាច់តាមបែបបច្ចេកទេស គឺមិនធ្វើឱ្យមានការបាក់ច្រាំង និងមិនផ្តល់ផលប៉ះពាល់ដល់ទន្លេនោះទេ ហើយថែមទាំងជួយដល់ទន្លេឱ្យមានជំរៅជ្រៅ ធ្វើឱ្យចរន្តទឹករត់ត្រូវគន្លង និងជៀសផុតពីការបាក់ច្រាំងទៀតផង។
លោករដ្ឋលខាធិការបានអំពាវនាវឱ្យប្រជាពលរដ្ឋរស់នៅក្នុងតំបន់ធ្វើអាជីវកម្មខ្សាច់សំណង់ និងដីល្បាយខ្សាច់ រួមទាំងឃុំពាមរាំង ឃុំសណ្តារ ឃុំព្រែកដាច់ និងឃុំក្អមសំណ នៅស្រុកលើកដែក ខេត្តកណ្តាល សូមរាយការណ៍ពីការបូមខ្សាច់លើសម៉ោងកំណត់ បូមខុសទីតាំង និងការដឹកជញ្ជូនខ្សាច់ខុសបទដ្ឋានបច្ចេកទេស ទៅអាជ្ញាធរ និងក្រសួងពាក់ព័ន្ធដើម្បីចាត់វិធានការឱ្យបានទាន់ពេលវេលា។ ព្រោះថាការបូមខ្សាច់ គឺបូមចាប់ពីម៉ោង ៦ ព្រឹក ទៅដល់ម៉ោង ៦ ល្ងាច គឺមិនអនុញ្ញាតឱ្យធ្វើការបូមលើសម៉ោងដែលក្រសួងបានកំណត់ឡើយ។
លោក ឌិត ឌីណា បានណែនាំដល់ប្រជាពលរដ្ឋត្រូវរាយការណ៍ភ្លាមៗមកក្រសួង ក្នុងករណីមានការបូមខុសច្បាប់ ម៉ោងឬខុសទីតាំង ដោយរាល់ការប្តឹងរបស់ប្រជាពលរដ្ឋត្រូវបានរក្សាការសំងាត់៕
អត្ថបទ៖ សំអឿន
-
ជីវិតកម្សាន្ដ១ សប្តាហ៍ ago
ពិធីករម្នាក់ រងការរិះគន់យ៉ាងចាស់ដៃទង្វើខ្វះសីលធម៌ អង្គុយគងអន្ទាក់ខ្លាពេលសម្ភាសន៍អ្នកនិពន្ធ សុខ ចាន់ផល
-
ជីវិតកម្សាន្ដ៣ ថ្ងៃ ago
ពូ ណុយ និង យ៉ែម ស្រីពេជ្រ ត្រៀមចូលរោងការដើមខែក្រោយ
-
ព័ត៌មានជាតិ៧ ថ្ងៃ ago
មន្ត្រីគាំទ្រគម្រោងព្រែកជីកហ្វូណនម្នាក់ ចោទសួរ The Cambodia Daily ហេតុអ្វីផ្សាយព័ត៌មានប្រឆាំងប្រយោជន៍ជាតិ?
-
ព័ត៌មានអន្ដរជាតិ៣ ថ្ងៃ ago
មូលហេតុ ៣ ដែលអធិរាជ ឈានឡុង នៃរាជវង្ស Qing បញ្ជាឲ្យកាត់ក្បាលគ្រូទាយល្បីម្នាក់
-
ព័ត៌មានជាតិ២១ ម៉ោង ago
Breaking News! ព្រែកជីកហ្វូណនតេជោ នឹងបើកការដ្ឋានសាងសង់ផ្លូវការនៅ ខែសីហា
-
ជីវិតកម្សាន្ដ១ សប្តាហ៍ ago
តារារ៉េប Ricky ScoTt ទម្លាយរឿងនារីម្នាក់ត្រូវ Rappersល្បីឈ្មោះ២រូបបៀតបៀនផ្លូវភេទ
-
ព័ត៌មានអន្ដរជាតិ១ សប្តាហ៍ ago
៥០ ឆ្នាំមកនេះ បុរាណវិទូ ចិន នៅតែឈឺចាប់ ក្រោយកំណាយឃើញទ័ពដីឥដ្ឋអធិរាជ ឈិនស៊ី
-
ព័ត៌មានជាតិ៧ ថ្ងៃ ago
សត្វព្រៃដែលបាត់វត្តមានចាប់ពី ៣០ ឆ្នាំ ទើបប្រកាសថាផុតពូជពីដែនព្រៃធម្មជាតិ