ស្រឡាញ់គ្នាជាង១ឆ្នាំ តួឯករឿង “Crash Landing On You” ប្រកាសរៀបការហើយ

ម្សិលមិញនេះ តួឯកទាំងពីរ ក្នុងខ្សែភាពយន្តភាគ “Crash Landing On You” បានប្រកាសពិធីរៀបការរបស់ពួកគេ ដែលធ្វើឱ្យអ្នកគាំទ្រភ្ញាក់ផ្អើលជាខ្លាំង និងនាំគ្នាជូនពរគូស្នេហ៍នេះឡើងព្រោងព្រាតពេញបណ្ដាញសង្គម។

កាលពីថ្ងៃទី១០ ខែកុម្ភៈ ឆ្នាំ២០២២​ តារាសម្តែងប្រុស Hyun Bin និងតារាសម្ដែងស្រី Son Ye Jin បានប្រកាសពិធីអាពាហ៍ពិពាហ៍ នៅលើគណនី Instagram ផ្ទាល់ខ្លួន ក្រោយពេលពួកគេទាក់ទងគ្នាបានជាងមួយឆ្នាំមក។

គូស្នេហ៍តារាមួយគូនេះ ត្រូវបានគេដឹងថា ចាប់ផ្ដើមទំនាក់ទំនងគ្នាជាផ្លូវការ កាលពីថ្ងៃទី៣១ ខែធ្នូ ឆ្នាំ២០២០ បន្ទាប់ពីពួកគេបានថតភាពយន្តជាមួយគ្នា ក្នុងរឿង “Crash Landing On You” ។ ​មកទល់នឹងពេលនេះ វាមានរយៈពេលជាង១ឆ្នាំហើយ ដែលអ្នកទាំងពីរបង្ហាញទំនាក់ទំនងជាសាធារណៈ ខណៈកាលបរិច្ឆេទនៃពិធីអាពាហ៍ពិពាហ៍នៅមិនទាន់ កំណត់ជាក់លាក់ទេ។

ទោះយ៉ាងណា ក្រោយ Hyun Bin និង Son Ye Jin បង្ហោះប្រកាសដំណឹងនេះភ្លាម ​អ្នកគាំទ្ររបស់ពួកគេ សម្ដែងសេចក្ដីត្រេកអរជាខ្លាំង និងនាំគ្នាជូនពរឱ្យពួកគេស្រឡាញ់គ្នាដល់ចាស់កោងខ្នង៕

ប្រែសម្រួល៖ សន្យា

ចុចអាន៖ ព្រោះហេតុផលស្រដៀងគ្នានេះ តារាកូរ៉េ ៥រូប សម្រេចធ្វើអត្តឃាត បន្សល់តែការសោកស្ដាយ