KPT+

មាន ៥ ចំណុចនេះជីវិតអាពាហ៍ពិពាហ៍នឹងមានបញ្ហា

បានផុស

៦ years មុន

នៅ

ថ្ងៃចន្ទ ២៦ តុលា ២០២០

ដោយ

Sonya

ជីវិតគូ ពិតជាលំបាកដែលអាចដើររួមផ្លូវយូរអង្វែង ចំពោះប្ដីប្រពន្ធទាំងឡាយណា ដែលមានប៉ុន្មានចំណុចនេះជាប់ខ្លួន ៖

១. ជិតតែកាយ ចិត្តមិននៅជាមួយគ្នា

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គូស្វាមីភរិយាបើរស់នៅក្រោមដំបូលតែមួយ តែដូចឆ្ងាយគ្នាមួយយោជន៍ ដោយសារម្នាក់ៗរវល់រៀងខ្លួនជួនជួបមុខគ្នាតែពេលយប់ ជួនមិនបានជួបមុខគ្នាក៏មាន ព្រោះតែពេលចូលផ្ទះយប់ជ្រៅខ្លាំងនេះជារឿងត្រូវដោះស្រាយឡើងវិញបន្ទាន់។

២. មិនរស់នៅជុំគ្នា ក្រោយរៀបការរួច

ការរស់នៅឆ្ងាយពីគ្នា អាចនាំឱ្យប្ដីប្រពន្ធមិនសូវបានទាក់ទង មិនសូវនឹករឭកគ្នា និងជួនកាលបណ្ដាលឲ្យដៃគូម្ខាងៗមានទម្លាប់ឯកោបាន ឬបែកចិត្តមានថ្មី។ សញ្ញានេះកំពុងបញ្ជាក់ថា ចំណងអាពាហ៍ពិពាហ៍មិនរឹងមាំឡើយ។

៣. មិនជួយមើលថែគ្នាពេលមានជំងឺ

ប្ដីប្រពន្ធ ត្រូវរួមទាំងសុខនិងទុក្ខជាមួយគ្នា ប៉ុន្តែបើពេលឈឺថ្កាត់ គ្មានអ្នកអើពើ យកចិត្តទុកដាក់ទេ រៀបការរួចមែន តែដូចមិនរៀបការដដែល។ មូលហេតុនេះហើយ ទើបជីវិតគូ គ្មានសុភមង្គល និងមិនអាចបន្តជាមួគ្នាបានយូរ។

៤. មិនជួយគិតគូអនាគតគ្រួសារជាមួយគ្នា

ក្រោយរៀបការហើយ ម្នាក់ៗត្រូវជាចំណែកនៃគ្នា។ ដូច្នេះអនាគតគ្រួសារ ចំណូលចំណាយ ការចិញ្ចឹមបីកូន ត្រូវតែគិតគូរនិងដោះស្រាយជាមួយគ្នា។ ប៉ុន្តែបើមិនខំជួយរៀបផែនការជាមួយគ្នាទេ គ្រួសារធ្វើមែចនឹងបានក្ដីសុខទៅ?

៥. មិនត្រូវគ្នាជាមួយសាច់ថ្លៃ

ក្នុងនាមជាកូនប្រសាសាច់ថ្លៃ បញ្ហារមែងមានតិចឬច្រើន ម្នាក់ៗត្រូវចេះអត់ធន់ លើកលែងនិងជួយសម្របសម្រួល ដោះស្រាយឱ្យបានល្អវិញកុំបន្លាយយូរពេក។ វិវាទបែបនេះ ពិបាកសាងជិវិតគ្រួសារជាមួយគ្នាបានយូរអង្វែងណាស់៕

ប្រែសម្រួល៖ សន្យា

ប្រភព៖ Bright Side

ចុចអាន៖ អ្នកចិត្តសាស្ត្រនិយាយថា ស្នេហាស្ងប់ស្ងាត់លាក់កំបាំងអាចជាលេសនៃចិត្តវៀចវេរ