ស្រ្តីអង់គ្លេស ឆ្លងជំងឺសាហាវមួយប្រភេទ បន្ទាប់ពីធ្វើដំណើរមក អាស៊ី

ស្ត្រីម្នាក់នៅក្នុងចក្រភពអង់គ្លេស ត្រូវបានគេធ្វើរោគវិនិច្ឆ័យថាមានជំងឺគ្រុនហូរឈាម Haemorrhagic Crimean-Congo ដ៏សាហាវបន្ទាប់ពីធ្វើដំណើរទៅកាន់តំបន់ អាស៊ីកណ្តាល។

Haemorrhagic គឺជាជំងឺឆ្លងដែលជាធម្មតាចម្លងដោយសត្វចៃមួយប្រភេទ និងសត្វពាហនៈក្នុងប្រទេសដែលមានជំងឺឆ្លងនេះ។

ទោះយ៉ាងណា នេះទើបតែលើកទីបីទេ ចាប់តាំងពីឆ្នាំ២០១២មក ដែលករណីមួយ ត្រូវបានរកឃើញនៅក្នុងចក្រភពអង់គ្លេស។

ស្ត្រី​រូប​នេះ ​កំពុង​ទទួល​ការ​ថែទាំ​ដោយ​គ្រូពេទ្យ​ជំនាញ​នៅ​មន្ទីរពេទ្យ Royal Free ក្នុង​ទីក្រុង​ឡុងដ៍។

យោងតាមអង្គការសុខភាពពិភពលោក អ្នកជំងឺប្រហែល៣០ភាគរយបានស្លាប់ ជាធម្មតានៅក្នុងសប្តាហ៍ទីពីរនៃការឆ្លង។

រោគសញ្ញាកើតឡើងភ្លាមៗ ហើយរួមមានគ្រុនក្តៅ ឈឺសាច់ដុំ វិលមុខ អារម្មណ៍វិលវល់ វង្វេស្មារតីនិងហូរឈាមក្នុងភ្នែក និងស្បែក រួមទាំងបញ្ហាផ្សេងទៀត។

គួរបញ្ជាក់ថា សត្វចៃ Hyalomma គឺជាភ្នាក់ងារចម្លងរោគដ៏សំខាន់ ហើយត្រូវបានរកឃើញនៅអាហ្វ្រិកខាងជើង អាស៊ី និងអឺរ៉ុបខាងត្បូង និងខាងកើត៕

ប្រែសម្រួល៖ Vann Vann

ប្រភព៖ Daily Mail

ចុចអាន៖ អ្នកវិទ្យាសាស្រ្តព្រមាន ជំងឺមួយនឹងចាប់ផ្តើមឆ្លងរាលដាល បន្ទាប់ពី កូវីដ១៩ (មានវីដេអូ)