នយោបាយ
គ.ជ.ប បង្ហាញគំនូស ខ្នាត និងប្រព័ន្ធការពារសន្តិសុខ នៃការិយាល័យបោះឆ្នោត និងរាប់សន្លឹកឆ្នោត
គណៈកម្មាធិការជាតិរៀបចំការបោះឆ្នោត (គ.ជ.ប) នៅរសៀលថ្ងៃទី០៥ ខែឧសភា ឆ្នាំ២០២២ នេះ បានបង្ហាញទំហំខ្នាត និងប្រព័ន្ធការពារសន្តិសុខនៃការិយាល័យបោះឆ្នោត និងការិយាល័យរាប់សន្លឹកឆ្នោត សម្រាប់ការបោះឆ្នោតជ្រើរើសក្រុមប្រឹក្សាឃុំ សង្កាត់ អាណត្តិទី៥ ដែលនឹងប្រព្រឹត្តទៅនៅថ្ងៃអាទិត្យ ទី០៥ ខែមិថុនា ឆ្នាំ២០២២ ខាងមុខ។
បើតាម គ.ជ.ប ការិយាល័យបោះឆ្នោត និងការិយាល័យរាប់សន្លឹកឆ្នោតនីមួយៗមានបរិវេណខាងក្នុង ជាតំបន់ដែលនៅជុំវិញការិយាល័យបោះឆ្នោត និងការិយាល័យរាប់សន្លឹកឆ្នោតខណ្ឌដោយវ័ណ្ឌមណ្ឌលមួយ ដែលមានកាំប្រវែងយ៉ាងតិច១៥ម៉ែត្រ និងមានបរិវេណខាងក្រៅជាតំបន់ ដែលនៅជុំវិញការិយាល័យទាំងនោះ ខណ្ឌដោយវ័ណ្ឌមណ្ឌលមួយ មានកាំប្រវែង១០០ម៉ែត្រ ឬមានទម្រង់ផ្សេង ឬមានកាំតូចជាង ស្របទៅតាមស្ថានភាពជាក់ស្ដែង នៃបរិវេណខាងក្រៅរបស់ការិយាល័យនីមួយៗនោះ ។
គ.ជ.ប បញ្ជាក់ថាទី១, ពណ៌សមានវ័ណ្ឌមណ្ឌលកាំប្រវែង១៥ម៉ែត្រ គឺជាបរិវេណខាងក្នុងនៃការិយាល័យបោះឆ្នោត និងការិយាល័យរាប់សន្លឹកឆ្នោត។
ទី២, ពណ៍ខ្មៅមានវ័ណ្ឌមណ្ឌលកាំប្រវែង១០០ម៉ែត្រ គឺជាបរិវេណខាងក្រៅ នៃការិយាល័យបោះឆ្នោត និងការិយាល័យរាប់សន្លឹកឆ្នោត។
ទី៣, ភ្នាក់ងារសន្តិសុខបោះឆ្នោតក្នុងសម្លៀកបំពាក់ឯកសណ្ឋានកងកម្លាំងប្រដាប់អាវុធ និងមានពាក់ប្រឡង់ដៃសន្តិសុខ ដែលកំណត់ដោយ គ.ជ.ប។
គ.ជ.ប បានទៀតបញ្ជាក់ថា ភ្នាក់ងារសន្តិសុខបោះឆ្នោតចំនួន៣នាក់ ដែលការពារការិយាល័យបោះឆ្នោត និងការិយាល័យរាប់សន្លឹកឆ្នោតនីមួយៗ ត្រូវស្លៀកពាក់ឯកសណ្ឋានកងកម្លាំងឱ្យបានត្រឹមត្រូវ និងមានពាក់ប្រូឡង់ដៃសន្តិសុខដែលកំណត់ដោយគ.ជ.ប៖
ទី១, ភ្នាក់ងារសន្តិសុខ១ នាក់ ត្រូវចល័តការពារជុំវិញការិយាល័យបោះឆ្នោត និងការិយាល័យរាប់សន្លឹកឆ្នោត ឬចល័តការពារ នៅក្នុងបរិវេណខាងក្រៅ នៃការិយាល័យបោះឆ្នោត និងការិយាល័យរាប់សន្លឹកឆ្នោត ដោយត្រូវស្ថិតនៅក្នុងចម្ងាយពី១៥-១០០ម៉ែត្រ គ្មានសិទ្ធិប្រើអាវុធឡើយ ។
ទី២, ភ្នាក់ងារសន្តិសុខ២ នាក់ទៀត ត្រូវចល័តការពារជុំវិញបរិវេណខាងក្រៅ នៃការិយាល័យបោះឆ្នោត និងការិយាល័យរាប់សន្លឹកឆ្នោត ដោយត្រូវស្ថិតនៅក្នុងចម្ងាយពី១០០-១៥០ម៉ែត្រ មានសិទ្ធិប្រើប្រាស់នូវអាវុធវែង១ ដើម បង់១ និងមានគ្រាប់យ៉ាងច្រើនចំនួន៣០(សាមសិបគ្រាប់។
ភ្នាក់ងារសន្តិសុខបោះឆ្នោត ត្រូវប្រមូលផ្ដុំកម្លាំងយាមទីកន្លែងរក្សាទុក និងការពារការដឹកជញ្ជូនសម្ភារបោះឆ្នោត និងឯកសារបោះឆ្នោត ពីគោលដៅមួយទៅកាន់គោលដៅមួយតាមការកំណត់របស់ គ.ជ.ប ឬគណៈកម្មការរៀបចំការបោះឆ្នោតគ្រប់លំដាប់ថ្នាក់៕
ដោយ ៖ កោះកែវ
-
ជីវិតកម្សាន្ដ៤ ថ្ងៃ ago
អាយដល G-Devith ក៏ឈ្នះរង្វាន់ដែរ ឈ្នះ ១លានរៀល ពី វឌ្ឍនៈ ឡាហ្គឺរ៉េដ
-
ជីវិតកម្សាន្ដ៧ ថ្ងៃ ago
ពេជ្រ ចរណៃ រក្សាបានរាង និងសម្រស់ស្អាត មិនចាញ់តារាបរទេស
-
ព័ត៌មានជាតិ៣ ថ្ងៃ ago
ស្គាល់អត្តសញ្ញាណយោធិន១៥រូប ចំណោមអ្នកស្លាប់២០រូប ក្នុងហេតុការណ៍ផ្ទុះឃ្លាំងគ្រាប់នៅកំពង់ស្ពឺ
-
ព័ត៌មានជាតិ១ សប្តាហ៍ ago
កម្ពុជានឹងធ្លាក់ភ្លៀង ៤០% នាដើមរដូវវស្សាឆ្នាំនេះ ខណៈក្រសួងប្រកាសឱ្យប្រុងប្រយ័ត្នបាតុភូត ផ្គរ រន្ទះ និងខ្យល់កន្ត្រាក់
-
ព័ត៌មានជាតិ៣ ថ្ងៃ ago
សម្ដេចធិបតី ឧបត្ថម្ភជូនគ្រួសារយោធិនដែលស្លាប់មួយគ្រួសារ៨០លានរៀល ឯអ្នករងរបួស២០លានរៀល
-
សេចក្ដីជូនដំណឹង១ សប្តាហ៍ ago
អ្នកឧកញ៉ា ឡេង ណាវ៉ាត្រា បញ្ជាក់ច្បាស់ៗការដោះដូរ ផ្ទះយកដី គឺសម្រាប់តែអតិថិជនស្ម័គ្រចិត្ត ដែលពួកគាត់មានតម្រូវការចាំបាច់ចំណែកគម្រោង បុរី នៅតែប្រកាន់គោលជំហរបញ្ចប់ការដោះស្រាយជូនអតិថិជនទាំងស្រុងដដែល
-
ព័ត៌មានជាតិ៦ ថ្ងៃ ago
អតីតប្រធានអង្គការភូមិកុមារ SOS ធ្លាប់ជួយកុមារលើពិភពលោកជិត៣ទសវត្សរ៍ បានទទួលមរណភាព
-
ជីវិតកម្សាន្ដ៧ ថ្ងៃ ago
តារាថៃ Wit បង្ហាញមុខមាត់ថ្មី ក្រោយកែសម្ផស្សលើកដំបូងក្នុងវ័យ ៥៤ ឆ្នាំ