Connect with us

ព័ត៌មានជាតិ

អភិបាលខេត្តឧត្តរមានជ័យ គ្រោងជួបអភិបាល​ខេត្តស៊ីសាកេតពិភាក្សាបើកច្រកព្រំដែនអន្តរជាតិជាំសាង៉ាំ

បានផុស

នៅ

អភិបាលខេត្តឧត្តរមានជ័យ គ្រោងជួបអភិបាលខេត្តស៊ីសាកេតប្រទេសថៃ ដើម្បីពិភាក្សាទៅលើការបើកច្រកព្រំដែនអន្តរជាតិខ្មែរ-ថៃ ជាំ-សាង៉ាំឡើងវិញបន្ទាប់ពី ច្រកទ្វារព្រំដែនអន្តរជាតិអូរស្មាច់បានបើកដំណើរការរួចហើយកាលពីព្រឹកថ្ងៃទី០៦ឧសភាឆ្នាំ២០២២។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ឌី រ៉ាដូ អភិបាលរង និងជាអ្នកនាំពាក្យខេត្តឧត្តរមានជ័យ បានឱ្យដឹងនៅរសៀលថ្ងៃទី០៦ឧសភានេះថា នៅថ្ងៃទី៩ខែឧសភា ខាងមុខនេះ អភិបាលខេត្តគ្រោងនឹងដឹកនាំក្រុមការងារថ្នាក់ខេត្ត ទៅជួបជជែកជាមួយអាជ្ញាធរខេត្តស៊ីសាកេត ដើម្បីបើកច្រកព្រំដែនអន្តរជាតិខ្មែរ-ថៃ ជាំ-សាង៉ាំ ក្នុងស្រុកអន្លង់វែងផងដែរ។

លោកបានបន្តថា ការទៅជជែកបើកច្រកព្រំដែនអន្តរជាតិខ្មែរ-ថៃ ជាំ-សាង៉ាំបន្ទាប់ពីយើងបានបើកដំណើរការច្រកព្រំដែនអន្តរជាតិអូរស្មាច់ ឡើងវិញនៅវេលាម៉ោង១០៖៣០នាទីព្រឹកមិញបន្ទាប់ពីជំនួបពិភាក្សាគ្នារវាងអាជ្ញាធរខេត្តឧត្តរមានជ័យ និងអាជ្ញាធរខេត្តសុរិន្ទ ប្រទេសថៃក្រោយពីបានបិទដោយសារការរាតត្បាតជំងឺកូវីដ១៩អស់រយៈពេលជាង២ឆ្នាំរួចមក។

លោកបានបន្តទៀតថា ការបើកដំណើរការចេញចូលច្រកអន្តរជាតិអូរស្មាច់ឡើងវិញនេះ ភាគីថៃតម្រូវឱ្យប្រជាពលរដ្ឋដែលធ្វើដំណើរទៅកាន់ប្រទេសថៃ ចំពោះអ្នកកាន់កាប់លិខិតឆ្លងដែន (ប៉ាស្ព័រ) តម្រូវឱ្យមានលិខិតថៃឡង់ផាស (Thailand Pass) ប័ណ្ណធានារ៉ាប់រងសុខភាព និងប័ណ្ណចាក់វ៉ាក់សាំងគ្រប់ដូសត្រឹមត្រូវ អាចដើរពេញប្រទេសថៃបាន។ចំណែកប្រជាពលរដ្ឋដែលប្រើប័ណ្ណព្រំដែន (Border Pass) អាចស្នាក់ប្រទេសថៃបានចំនួន៣ថ្ងៃ និងមានប័ណ្ណចាក់វ៉ាក់សាំងគ្រប់ដូសផងដែរ។

លោកបានបញ្ជាក់ថា ចំពោះប័ណ្ណព្រំដែននេះគឺប្រជាពលរដ្ឋយើងអាចធ្វើដំណើរទៅកាន់ខេត្ត​ដែលនៅជាប់នឹងខេត្តឧត្តរមានជ័យ គឺខេត្តសុរិន្ទ ខេត្តស៊ីសាកេត និងខេត្តបូរីរ៉ាំ បានតែរយៈពេល៣ថ្ងៃប៉ុណ្ណោះ។

លោកបានអំពាវនាវដល់ប្រជាពលរដ្ឋរស់នៅខេត្តឧត្តរមានជ័យ ដែលមិនមានប័ណ្ណព្រំដែន (Border Pass) អាចទំនាក់ទំនងធ្វើនៅស្នាក់ការត្រួតពិនិត្យច្រកព្រំដែនអូរស្មាច់បាន ចៀសវាងកុំឱ្យចំណាយពេលវេលាទៅធ្វើនៅច្រកចេញចូលតែមួយសាលាខេត្តឧត្តរមានជ័យ។

ចំណែកឯលិខិតថៃឡង់ផាសខាងភាគីថៃតម្រូវឱ្យប្រជាពលរដ្ឋដែលមានលិខិតឆ្លងដែនត្រូវទិញប័ណ្ណធានារ៉ាប់រងសុខភាពចំនួន៥០ដុល្លារអាមេរិកទើបអាចចូលប្រទេសថៃបាន។

គួរបញ្ជាក់ថា បច្ចុប្បន្នខេត្តឧត្តរមានជ័យ មានច្រកព្រំដែនអន្តរជាតិ ចំនួនពីរ ជាមួយប្រទេសថៃ គឺអូរស្មាច់ ជាមួយខេត្តសុរិន្ទ និងច្រកជាំ-សាង៉ាំ ជាមួយខេត្តស៊ីសាកេត និងច្រកមនុស្សធម៌ ជប់គគីរ ជាមួយខេត្តបូរីរ៉ាំ៕សំអឿន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៥៩ នាទីutes មុន

ក្រុមហ៊ុន​បច្ចេកវិទ្យា​ទំនើប​​ចិន ប្ដេជ្ញា​ជំរុញ​កម្មវិធី​សិក្សា TVET កម្ពុជា ឱ្យ​ស្រប​តាមស្តង់ដារ​សិក្សា​នៃ​ប្រទេសចិន និងអាល្លឺម៉ង់

ព័ត៌មានជាតិ២ ម៉ោង មុន

មន្ត្រីក្រសួងសេដ្ឋកិច្ច ៖ ម្ចាស់​អាជីវកម្ម ដែលប្រឈមហានិភ័យ ត្រូវ​មាន​ធានារ៉ាប់រង​សម្រាប់​អាជីវកម្ម​ខ្លួន

ព័ត៌មានអន្ដរជាតិ៤ ម៉ោង មុន

​​តើគ្រោះ​​រញ្ជួយដី​កើត​នៅ​មីយ៉ាន់​ម៉ា​​​ប៉ះពាល់​និង​ជះឥទ្ធិពលដល់​ណាខ្លះ?​

ព័ត៌មានជាតិ៥ ម៉ោង មុន

អ្នកនាំពាក្យ៖ បុគ្គលិកដែលរត់ចេញពីអគារខ្ពស់ៗ ព្រោះខ្លាចករណីរញ្ជួយដីពេលនេះត្រឡប់ចូលអគារវិញធម្មតា

ក្រុងប៉ោយប៉ែត
សន្តិសុខសង្គម៥ ម៉ោង មុន

ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ

Sokha Hotels

ព័ត៌មានពេញនិយម