ព័ត៌មានជាតិ
លោក ហ៊ុន ម៉ាណែត ៖ បើគណបក្សប្រជាជនកម្ពុជា នៅតែបន្តដឹកនាំ វិស័យអប់រំនៅតែជាវិស័យអាទិភាព
ថ្លែងតាមរយៈឃ្លីបវីដេអូជាង៤នាទី ក្នុងពិធីសំណេះសំណាលជាមួយលោកគ្រូ-អ្នកគ្រូ ដែលបានបង្ហោះក្នុងហ្វេសប៊ុកផ្ទាល់ខ្លួន លោក ហ៊ុន ម៉ាណែត កូនប្រុសច្បងរបស់សម្តេចតេជោ ហ៊ុន សែន ដែលជាបេក្ខភាពនាយករដ្ឋមន្ត្រី នាពេលអនាគតនោះ បានលើកឡើងថា បើគណបក្សប្រជាជនកម្ពុជា នៅតែបន្តដឹកនាំ វិស័យអប់រំនៅតែជាវិស័យអាទិភាព ហើយនៅថ្ងៃអានាគត នឹងវិនិយោគកាន់តែខ្លាំងលើវិស័យនេះ។
លោក ហ៊ុន ម៉ាណែត បានថ្លែងថា មានគេចោទថា កម្ពុជាជាអាយ៉ងវៀតណាម អាយ៉ងចិន ហើយនៅតាមបណ្តាស្ថាប័នក្រសួងរដ្ឋ សុទ្ធតែមានមន្ត្រីជាយួន និងចិន។ លោកដាក់ជាសំណួរថា តើមានវៀតណាម មានចិនមកពីណា ? គឺសុទ្ធតែខ្មែរទាំងអស់ ហើយភាគច្រើន គឺជាមន្រី្តបណ្ដុះបណ្ដាលក្រោយ៧៩ បើទោះបីជាមានមន្ត្រីខ្លះបណ្ដុះបណ្ដាលនៅមុនមុនសង្គ្រាម ដែលគាត់នៅបន្តជារៀមច្បងយើង ប៉ុន្តែភាគច្រើនជាមន្ត្រីបណ្ដុះបណ្ដាលក្រោយឆ្នាំ១៩៧៩។ លោកថា អត់មានប្រទេសណាស្រឡាញ់ខ្មែរ ចង់ឲ្យខ្មែររីកចម្រើនជាងខ្មែរគ្នាឯងនោះទេ។
បើតាមលោក ហ៊ុន ម៉ាណែត រាជរដ្ឋាភិបាលកម្ពុជា ដឹកនាំដោយគណបក្សប្រជាជនបានយកចិត្តទុកដាក់ណាស់លើវិស័យអប់រំ ហើយគោលនយោបាយទាំងអស់នេះ មិនមែនស្ថិតនៅលើក្រដាសនោះទេ គឺជាសកម្មភាពអនុវត្តជាក់ស្ដែង។ លោកថា មកដល់ពេលនេះ វិស័យអប់រំរបស់យើង បានចំណាយប្រមាណជិតមួយពាន់លានដុល្លារទៅហើយក្នុងមួយឆ្នាំ ដែលភាគច្រើនបានចំណាយទៅលើលោកគ្រូ អ្នកគ្រូ និងបុគ្គលិកអប់រំ។
លោក ហ៊ុន ម៉ាណែត អះអាងថា មកដល់ពេលនេះប្រាក់បៀវត្សរបស់លោកគ្រូអ្នកគ្រូម្នាក់ៗជាង១លានរៀលទៅហើយ បើទោះបីជាមិនទាន់ច្រើន ប៉ុន្តែបានប្រសើរជាងមុន ហើយយើងនឹងខិតខំជំរុញបន្ថែមទៀត ប៉ុន្តែក្រៅពីប្រាក់បៀវត្ស ក៏មានអត្ថប្រយោជន៍ផ្សេងៗទៀត ដូចជាបសស ផងដែរ។ លោកថា ដ៏រាបណាថវិកាជាតិកាន់តែកើន ផលប្រយោជន៍ចូលទៅលោកគ្រូអ្នកគ្រូកាន់តែកើនឡើង ហើយដរាបណាគណបក្សប្រជាជនកម្ពុជានៅតែដឹកនាំប្រទេសគោលនយោបាយលើវិស័យអប់រំនៅតែជាអាទិភាព។
លោក ហ៊ុន ម៉ាណែត អះអាងថា ថវិកាសម្រាប់វិស័យអប់រំនៅឆ្នាំ២០១៥ មានប្រមា៤៤២លានដុល្លារ ហើយឆ្នាំ២០២០ កើនរហូតជិត១ពាន់លានដុល្លារ គ្រាន់តែខុសគ្នា៥ឆ្នាំប៉ុណ្ណោះ ដូច្នេះថវិកាជាតិលើវិស័យអប់រំបានកើនឡើងមួយជាពីរ។ លោកថា ដោយសារតែវិស័យអប់រំជាវិស័យអាទិភាព ទើបថវិកាជាតិត្រូវបង្កើនលើវិស័យនេះ ហើយធ្វើយ៉ាងណានៅឆ្នាំខាងមុខ នឹងដាក់ការវិនិយោគកាន់តែខ្លាំងទៅលើវិស័យអប់រំ ដើម្បីអោយកូនខ្មែរកាន់តែខ្លាំង កាន់តែមានសក្កានុពល កាន់តែមានសមត្ថភាព ដើម្បីអោយកូនខ្មែរកាន់រីកចម្រើន ហើយដរាបណាវីគណបក្សប្រជាជនកម្ពុជានៅតែដឹកនាំ វិស័យអប់រំនៅតែជាវិស័យអាទិភាព និងទទួលបាននូវការគាំទ្រខ្លាំងពីរាជរដ្ឋាភិបាល៕
ដោយ ៖ កោះកែវ
-
កីឡា២២ ម៉ោង agoបារាំង ចប់ដំណើរនៅ World Cup 2026 ក្រោមថ្វីជើង អេស្ប៉ាញ ២-០ វគ្គ ១/២ ផ្តាច់ព្រ័ត្រ
-
ព័ត៌មានជាតិ២ ថ្ងៃ agoពលរដ្ឋស្នើអាជ្ញាធរជួសជុលផ្លូវក្បែរវិមានឯករាជ្យ ក្រុងសែនមនោរម្យ ដែលរងការខូចខាតច្រើនឆ្នាំ
-
ព័ត៌មានអន្ដរជាតិ៥ ថ្ងៃ agoយន្តហោះមីយ៉ាន់ម៉ា ទម្លាក់គ្រាប់បែកជញ្ជ្រំព្រំដែន កក្រើកដល់ដីថៃ ធ្វើឲ្យពលរដ្ឋភ័យព្រលឹងចុងសក់ ទៀតហើយ
-
ព័ត៌មានជាតិ៧ ថ្ងៃ agoលេចចេញគំរូស្ពានឆ្លងទន្លេមេគង្គ គ្រោងសាងសង់ដោយជប៉ុនតាមផ្លូវជាតិលេខ ១
-
សន្តិសុខសង្គម៧ ថ្ងៃ agoបង្ក្រាប Online Scam នៅក្រុងសិរីសោភ័ណ ឃាត់ខ្លួនយុវជនម្នាក់ បើកកន្លែងប្រតិបត្តិការឆបោកតែម្នាក់ឯង
-
ព័ត៌មានជាតិ១ ថ្ងៃ agoយន្តហោះ F-16 ថៃទម្លាក់គ្រាប់បែក MK-82 ចំនួន៧គ្រាប់កម្ទេចស្ពានជ័យជម្នះ លោក ហេង រតនា លើកឡើងពីប្រវត្តិសាងសង់ឆ្នាំ១៩៨៤
-
សេដ្ឋកិច្ច១ សប្តាហ៍ agoកម្ពុជា ដាក់ទិសដៅធ្វើឱ្យកាន់តែប្រសើរឡើងនូវប្រព័ន្ធភស្តុភារកម្ម ជំរុញកំណើនពាណិជ្ជកម្ម ទាក់ទាញការវិនិយោគ
-
ព័ត៌មានអន្ដរជាតិ១ សប្តាហ៍ agoហូឡង់ ប្រកាសលែងជួយអ៊ុយក្រែន ទៀតហើយ ក្នុងសង្គ្រាម ជាមួយរុស្ស៊ី