ក្រសួងសាធារណការ នឹងប្ដូរទៅអគារទីស្ដីការក្រសួងថ្មីនៅផ្លូវ​ជា សុផារ៉ា ថ្ងៃទី០៤ ខែមករា ឆ្នាំ២០២១

រដ្ឋមន្ត្រីក្រសួងសាធារណការ និង​ដឹកជញ្ជូន​ ស៊ុន ចាន់ថុល បាន​ឲ្យ​ដឹ​ង​ថា អគារទីស្ដីការក្រសួងសាធារណការ​ថ្មី គ្រោងសម្ពោធដាក់ឱ្យប្រើប្រាស់ជាផ្លូវការនៅខែមករា ឆ្នាំ២០២១ ខាងមុខ។ អគារ​ថ្មីមាន​ទីតាំង​ស្ថិត​នៅផ្លូវលេខ៥៩៨ (ផ្លូវឯកឧត្ដម ជា សុផារ៉ា) សង្កាត់ច្រាំងចំរេះ២ ខណ្ឌឬស្សីកែវ រាជធានីភ្នំពេញ។

ឯកឧត្តម ស៊ុន ចាន់ថុល ថ្លែង​ឲ្យ​ដឹង​ថា អគារ​ទីស្នាក់​ការ​ថ្មី​នេះ ប្រមូលផ្ដុំអង្គភាពក្រោមឱវាទក្រសួងទាំងអស់​នៅ​ទីតាំង​តែ​មួយ​ ជួយសម្រួលដល់លំហូរការងារប្រចាំថ្ងៃរបស់មន្ត្រីគ្រប់ជាន់ថ្នាក់បានកាន់តែល្អប្រសើរ និងផ្ដល់ភាពងាយស្រួលដល់បងប្អូនប្រជាពលរដ្ឋដែលស្វែងរកសេវាសាធារណៈចាំបាច់នៅក្រសួងសាធារណការ និងដឹកជញ្ជូន។ ក្រសួងនឹងប្ដូរទៅអគារទីស្ដីការ​ថ្មីនៅថ្ងៃទី០៤ ខែមករា ឆ្នាំ២០២១ខាងមុខ៕