សន្តិសុខសង្គម
សមត្ថកិច្ច បង្ក្រាបទីតាំងលក់ និងប្រើប្រាស់បារីអេឡិចត្រូនិចខុសច្បាប់ ៣កន្លែងនៅខេត្តស្ទឹងត្រែង
កម្លាំងការិយាល័យប្រឆាំងបទល្មើសគ្រឿងញៀននៃស្នងការដ្ឋាននគរបាលខេត្តស្ទឹងត្រែង បានឆ្មក់ចូលបង្រ្កាបទីតាំងលក់ និងប្រើប្រាស់បារីអេឡេត្រូនិចខុសច្បាប់ចំនួន ៣ ទីតាំងដោយបានឃាត់ខ្លួនម្ចាស់ទីតាំងចំនួន ៣នាក់ ឪពុកម្ដាយ និងកូន និងអ្នកប្រើប្រាស់ប្រមាណជិត៤០ នាក់។
ករណីបង្ក្រាបទីតាំងលក់ប្រើប្រាស់បារីអេឡិចត្រូនិចខុសច្បាប់ខាងលើ បានធ្វើឡើងកាលពីវេលាម៉ោង ១ រំលងអាធ្រាត្រយប់ថ្ងៃទី ២០ឈានចូលថ្ងៃទី២១ខែសីហាឆ្នាំ២០២២ ដែលមានចំនួន ៣ ទីតាំងខុសគ្នា ស្ថិតក្នុងភូមិកណ្ដាលសង្កាត់ស្ទឹងត្រែង ក្រុងស្ទឹងត្រែង។
លោក ចែម ផានិត នាយការិយាល័យប្រឆាំងគ្រឿងញៀនខេត្តបានឲ្យដឹងថា បីនាក់ឪពុកម្ដាយ និងកូន ដែលសមត្ថកិច្ចឃាត់ខ្លួនខាងលើ ទីមួយឈ្មោះធឹម ពិសី ភេទស្រីអាយុ ៣០ ឆ្នាំ(កូន) ទី២ឈ្មោះ ឡាន ចន្ថា ភេទប្រុសអាយុ 60 ឆ្នាំ (ឪពុក)ទី៣ ឈ្មោះ សុខ លាង ភេទស្រីអាយុ ៥៩ ឆ្នាំ(ម្តាយ)ឪពុកម្ដាយនិងកូនលក់ខុសច្បាប់ខាងលើរស់នៅក្នុងភូមិកណ្ដាលសង្កាត់ស្ទឹងត្រែងក្រុងស្ទឹងត្រែង។
លោកនាយការិយាល័យបញ្ជាក់បន្ថែមថា ទីតាំងដែលបង្ក្រាបខាងលើទីមួយយីហោ BLACH.NIHT ទីតាំងទី ២.យីហោ អូន ពិសី ទីតាំងទី៣. គ្មានយីហោ ទីតាំងលក់និងប្រើប្រាស់បារីអេឡិចត្រូនិចខុសច្បាប់ខាងលើសុទ្ធសឹងជារបស់ឈ្មោះអូនពិសី(ត្រូវជាកូន)។
លោកបានបន្តថា ក្នុងប្រតិបត្តិការចុះបង្ក្រាបបីទីតាំងខាងលើសមត្ថកិច្ចបានដក ហូតសម្ភារៈដែលលក់ដោយខុសច្បាប់ប្រើប្រាស់ដោយខុសច្បាប់ ជាច្រើនប្រភេទនិងឃាត់ខ្លួនម្ចាស់ទីតាំងចំនួន ៣នាក់ឪពុកម្ដាយនិងកូន និងអ្នកប្រើប្រាស់ប្រមាណជិត ៤០នាក់បញ្ជូនមកកាន់ស្នងការដ្ឋាននគរបាលខេត្តធ្វើការសាកសួរ។
ក្រោយការសាកសួរពិនិត្យរកសារធាតុញៀនពុំមាន អ្នកប្រើប្រាស់ទាំងអស់ ត្រូវបានកម្លាំងសមត្ថកិច្ចធ្វើកិច្ចសន្យាបញ្ឈប់ការប្រើប្រាស់បន្តទៀត និងបានឱ្យត្រឡប់ទៅផ្ទះវិញ។ ចំណែកម្ចាស់ទីតាំងបីនាក់ឪពុកម្ដាយនិងកូន ដែលលក់ដោយខុសច្បាប់ សមត្ថកិច្ចបានឃាត់ខ្លួននៅស្នងការដ្ឋាននគរបាលខេត្តស្ទឹងត្រែង ដើម្បីបន្តនីតិវិធី៕
អត្ថបទ៖ ងិន លីម
-
ព័ត៌មានអន្ដរជាតិ៣ ថ្ងៃ ago
ត្រៀមខ្លួន! ឆ្នាំក្រោយ ព្យុះព្រះអាទិត្យ នឹងវាយប្រហារភពផែនដី កាចសាហាវជាងឆ្នាំនេះទៀត
-
ព័ត៌មានជាតិ៥ ថ្ងៃ ago
លោក សុខ ធា ត្រូវបានប្រកាសចូលកាន់តំណែងជានាយប៉ុស្តិ៍នគរបាលច្រកទ្វារអាកាសយានដ្ឋានអន្តរជាតិភ្នំពេញ
-
សេចក្ដីជូនដំណឹង៦ ថ្ងៃ ago
ក្រុមហ៊ុន ហនុមាន ប៊ែវើរីជីស បោះជំហានឆ្ពោះទៅកាន់វិសាលភាពអន្តរជាតិជាមួយម្ចាស់ជើងឯកប្រដាល់ពិភពលោក ម៉ានី ប៉ាគីអាវ!
-
សន្តិសុខសង្គម២ ថ្ងៃ ago
អគ្គិភ័យឆេះហាងលក់កាហ្វេ និងឆេះរាលដល់បន្ទប់ជួល និងអគារមួយខ្នងទៀតនៅសៀមរាប
-
កីឡា៣ ថ្ងៃ ago
អបអរសាទរ! វិសាខា ឈ្នះជើងឯក WSVI ក្រោយបំបាក់ម្ចាស់ផ្ទះ Win Streak ៣-១
-
កីឡា៦ ថ្ងៃ ago
ស្ថាបនិក KSF ផ្តល់តម្លៃ ឈឿង ល្វៃ ខ្ពស់បំផុតសម្រាប់កំណត់ត្រាជូនជាតិ
-
ព័ត៌មានជាតិ៧ ថ្ងៃ ago
Breaking News! ព្រែកជីកហ្វូណនតេជោ នឹងបើកការដ្ឋានសាងសង់ផ្លូវការនៅ ខែសីហា
-
សន្តិសុខសង្គម២ ថ្ងៃ ago
នាយកកំពង់ចម្លងភ្នំពេញ អរិយក្សត្រ សម្រេចបញ្ឈប់អ្នកបើកបរស្រឡាងម្នាក់ក្រោយបែកធ្លាយកាយវិការយកជើងបញ្ជាចង្កូត