ព័ត៌មានជាតិ

ទេសចរគួរដឹងអ្វីខ្លះ ពេលទៅកម្សាន្តតំបន់អេកូទេសចរណ៍រ៉ាមសារសម្រស់កោះហានក្នុងខេត្តស្ទឹងត្រែង?

បានផុស

២ ខែ មុន

នៅ

ថ្ងៃព្រហស្បតិ៍ ២៣ មេសា ២០២៦

ដោយ

តំបន់អេកូទេសចរណ៍សម្រស់កោះហាន គឺជាតំបន់ទេសចរណ៍ធម្មជាតិដ៏ល្បីមួយដែលស្ថិតនៅក្នុងតំបន់រ៉ាមសារមេគង្គលើ ដោយទីតាំងភូមិសាស្ត្រលាតសន្ធឹងមួយផ្នែកនៅក្នុងសង្កាត់សាមគ្គី ក្រុងស្ទឹងត្រែង និងមួយផ្នែកទៀតនៅក្នុងឃុំអូរស្វាយ ស្រុកបុរីអូរស្វាយសែនជ័យ ខេត្តស្ទឹងត្រែង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លក្ខណៈពិសេសនៃធម្មជាតិ និងទេសភាព៖

ជាមួយសក្តានុពលធនធានធម្មជាតិយ៉ាងសម្បូរបែប ទាំងមច្ឆាជាតិ និងរុក្ខជាតិ អ្វីដែលប្លែកពីកន្លែងផ្សេងនោះគឺ តំបន់អេកូទេសចរណ៍សម្រស់កោះហានពឹងផ្អែកទាំងស្រុងលើទេសភាពដើមឈើធម្មជាតិ ដែលដើមឈើទាំងនេះអាចរស់រានមានជីវិត ទោះបីជាត្រូវទឹកលិចនារដូវវស្សាក៏ដោយ ហើយវានឹងលូតលាស់បញ្ចេញស្លឹកផ្តល់ជាម្លប់ដ៏ត្រជាក់ត្រជុំនារដូវប្រាំង។ កាន់តែពិសេសប្លែកដើម និងឫសឈើនៅទីនោះមានលក្ខខណៈរូបរាងកោងលាតសន្ធឹងយ៉ាងស្រស់ស្អាតទៅតាមលំហូរនៃទឹកនារដូវវស្សា។

ការកម្សាន្ត និងម្ហូបអាហារ៖

ភ្ញៀវទេសចរអាចទទួលបានអារម្មណ៍ត្រជាក់ត្រជុំពីទឹក និងម្លប់ឈើលើឆ្នេរខ្សាច់ ព្រមទាំងអាចទទួលទានម្ហូបអាហារ ជាពិសេសគឺត្រីប្រចាំតំបន់ដ៏មានរសជាតិឆ្ងាញ់ពិសា រួមជាមួយផលិតផលផ្សេងៗដែលរៀបចំដោយប្រជាសហគមន៍ផ្ទាល់។

លើសពីនេះ ភ្ញៀវទេសចរមិនត្រឹមតែអាចមកកម្សាន្តពេលថ្ងៃប៉ុណ្ណោះទេ ក៏អាចបោះតង់សម្រាកនៅពេលយប់នៅលើឆ្នេរខ្សាច់ក្រោមម្លប់ឈើបានផងដែរ។

សុវត្ថិភាព និងការគ្រប់គ្រង៖

តំបន់ទេសចរណ៍ធម្មជាតិនេះទទួលបានការយកចិត្តទុកដាក់ខ្ពស់ពីសហគមន៍លើការថែរក្សាអនាម័យ បរិស្ថាន និងការអភិរក្សធនធានធម្មជាតិទាំងក្នុងទឹកនិងលើទឹក ដើម្បីបម្រើផលប្រយោជន៍យូរអង្វែងដល់សហគមន៍ក្នុងមូលដ្ឋាន៕

សេចក្ដីជូនដំណឹង៥ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា