ព័ត៌មានជាតិ
លោកជំទាវ ម៉ែន សំអន ៖ ទោះស្ថិតក្នុងបរិបទកូវីដ ក៏កម្ពុជា វៀតណាម ឡាវ នៅតែបង្កើនកិច្ចសហប្រតិបត្តិការអន្តរជាតិ
លោកជំទាវ ម៉ែន សំអន ឧបនាយករដ្ឋមន្ត្រី រដ្ឋមន្រ្តីក្រសួងទំនាក់ទំនងជាមួយរដ្ឋសភា-ព្រឹទ្ធសភា និងអធិការកិច្ច និងជាប្រធានសមាគមនារីកម្ពុជាដើម្បីសន្តិភាព និងអភិវឌ្ឍន៍ បានថ្លែងថា ទោះបីកាលៈទេសនេះ ស្ថិតក្នុងបរិបទនៃកូវីដ-១៩ក្តី ក៏ចំណងសាមគ្គីភាព កម្ពុជា វៀតណាម ឡាវ នៅតែបង្កើនកិច្ចសហប្រតិបត្តិការអន្តរជាតិដដែល សម្រាប់ការអភិវឌ្ឍបៃតង និងនិរន្តរភាព។
លោកជំទាវ ថ្លែងបែបនេះ ខណៈពេលអញ្ជើញផ្តល់កិត្តិយសក្នុងកិច្ចប្រជុំវេទិកាស្ត្រី ស្តីពី “ស្រ្តីវៀតណាម ឡាវ និងកម្ពុជា ជំរុញកិច្ចសហប្រតិបត្តិការអន្តរជាតិ និងការធ្វើសមាហរណកម្ម សម្រាប់ការអភិវឌ្ឍបៃតង និងនិរន្តរភាពនៅក្នុងបរិបទនៃកូវីដ-១៩” កាលពីពេលព្រឹកថ្ងៃទី ២៨ ខែកញ្ញា ឆ្នាំ ២០២២ តាមរយៈប្រព័ន្ធ ZOOM នៅវិមាន ៧មករា រាជធានីភ្នំពេញ។
លោកជំទាវ ម៉ែន សំអន បានថ្លែងអំណរគុណដល់សហព័ន្ធនារីវៀតណាម ដែលបានផ្តួចផ្តើមគំនិតរៀបចំនូវវេទិកាដ៏សំខាន់នេះ ក្នុងគោលបំណងផ្លាស់ប្តូរព័ត៌មានបទពិសោធន៍ ដើម្បីលើកកម្ពស់តួនាទីរបស់ស្ត្រីក្នុងការអភិវឌ្ឍបៃតង និងនិរន្តរភាពក្នុងបរិបទកូវីដ-១៩។ លោកជំទាវ សង្ឃឹមថា វេទិកានេះ នឹងបានចែករំលែកនូវបទពិសោធន៍ និងការផ្លាស់ប្តូទស្សនៈ បង្កើតបាននូវផែនការសកម្មភាពរួមមួយ ដើម្បីសម្រេចបាននូវគោលដៅការអភិវឌ្ឍបៃតង និងនិរន្តរភាពនៅក្នុងបរិបទនៃកូវីដ-១៩។
ក្នុងនោះដែរ សមាគមនារីកម្ពុជាដើម្បីសន្តិភាព និងអភិវឌ្ឍន៍ ត្រៀមខ្លួនសហការយ៉ាងជិតស្និតជាមួយនារីប្រទេសវៀត ណាម ឡាវ បណ្តាប្រទេសក្នុងតំបន់ ក៏ដូចជាក្នុងពិភពលោក និងអង្គការ សមាគមជាតិ-អន្តរជាតិនានា និងអនុវត្តដោយស្មារតីទទួលខុសត្រូវខ្ពស់ក្នុងការងារអភិវឌ្ឍបៃតង ការអភិរក្សធនធម្មជាតិ ការដាំដើមឈើនៅតំបន់រិចរិល ការថែរក្សា និងការពារធនធានព្រៃឈើ-សត្វព្រៃ ថាមពលជីវចម្រុះ និងការបន្សាំទៅនឹងការប្រប្រួលអាកាសធាតុ ដើម្បីឲ្យស្ត្រីអាចទទួលបានផលជាវិជ្ជមាន ប្រកប ដោយសមធ៌ម និងបរិយាបន្ន។
ក្នុងពិធីនោះផងដែរ ប្រទេសទាំង ៣ក៏បានចែករំលែកនូវបទពិសោធន៍ ដែលពាក់ព័ន្ធនឹងប្រធានបទ ដូចខាងក្រោម៖ ប្រទសកម្ពុជា ធ្វើបទបង្ហាញស្តីអំពីកសិកម្ម ទេសចរណ៍ និងបរិស្ថាស្អាត។ ចំណែកប្រទេសឡាវ ធ្វើបទបង្ហាញ អំពីការងើបឡើងវិញក្រោយពីជំងឺកូវីដ-១៩ ការធានាសន្តិសុខសង្គម សម្របខ្លួនទៅនឹងប្រក្រតីភាពថ្មី។ ប្រទេសវៀតណាម ធ្វើបទបង្ហាញអំពីកម្មវិធី COCP ឆ្ពោះទៅរកការអភិវឌ្ឍបៃតង និងនិរន្តរភាព៕
អត្ថបទ៖ វិមាន
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៦ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៧ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៥ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)