ព័ត៌មានជាតិ

ភ្ញៀវទេសចរអន្តរជាតិចេញ-ចូលផ្សារទួលទំពូង ក្នុងមួយថ្ងៃៗ ប្រមាណជា ៣០០ នាក់

បានផុស

៣ years មុន

នៅ

ថ្ងៃសុក្រ ១៣ មករា ២០២៣

ដោយ

ភ្ញៀវទេសចរអន្តរជាតិប្រមាណជា ៣០០ នាក់ បានចេញ-ចូលផ្សារទួលទំពូង ក្នុងមួយថ្ងៃៗ ដែលភាគច្រើនជាជនជាតិអឺរ៉ុប។ នេះបើយោងតាមការឲ្យដឹងពីលោកប្រធានគណៈកម្មការផ្សារទួលទំពូង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ចំរើន សុខលីម ប្រធានគណៈកម្មការផ្សារទួលទំពូង បានមានប្រសាសន៍ប្រាប់កម្ពុជាថ្មី នៅរសៀលថ្ងៃទី ១៣ ខែមករា ឆ្នាំ ២០២៣ នេះថា សព្វថ្ងៃនេះ ផ្សារទួលទំពូង មានអតិថិជនចេញចូលទិញទំនិញច្រើនគួរសម ដែលភាគច្រើនទិញគ្រឿងហូបចុក និងសំលៀកបំពាក់។

ជាមួយគ្នានេះ លោកបានឲ្យដឹងថា ក្នុងមួយថ្ងៃៗ មានភ្ញៀវទេសចរអន្តរជាតិប្រមាណ ៣០០ នាក់ បានចេញ-ចូល និងទិញរបស់របរមួយចំនួន នៅក្នុងផ្សារទួលទំពូង។

លោក ចំរើន សុខលីម បានបញ្ជាក់ថា «សម្រាប់ភ្ញៀវអន្តរជាតិ ចូលផ្សារក្នុងមួយថ្ងៃ ប្រហែល ២០០ នាក់ ទៅ ៣០០ នាក់ ហើយភាគច្រើនទិញវត្ថុអនុស្សាវរីយ៍ដែលធ្វើដោយជនជាតិខ្មែរ និងសំលៀកបំពាក់ មានរូបអង្គរវត្ត។ ភ្ញៀវអន្តរជាតិ ចូលផ្សារភាគច្រើន ជាជនជាតិអឺរ៉ុប»។

សព្វថ្ងៃ ដ្បិតនៅទទួលរងនូវវិបត្តិកូវីដ-១៩ រយៈពេលវែងក៏ដោយ ប៉ុន្តែផ្សារទួលទំពូង នៅតែជាទីកន្លែងដ៏ពេញនិយមខ្លាំងសម្រាប់ប្រជាជនខ្មែរ និងជនបរទេស។

ផ្សារទួលទំពូង មានទីតាំងស្ថិតនៅរាជធានីភ្នំពេញ ដែលផ្សារនេះ មានលក់ម្ហូបអាហារ បន្លែ ត្រី សាច់ គ្រឿងទេស ឧបករណ៍ប្រើប្រាស់ សម្លៀកបំពាក់ និងវត្ថុអនុស្សាវរីយ៍ជាច្រើន។

ប្រជាពលរដ្ឋភាគច្រើន បានចាត់ទុកផ្សារទួលទំពូង ជាទីប្រជុំជន នៃអាហារ មិនថាពេលព្រឹក ថ្ងៃត្រង់ ល្ងាច ឬ យប់ឡើយ៕

អត្ថបទ ៖ ពិសី

Related Topics:ភ្ញៀវទេសចរ ផ្សារទួលទំពូង

សេចក្ដីជូនដំណឹង៥ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា