ព្រឹត្តិការណ៍ប្រចាំប្រវត្តិសាស្ត្រ ៥ ធំៗ ក្នុងកម្មវិធី Grammys ២០២៣

ក្រៅពីការតែងខ្លួនបង្អួតសំលៀកបំពាក់ក្នុងកម្មវិធីប្រគល់ពានរង្វាន់ Grammy ឆ្នាំ ២០២៣ កាលពីយប់ថ្ងៃអាទិត្យនៅទីក្រុងឡូស អេនជែលឡែស ដែលប្រមូលផ្ដុំដោយតារាល្បីៗ មានព្រឹត្តិការណ៍ធំៗចំនួន ៥ បានកើតឡើងរួមមាន ៖

១. Beyoncé បំបែកកំណត់ត្រាតារាឈ្នះពានច្រើនជាងគេបំផុត

តារាចម្រៀងសញ្ជាតិអាមេរិកាំង Beyoncé ត្រូវបានប្រកាសទទួលពានរង្វាន់រហូតដល់ទៅ ៩ ធ្វើឱ្យនាងនិងស្វាមី Jay-Z ឈ្នះរង្វាន់សរុបទាំងអស់ ៨៨ ពានរង្វាន់ និងក្លាយជាសិល្បករ-ការិនីដែលឈ្នះពានរង្វាន់ច្រើនបំផុតក្នុងប្រវត្តិសាស្រ្ត Grammys ។

២. Kim Petras ក្លាយជាស្ត្រីកែភេទដំបូងគេបង្អស់ដែលឈ្នះពាន

ខណៈទទួលពានរង្វាន់សម្រាប់ការសហការជាមួយ Sam Smith តារាចម្រៀងសញ្ជាតិអាល្លឺម៉ង់ Kim Petras វ័យ ៣០ ឆ្នាំបានស្រក់ទឹកភ្នែកព្រោះនាងគឺជាស្ត្រីកែភេទដំបូងគេដែលទទួលពាន Grammy ។

៣. Viola Davis ពានរង្វាន់កម្សាន្តធំៗទាំងបួនរបស់អាមេរិកគឺ Emmy, Grammy, Oscar, និង Tony

Viola Davis ឈ្នះពានដោយសារភាពជោគជ័យទៅលើសៀវភៅ “Finding Me” ដែលនិយាយពីរឿងជីវិតរបស់នាង ។

៤. អ្នកសិល្បៈជប់លៀងគម្របខួប Hip-Hop ៥០ ឆ្នាំ 

ការអបអរខួប Hip-Hop លើកទី ៥០ ត្រូវសម្ដែងជុំគ្នាដោយតារាជាច្រើនឡើងផ្អើលកម្មវិធីរួមមាន Black Thought, Run DMC, LL Cool J, Jazzy Jeff, Salt N Pepa, Rakim, Public Enemy, Ice-T, Method Man, Big Boi, De La Soul, Grandmaster Flash, និង Grandmaster Melle Mel ជាដើម ។

៥. Adele បង្កើតកំណត់ត្រាផ្ទាល់ខ្លួន

តារាចម្រៀងដង្ហើមវែង Adele ឈ្នះពានរង្វាន់ Grammy លើកទី ៤ ចំពោះបទ “Easy on Me” ចំណែកឯពានរង្វាន់មុនៗបីទៀតគឺបានមកពីបទ​ “Someone Like You, Set Fire to the Rain, និង Hello” ។

គួររំលឹកដែរថា Grammys ឆ្នាំ ២០២៣ គឺជាកម្មវិធីប្រគល់រង្វាន់លើកទី ៦៥ ហើយវាមានកំណើតក្នុងវិស័យសិល្បៈតាំងពីថ្ងៃទី០៤ ខែឧសភា ឆ្នាំ១៩៥៩មកម្ល៉េះ ៕

ប្រែសម្រួល ៖ វារី

ចុចអាន ៖ ស្ទះផ្លូវពេក Beyoncé ខកខានទទួលរង្វាន់ក្នុងកម្មវិធី Grammys ២០២៣

ចុចអាន ៖ ម៉ូដសំលៀកបំពាក់ប្លែកៗ របស់តារាល្បីលើកម្រាលព្រំក្រហមក្នុងកម្មវិធី Grammy ២០២៣