ស្ទះផ្លូវពេក Beyoncé ខកខានទទួលរង្វាន់ក្នុងកម្មវិធី Grammys ២០២៣

កំពូលតារាចម្រៀង Beyoncé ខកខានមិនបានទទួលរង្វាន់ដំបូងក្នុងកម្មវិធី Grammys ២០២៣ ដោយសារតែស្ទះចរាចរណ៍នៅខាងក្រៅកម្មវិធីក្នុងទីក្រុងឡូសអេនជែលឡែស នារាត្រីថ្ងៃអាទិត្យ ទី០៥ ម្សិលមិញនេះ។

គ្រាន់តែប្រកាសឈ្មោះ Beyoncé ឲ្យឡើងទទួលរង្វាន់សម្រាប់ចម្រៀង R&B ល្អបំផុតភ្លាម Terius Nash និង Nile Rodgers ប្រញាប់ប្រញាល់ឡើងឆាកទទួលជំនួសនាងភ្លែត។​ ខណៈ Nash កំពុងថ្លែងអំណរគុណដល់ទស្សនិកជន ស្រាប់តែ Trevor Noah ឈានជើងឡើងឆាកដើម្បីបកស្រាយពីមូលហេតុដែល Beyoncé មកមិនទាន់គឺបណ្ដាលមកពីស្ទះផ្លូវ ។

មួយសន្ទុះក្រោយ Beyoncé ក៏មកដល់នឹងទទួលរង្វាន់នៅកន្លែងអង្គុយផ្ទាល់ យ៉ាងណាមិញនេះមិនមែនជារង្វាន់តែមួយក្នុងយប់នោះទេ នាងទទួលបានរង្វាន់ដល់ទៅ ៩ ពានឯណោះ ។

គួរបញ្ជាក់ថា ពានរង្វាន់ Grammy គឺជាពានរង្វាន់ដែលរៀបចំដោយ Recording Academy សម្រាប់ទទួលស្គាល់ “សមិទ្ធិផលឆ្នើមក្នុងឧស្សាហកម្មតន្ត្រី” របស់សហរដ្ឋអាមេរិក ហើយពាន​នេះតែងប្រារព្ធធ្វើឡើងជារៀងរាល់ឆ្នាំ ៕

ប្រែសម្រួល ៖ វារី

ចុចអាន ៖ Beyoncé និងកូនស្រី ស៊ីថ្លៃដល់ទៅ ២៤ លានដុល្លារ ក្រោយសម្តែងនៅទីក្រុងឌូបៃ