ព័ត៌មានជាតិ

ផ្ទះពលរដ្ឋ ៦៣ ខ្នង នៅខេត្តបាត់ដំបង ត្រូវខ្យល់កន្ត្រាក់វាយបំផ្លាញ និងមនុស្ស ៨ នាក់ រងរបួស

បានផុស

៣ years មុន

នៅ

ថ្ងៃព្រហស្បតិ៍ ២៧ មេសា ២០២៣

ដោយ

លំនៅឋានរបស់ប្រជាពលរដ្ឋនៅក្នុងស្រុកចំនួន ២ រងការខូចខាតយ៉ាងដំណំ ថែមទាំងបង្កឲ្យមនុស្សចំនួន ៨ នាក់ រងរបួស ក្រោយពីមានខ្យល់កន្ត្រាក់បោកបក់មកឥតឈប់ឈរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គ្រោះធម្មជាតិនេះបានកើតឡើងកាលពីល្ងាចថ្ងៃទី ២៥ ខែមេសា ឆ្នាំ ២០២៣ ដោយមានករណីខ្យល់កន្ត្រាក់ បានបក់ចូលទៅលើស្រុកចំនួន២ គឺ ស្រុកសំឡូត មានករណីភ្លៀងលាយខ្យល់កន្ត្រាក់ចំនួន ១ លើក បណ្ដាលឲ្យខូចខាតផ្ទះប្រជាពលរដ្ឋចំនួន ៤២ ខ្នង(ខូចខាតស័ង្កសីចំនួន ៦៨៤ សន្លឹក) និងបណ្ដាលឲ្យរបួសមនុស្សចំនួន ៣ នាក់ ដែលមាន ១.ឈ្មោះ អៃ ពេល ភេទប្រុស អាយុ ២៦ ឆ្នាំ(របួសធ្ងន់ ត្រង់ចង្កេះ) ,២.ឈ្មោះ ចិន ឃីម ភេទស្រី អាយុ ២១ ឆ្នាំ (របួសត្រង់មុខ និងជើង) ,៣.ឈ្មោះ ពេល ស្រីណី ភេទស្រី អាយុ ១ ឆ្នាំ(របួសហើមក្បាល)។ អ្នករបួសទាំង ០៣ នាក់ រស់នៅភូមិព្រៃធំ ឃុំកំពង់ល្ពៅ ស្រុកសំឡូត ខេត្តបាត់ដំបង។

កាលពីល្ងាចថ្ងៃដដែល នៅចំណុចភូមិអន្លង់ត្រាច ឃុំរបស់មង្គល ស្រុកមោងឬស្សី ក៏មានករណី គ្រោះថ្នាក់ធម្មជាតិ(ខ្យល់កន្ត្រាក់) បង្កឲ្យខូចខាតផ្ទះប្រជាពលរដ្ឋអស់ចំនួន ២១ ខ្នងផ្ទះ ក្នុងនោះ ធ្លាក់ពីលើជើងតាំង ២ ផ្ទះ និងខូចខាតទាំងស្រុកចំនួន ៣ ផ្ទះផងដែរ ព្រមទាំងបានបង្កឲ្យរបួសមនុស្សចំនួន ៥ នាក់ ដែលបច្ចុប្បន្នកំពុងសម្រាកព្យាបាលនៅមន្ទីរពេទ្យ៕

អត្ថបទ ៖ សោ និយមរ័ត្ន

Related Topics:ខេត្តបាត់ដំបង ខ្យល់កន្ត្រាក់

សេចក្ដីជូនដំណឹង៧ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា