វៀតណាម បញ្ចូលលុយជាង ៦ ពាន់លានដុល្លារ​ ក្នុង​ទុនបម្រុងបរទេស

ធនាគារកណ្តាលវៀតណាម បានបញ្ជូលលុយជាង ៦ ពាន់លានដុល្លារអាមរិកបន្ថែមទៀត​ ដើម្បីពង្រឹងទុនបម្រុង​រូបិយប័ណ្ណបរទេសរបស់ខ្លួន ។

ធនាគារកណ្តាលបាននិយាយកាលពីថ្ងៃព្រហស្បតិ៍ថា ការដាក់បញ្ចូលនេះ គឺមានគោលបំណងធ្វើឲ្យសាច់ប្រាក់ដុងវៀតណាមមានបរិមាណច្រើននៅទីផ្សារក្នុងស្រុក, ធ្វើឲ្យមានស្ថិរភាពទីផ្សារអន្តរធនាគារ និងជួយឲ្យអត្រាការប្រាក់កម្ចីអន់ថយផងដែរ ។

ក្រៅពីនេះស្ថាប័នឥណទានក្នុងស្រុក ក៏បានលុបចោលការទិញរូបិយប័ណ្ណបរទេសដែលមានតម្លៃ ១.៧៤ ពាន់លានដុល្លារ ដែលបានរួមចំណែកដល់ការចរាចរប្រាក់ដុងដ៏ច្រើនសន្ធឹកសន្ធាប់ ។

កាលពីថ្ងៃព្រហស្បតិ៍អត្រាប្តូរប្រាក់របស់វៀតណាមជាមួយដុល្លារអាមេរិកបានកើនឡើង ៤ ដុងក្នុងមួយដុលា្លរ ដោយ ១ ដុល្លារ ស្មើ ២៣,៦៥៦ ប្រាក់ដុង ។

ចំណែកនៅធនាគារ Vietcom bank ដែលគ្រប់គ្រងដោយរដ្ឋ តម្លៃទិញនៃប្រាក់ដុល្លារត្រលប់វិញគឺ ១ ដុលា្លរស្មើ ២៣,២៨៥ ដុង ខណៈដែលតម្លៃលក់ទៅប្រាក់ដុល្លារគឺ ២៣,៦២៥ ដុងក្នុង ១ ដុល្លារ ។

ដោយឡែក BIDV ដែលជាអ្នកផ្តល់ប្រាក់កម្ចីមួយផ្សេងទៀតរបស់វៀតណាម ក៏បានបង្ហាញដែរថា តម្លៃលក់គឺ ២៣,៦០០ ដុងក្នុង ១ ដុល្លារ ខណៈដែលការទិញមកវិញគឺ ២៣,៣០០ ដុងក្នុង ១ ដុល្លារ ៕

ប្រែសម្រួល៖ នាង រតនៈ

ប្រភព៖​ Tuoi Tre

ចុចអាន៖ គណបក្សចលនាឆ្ពោះទៅមុខ ថៃ ប្រកាសបង្កើតរដ្ឋាភិបាលចម្រុះជាមួយបក្ស ៧ ផ្សេងទៀត