ព័ត៌មានអន្ដរជាតិ
គណបក្សចលនាឆ្ពោះទៅមុខ ថៃ ប្រកាសបង្កើតរដ្ឋាភិបាលចម្រុះជាមួយបក្ស ៧ ផ្សេងទៀត
មេដឹកនាំរបស់គណបក្សចលនាឆ្ពោះទៅមុខ (MFP) លោក ភីថា លីមចារើនរ៉ាត់ (Pita Limjaroenrat) បានប្រកាសនៅថ្ងៃព្រហស្បតិ៍នេះថា គណបក្សរបស់លោកនឹងធ្វើការជាមួយបក្សចំនួន ៧ ផ្សេងទៀត ក្នុងការបង្កើតរដ្ឋាភិបាលចម្រុះ ដែលនឹងមានអាសនៈចំនួន ៣១៣ ក្នុងសភាតំណាងរាស្ត្រសរុប ៥០០ អាសៈ ។

គណបក្សចំនួន ៧ ដែលនឹងរួមគ្នាបង្កើតរដ្ឋាភិបាលចម្រុះជាមួយគណបក្សចលនាឆ្ពោះទៅមុខ មានដូចជា គណបក្សភឿថៃ, គណបក្សថៃសាងថៃ, គណបក្សសេរីនិយមថៃ, គណបក្សប្រាឆាឆាត, គណបក្សយុត្តិធម៌ថៃ, គណបក្ស Plung Sungkom Mai និងគណបក្ស Peu Thai Ruamphalang ។
ទន្ទឹមនោះ លោក ភីថា បាននិយាយនៅក្នុងសន្និសីទសារព័ត៌មានថា ភាគីគណបក្សទាំងអស់ត្រូវចុះហត្ថលេខាលើអនុស្សរណៈនៃការយោគយល់គ្នា (MoU) ខណៈព័ត៌មានលម្អិតណាមួយនឹងចេញផ្សាយនៅថ្ងៃចន្ទសប្ដាហ៍ក្រោយ ហើយលោកក៏នឹងបង្កើតគណៈកម្មាធិការមួយ ដើម្បីអនុវត្តការងាររបស់រដ្ឋាភិបាលមុនឲ្យមានប្រសិទ្ធភាពផងដែរ ។

គួរបញ្ជាក់ថា នៅក្នុងការបោះឆ្នោតសកលកាលពីថ្ងៃទី១៤ ខែឧសភាកន្លងទៅ គណបក្សចលនាឆ្ពោះទៅមុខទទួលបានអាសនៈចំនួន ១៥២, គណបក្សភឿថៃទទួលបាន ១៤១ អាសនៈ ខណៈគណបក្សថៃរួបរួមជាតិរបស់លោក ប្រាយុទ្ធ ឈរនៅលេខរៀងទី៥ ដោយទទួលបានត្រឹមតែ ៣៦ អាសនៈប៉ុណ្ណោះក្នុងសភាតំណាងរាស្រ្តចំនួន ៥០០ អាសនៈ ៕
ប្រែសម្រួលដោយ ៖ ជីវ័ន្ត
ប្រភព ៖ The Nation Thailand

-
សន្តិសុខសង្គម៧ ថ្ងៃ ago
ស្គាល់អត្តសញ្ញាណអ្នកបើកបររថយន្តបង្កគ្រោះថ្នាក់ស្លាប់មនុស្ស ៤ នាក់ នៅស្រុកស្នួល
-
ព័ត៌មានជាតិ៥ ថ្ងៃ ago
មណ្ឌលគិរី! ជន្លង់ម្រេចរបស់កសិករ ត្រូវបានសមត្ថកិច្ចរឹបអូសដោយពុំមានមូលហេតុ
-
ព័ត៌មានអន្ដរជាតិ១ ថ្ងៃ ago
ប៉ាគីស្ថានបាញ់ទម្លាក់យន្តហោះចម្បាំងឥណ្ឌា៥គ្រឿង ខណៈជនស៊ីវិលស្លាប់កើនឡើងជាបន្ត
-
ព័ត៌មានអន្ដរជាតិ៤ ថ្ងៃ ago
រុស្ស៊ីព្រមានអ៊ុយក្រែន បើហ៊ានវាយប្រហារថ្ងៃ៩ឧសភា ក្រុងកៀវទំនងមិនអាចរស់ដល់ថ្ងៃ១០ឧសភាទេ
-
សន្តិសុខសង្គម៧ ថ្ងៃ ago
ថៃបិទច្រកអានសេះ ដោយមិនជូនដំណឹងប្រាប់មុន
-
ព័ត៌មានអន្ដរជាតិ៦ ថ្ងៃ ago
បាតុករថៃចេញតវ៉ា ខណៈគណៈកម្មាធិការព្រំដែនទូទៅកម្ពុជា-ថៃជួបប្រជុំនៅបាងកក
-
ព័ត៌មានអន្ដរជាតិ២ ថ្ងៃ ago
ត្រាំ ងាកទៅរកមេដឹកនាំដ៏មានឥទ្ធិពលមួយរូប ឲ្យជួយបញ្ចប់សង្គ្រាម រុស្ស៊ី-អ៊ុយក្រែន
-
ព័ត៌មានអន្ដរជាតិ២ ថ្ងៃ ago
រុស្ស៊ី បិទព្រលានយន្តហោះធំទាំងអស់នៅមូស្គូ ក្រោយអ៊ុយក្រែន បញ្ជូនដ្រូនវាយប្រហារទ្រង់ទ្រាយធំ ២យប់ជាប់គ្នា