តារាចិនម្នាក់ត្រូវមហាជនសើចចំអក ព្រោះស្លៀកខោទ្រនាប់ក្លែងក្លាយ

តារាចិនឈ្មោះ Mu Ziyang អង្វរអ្នកគាំទ្រឲ្យឈប់សើចចំអកខ្លួនដោយសារស្លៀកខោទ្រនាប់ម៉ាក Calvin Klein ក្លែងក្លាយទៀត ក្រោយលោកបានប្រទះឃើញមហាជនកំពុងនាំគ្នាចែករំលែករូបខ្លួនស្លៀកលីអូក្លែងក្លាយពាសពេញបណ្ដាញសង្គម Weibo ថ្មីៗនេះ ។

ដើមហេតុគឺកើតឡើងនៅក្នុងការប្រគំតន្ត្រីមួយកន្លែង ហើយតារាចិនវ័យ ២៩ ឆ្នាំខាងលើបានលើកដៃធ្វើរូបបេះដូងទៅកាន់អ្នកគាំទ្របណ្ដាលឲ្យលេចចង្កេះខោទ្រនាប់ពណ៌ក្រហមដែលដាក់ថា “ Cailv Kenli” សំដៅទៅកាន់ម៉ាក Calvin Klein ប៉ុន្តែជារបស់ក្លែងក្លាយកម្រិតអន់ ។

បើងាកមកមើលការបញ្ចេញមតិពីមហាជនវិញធ្វើឲ្យ Mu Ziyang ខ្មាស់គេមិនស្ទើរនោះទេ អ្នកខ្លះឆ្ងល់ថា “តើគាត់នឹងបោះចោលខោទ្រនាប់ក្លែងក្លាយដែលមាននៅផ្ទះទាំងអស់ឬអត់?” ដល់ថ្នាក់លោក Mu អង្វរថា “ឈប់និយាយទៀតទៅ ខ្ញុំមិនដឹងថាខ្លួនឯងបានទិញរបស់ក្លែងក្លាយឡើយ” ។

យ៉ាងណាក្ដី អ្នកគាំទ្រហាក់បីមិនអាណិតគាត់សូម្បីបន្តិច ថែមទាំងនិយាយថា “កត់ចំណាំម៉ាកផង! កុំមើលតែខោទ្រនាប់!” ហើយ Mu បន្ថែមដែរថា “តើខ្ញុំត្រូវធ្វើដូចម្ដេចជាមួយពួកគេ តើខ្ញុំត្រូវបន្តស្លៀកមែនទេ? ខ្ញុំទិញមកច្រើនណាស់ ខ្ញុំមិនអាចបោះវាចោលទេ” ៕

ប្រែសម្រួល ៖ វារី

ចុចអាន ៖ ហ្វាន ពីងពីង លេចធ្លោខ្លាំង នៅលើកម្រាលព្រំក្រហម ប្រទេសបារាំង