តារាសម្ដែង Boy Pakorn សម្រេចចិត្តសាងផ្នួសមួយរយៈពេល

បន្ទាប់ពីទើបទម្លាយថា​ចង់​រៀប​ការនិង​បង្កើត​គ្រួសារ​ជាមួយមិត្តស្រី Faye Pornpawee ទោះបីជាត្រូវរង់ចាំរយៈពេលយូរក្ដី តារាសម្ដែង Boy Pakorn​​ ស្រាប់តែបង្ហាញរូបភាពស្លៀកស្បង់ជីព​បួសសងគុណ​ឪពុកម្ដាយ​កាលពីព្រឹកមិញនេះ។

នាព្រឹកថ្ងៃទី២០ ខែមិថុនា ឆ្នាំ ២០២៣ ដើម្បី​សងនៅគុណរបស់​ឪពុក​ម្ដាយដែលជាអ្នកមានគុណធំ​ តារាសម្ដែងប្រុស Boy Pakorn​​ បានបង្ហាញវត្តមាននៅវត្ត Pathumwanaram Ratchaworawihan ដោយស្លៀកស ដែលនេះបញ្ចាក់ថា លោកសាងផ្នួសក្នុងនាមជាបព្វជិតសងគុណលោកអ្នកមានគុណនាមជាកូនប្រុសច្បងនៃគ្រួសារ។

ជាមួយគ្នានេះដែរ ក្នុងពិធីបំបួស Boy Pakorn គេឃើញមានវត្តមានអ្នកគ្រប់គ្រងប៉ុស្តិ៍លេខ៣ អ្នករៀបចំរឿងភាគ មិត្តភក្តិស្និទ្ធស្នាល និងជាពិសេសនោះគឺមិត្តស្រីរបសលោកគឺតារាសម្ដែង Faye Pornpawee បានមកចូលរួមក្នុងពិធីដ៏សំខាន់នេះផងដែរ។

ដោយឡែក​ក្នុង Instagram ផ្ទាល់ខ្លួនរបស់ប្អូនប្រុសទាំងពីររបស់ Boy Pakorn​​ គឺ Thana Chatborirak និង Pat Chatborirak បានបង្ហោះរូបភាពនៃបរិយាកាសគ្រួសារដោយអ្នកម្តាយ Ngamthip និងប្អូនស្រីសំណព្វ Nong Wanmai banចូល​រួម​ក្នុង​ពិធីកោរសក់​យ៉ាង​កក់ក្ដៅ​ជាមួយ​គ្នា។​ ស្របពេលដែរ ​ក្នុង​វិស័យ​សិល្បៈ​ព្រមទាំង​អ្នក​គាំទ្រ​ជា​ច្រើន​បាន​ចូល​មក​បញ្ចេញ​មតិ​និង​ចូល​រួម​អបអរ​សាទរ​ចំពោះ Boy Pakorn​​​​ ដ៏លើសលប់ដូចគ្នា៕

ប្រែសម្រួល៖ សាង ស្រីល័ក្ខ

ចុចអាន៖ក្រោយសង្ស័យបែកជាមួយមិត្តប្រុស Nychaa បង្ហោះរូបភាពមួយសន្លឹក