ជីវិតកម្សាន្ដ

ក្រោយសង្ស័យបែកជាមួយមិត្តប្រុស Nychaa បង្ហោះរូបភាពមួយសន្លឹក

បានផុស

៣ years មុន

នៅ

ថ្ងៃអង្គារ ២០ មិថុនា ២០២៣

ដោយ

មហាជនជាច្រើនមានការភ្ញាក់ផ្អើលជាខ្លាំង នៅពេលដែលតារាស្រី Nychaa Nuttanicha ស្រាប់តែបង្ហោះរូបភាពមួយសន្លឹកតាមរយៈ Instagram ផ្ទាល់ខ្លួន ជាមួយនឹងសារបញ្ចាក់ថា Resetting (កំណត់ឡើងវិញ) ក្នុងនោះក៏ធ្វើឲ្យអ្នកគាំទ្រជាច្រើនមានការព្រួយបារម្ភថា តើមានអ្វីកើតឡើងចំពោះនាង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទន្ទឹមគ្នានោះដែរ ទស្សនិកជនជាច្រើនផ្ដោតសំខាន់លើស្នេហារបស់នាងនិងមិត្តប្រុស Tono Pakin ថាតើពួកគេបែកគ្នាឬយ៉ាងណា? រហូតឈានដល់ជជែកគ្នាលើបណ្ដាញសង្គមព្រោងព្រាត។

យ៉ាងណាមិញ មិនទុកឲ្យមន្ទិលសង្ស័យយូរតារាសម្ដែង Nychaa បានបង្ហោះរូបភាពមិត្តប្រុស Tono ក្នុងគណនីផ្ទាល់ខ្លួន ដោយបញ្ចូលសញ្ញាអារម្មណ៍បេះដូងផងដែរ។ ក្រោយមកអ្នកគាំទ្រជាច្រើនចូលមកបញ្ចេញមតិថា ទំនងជាមិនកើតឡើង ប្រហែលជាគ្រាន់តែបង្ហោះរូបដូចនាងធម្មតាប៉ុណ្ណោះ។ ប៉ុន្តែបើក្រឡេកមើលការបង្ហោះក្នុង Instagram របស់ Nicha វិញឃើញថាកាលថ្ងៃ ១៩ ខែមិថុនា នាងទើបតែបង្ហោះរូបភាព Tono ទៅតំបន់មួយដើម្បីបំពេញការងារប្រចាំថ្ងៃជាមួយសញ្ញាអារម្មណ៍ស្នេហាលើសលប់ថែមទៀត។

ទោះយ៉ាងណាក៏ដោយ ទស្សនិកជនខ្លះក៏បានបញ្ចេញមតិថាចំពោះបញ្ហានេះដែរមានតែរង់ចាំឲ្យតារាស្រីរូបនេះចេញមកបញ្ចាក់ការពិត ហើយកុំចេះតែនិយាយផ្ដេសផ្ដាសនាំតែក្លាយជាការពិតនោះទេ។ រឿងខ្លះមានតែសាម៉ីខ្លួនទេ ដែលអាចដឹងថា មានរឿងអ្វីកើតឡើងចំពោះពួកគេ៕