ប៉ាតង់ថ្មីរបស់ Apple បង្ហាញពី iPhone នាពេលអនាគត អាចមូរបាន

គេធ្លាប់តែឃើញក្រុមហ៊ុន Samsung និង Motorola ផលិតទូរស័ព្ទវៃឆ្លាតដែលអាចបត់បាន ប៉ុន្តែពេលនេះគូប្រជែងរបស់ខ្លួនគឺ Apple អាចកំពុងនឹងសំងំផលិត iPhone ថ្មីដ៏អស្ចារ្យ ដែលអាចមូរបានដូចជាកន្ទេល។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប៉ាតង់ថ្មីមួយ បានបង្ហាញអំពីឧបករណ៍ដែលអាចមូរបាន ជាមួយនឹងអេក្រង់យ៉ាងស្តើង ហើយមានបំពាក់ជាមួយស្រទាប់កញ្ចក់ ដើម្បីការពារពេលមូរទូរស័ព្ទ ខណៈឯកសារនេះក៏បានបង្ហាញពីការបន្ថែមថ្នាំកូតទៅស្រទាប់ខាងក្រៅក៏ដូចជា ស្រទាប់ប្រឆាំងស្នាមប្រឡាក់ ប្រឆាំងអ័ព្ទ និងប្រឆាំងការឆ្លុះផងដែរ។

ស្រទាប់ទីមួយអាចធ្វើពីថ្នាំកូត បន្ទាប់មក ស្រទាប់ទីពីរធ្វើពី Polyimide ដែលជាប្រភេទផ្លាស្ទិក គេយកទៅប្រើក្នុងអ្វីៗ ចាប់ពីសមាសធាតុយន្តហោះ រហូតដល់សម្ភារកីឡា ហើយចំពោះស្រទាប់ខាងក្រៅ គឺនឹងស្តើងបំផុត ធ្វើពីវត្ថុធាតុ Polymer ដែលពេញនិយមក្នុងថង់ផ្លាស្ទិក សម្លៀកបំពាក់ និងឧបករណ៍ចង្ក្រាន ស្រោបដោយ Teflon។

ទោះបីជាយ៉ាងណាក៏ដោយ នៅមានលក្ខណៈពិសេសជាច្រើនទៀតដែលប្រភពមិនបញ្ជាក់អស់ ទាក់ទងនឹងទូរស័ព្ទឆ្លាតវៃមូរដូចកន្ទេលនេះ ប៉ុន្តែអ្នកជំនាញអះអាងថា iPhone នាពេលអនាគត ពិតជាមានភាពធន់ ដែលមិនធ្វើឲ្យអ្នកប្រើប្រាស់ព្រួយបាម្ភ នោះទេ។

គួរបញ្ជាក់ថា ក្រុមហ៊ុន Apple គ្រោងនឹងដាក់បង្ហាញ iPhone 15 របស់ខ្លួននៅខែកញ្ញាខាងមុខ ដូច្នេះប្រសិនបើក្រុមហ៊ុនចេញស្មាតហ្វូនដែលអាចមូរបាននេះមែន លុះត្រាតែដល់ឆ្នាំ២០២៤ឯណោះ៕

ប្រែសម្រួល៖ Vann Vann

ប្រភព៖ Daily Mail

ចុចអាន៖ iPhone 14 ទើបចេញក្តៅៗ មានមុខងារពិសេសៗ