សេដ្ឋកិច្ច
ឥណ្ឌា ផ្អាកនាំចេញអង្ករ នាំឲ្យ វៀតណាម រំពឹងរកចំណូលបានជាង ៤ ពាន់លានដុល្លារក្នុងឆ្នាំនេះ
ក្រសួងកសិកម្ម និងអភិវឌ្ឍន៍ជនបទវៀតណាម រំពឹងការនាំចេញអង្កររបស់ខ្លួននឹងកើនឡើងដល់ ៧.២ លានតោនក្នុងឆ្នាំ ២០២៣ ហើយរកចំណូលបានជាង ៤ ពាន់លានដុល្លារ ស្របពេលដែលឥណ្ឌាផ្អាកនាំចេញអង្កររបស់ពួកគេ ។
អនុរដ្ឋមន្ត្រីក្រសួងកសិកម្ម និងអភិវឌ្ឍន៍ជនបទ លោក Tran Thanh Nam ប្រាប់ថា ការហាមឃាត់នាំចេញអង្កររបស់ឥណ្ឌានាំមកនូវឱកាសសម្រាប់ការនាំចេញអង្កររបស់វៀតណាមនៅចុងឆ្នាំនេះ ។
ក្នុងរយៈពេល ៧ ខែដំបូងនៃឆ្នាំនេះ វៀតណាមនាំចេញអង្ករជាង ៤.៤៨ លានតោន ទទួលបានចំណូលជិត ២.៤ ពាន់លានដុល្លារ ពោលកើន ២៨ ភាគរយ ខណៈបរិមាណវិញកើនជាង ១៧ ភាគរយ ។
ការនាំចេញអង្ករកំពុងកើនឡើងយ៉ាងខ្លាំង ស្របពេលដែលតម្លៃអង្ករវៀតណាមក៏កើនឡើងដូចគ្នាពី ៤៩០ ដុល្លារក្នុងមួយតោនកាលពីឆ្នាំមុន ដល់ជាង ៥៣០ ដុល្លារក្នុងមួយតោននាពេលបច្ចុប្បន្ន ។
ចំណែកយោងតាមសមាគមម្ហួបអាហារវៀតណាមបានឲ្យដឹងថា នៅឆ្នាំនេះ ការនាំចេញអង្ករមានលក្ខខណ្ឌអំណោយផលបំផុត នៅពេលដែលផលិតកម្មក្នុងស្រុកមានការកើនឡើងជាវិជ្ជមាន ខណៈដែលតំបន់ផលិតអង្ករភាគច្រើនបានប្តូរទៅជាពូជដែលមានគុណភាព និងតម្លៃខ្ពស់ ជាពិសេស នៅក្នុងទីផ្សារពិភពលោកបច្ចុប្បន្ន តម្រូវការអង្ករបានកើនឡើងយ៉ាងខ្លាំង ។
គួរបញ្ជាក់ថា នៅឆ្នាំ ២០២២ ការនាំចេញអង្ករវៀតណាម មានបរិមាណ ៧.១ លានតោន ជាមួយនឹងតម្លៃ ៣.៤៦ ពាន់លានដុល្លារ ៕
ប្រែសម្រួល ៖ នាង រតនៈ
ប្រភព៖ VN Express
-
សេដ្ឋកិច្ច៦ ថ្ងៃ ago
គម្រោងសាងសង់ស្ពានតភ្ជាប់ពីខេត្តកំពង់ឆ្នាំង-កំពង់ធំ កំពុងរង់ចាំថវិកាពីចិន
-
ព័ត៌មានអន្ដរជាតិ៤ ថ្ងៃ ago
រុស្ស៊ី ផ្ទុះការវាយលុកដំណាក់កាលថ្មីលើ អ៊ុយក្រែន ប្រើទាំងរថពាសដែក ទម្លាក់គ្រាប់បែក និងបាញ់កាំភ្លើងធំ
-
ជីវិតកម្សាន្ដ៥ ថ្ងៃ ago
Huang Xiaoming ជួបមិត្តស្រីភ្លាមៗ ក្រោយចេញក្រៅជាមួយអតីតភរិយា Angelababy និងកូនប្រុស
-
ព័ត៌មានអន្ដរជាតិ៣ ថ្ងៃ ago
ព្យុះព្រះអាទិត្យ ដ៏កាចសាហាវ វាយប្រហារភពផែនដី
-
ព័ត៌មានជាតិ២ ថ្ងៃ ago
ការផ្លាស់ប្ដូរមេបញ្ជាការអាវុធហត្ថស្រុកមណ្ឌលសីមា ពុំមែនកំហុសឆ្គង ឬ វិន័យទណ្ឌកម្ម នោះទេ
-
នយោបាយ៥ ថ្ងៃ ago
ទីបំផុត បក្សដែលស្នើបង្កើតដោយលោក ឯម សុខសុវណ្ណ ត្រូវបានក្រសួងមហាផ្ទៃ ចុះឈ្មោះជាផ្លូវការ
-
ព័ត៌មានជាតិ២ ថ្ងៃ ago
មន្ទីរកសិកម្មខេត្តកែប ច្រានចោលការចោទប្រកាន់ថា មន្រ្តីកាប់សាច់សត្វប្រើសចែកគ្នាដែលងាប់ក្នុងផ្ទះអ្នកស្រុក
-
ព័ត៌មានអន្ដរជាតិ៦ ថ្ងៃ ago
អ៊ុយក្រែន បើកការវាយប្រហារចូលដីរុស្ស៊ី ចំទិវាជ័យជម្នះ