ធ្លាក់ខ្លួនលក់អាហារបំពងតាមផ្លូវ Pinky បែរនិយាយថាខ្លួនសប្បាយចិត្តណាស់

បន្ទាប់ពីទទួលបានការអនុញ្ញាតឱ្យនៅក្រៅឃុំក្នុងសំណុំក្ដីឆបោកប្រាក់តាមអនឡាញ ការងារសិល្បៈ Pinky មិនសូវមានទីផ្សារប៉ុន្មានឡើយ ទើបមួយរយៈក្រោយមក តារាសម្ដែងរូបនេះងាកទៅចាប់អាជីពជាអ្នកលក់អាហារបំពងតាមផ្លូវ ដើម្បីរកប្រាក់ផ្គត់ផ្គង់ជីវភាពរស់នៅ។

ជិតពីរខែមកហើយដែល Pinky បានប្ដូរអាជីពជាអ្នកលក់មឹកបំពង សាច់ជ្រូកបំពង និងភ្លៅមាន់បំបងនៅក្នុងតូបតូចមួយ។ ក្រោយចាប់អាជីពមួយនេះ ត្បិតតែមិនសូវហ៊ឺហារ ឬលេចធ្លោដូចកាលនៅជាអ្នកសិល្បៈ ប៉ុន្តែវាជួយឱ្យនាងរកប្រាក់បានក្រែលដែរ ខណៈទស្សនិកជនដែលធ្លាប់ស្គាល់ បានផ្ដល់ការគាំទ្រយ៉ាងខ្លាំងចំពោះនាង ដោយជួយទិញអាហាររបស់នាង និងសុំថតរូបហូរហែ សឹងគ្មានពេលសម្រាក។

ប្រាប់ទៅកាន់អ្នកកសែតនៅក្នុងពិធីសម្ពោធភាពយន្តមួយនាពេលថ្មីៗនេះ Pinky និយាយថា ទោះបីធ្លាក់ខ្លួនជាអ្នកលក់អាហារបំពង តែនាងគ្មានអារម្មណ៍ខ្មាសគេបន្តិចឡើយ ហើយតែងតែមានមោទកភាពចំពោះខ្លួនឯង។ មិនតែប៉ុណ្ណោះ នាងសប្បាយចិត្តច្រើន ពេលឃើញអតិថិជនចូលតូបជួយទិញ ជាពិសេសពួកគេមួយចំនួនជាអ្នកគាំទ្ររបស់នាង៕

ប្រែសម្រួល៖ សន្យា

ចុចអាន៖ Pinky ឆ្លើយទាំងអឹមអៀនពេលគេសួរនាំពីទំនាក់ទំនងជាមួយ Tui

ចុចអាន៖ Ploy លុបសារជូនពរថ្ងៃកំណើតរបស់ Tong ទំនងស្នេហាអ្នកទាំងពីរប្រេះឆាហើយ