ជីវិតកម្សាន្ដ

ទៅណាមិនឆា្ងយ ! អនុស្សាវរីយ៍ វិលចូលទ្រនំចាស់វិញ

បានផុស

៣ years មុន

នៅ

ថ្ងៃព្រហស្បតិ៍ ២១ កញ្ញា ២០២៣

ដោយ

តារាចម្រៀងសម្បូររឿងអាស្រូវលោក យឿន សូតអនុស្សាវរីយ៍ បន្ទាប់ពីចាក់ចេញពីផលិតកម្មសាន់ដេ មួយរយៈខ្លីស្រាប់តែថ្មីៗនេះមានដំណឹងថាតារាប្រុសរូបនេះបានសម្រេចចិត្តវិលរកទ្រនំចាស់វិញហើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គេនៅចាំបានថាម្ចាស់បទ «ទីងមោង និងឆ្នាំងណាគ្របហ្នឹង» យឿន សូតអនុស្សាវរីយ៍ ប្រកាសបញ្ចប់កុង ត្រាការងារជាមួយផលិតកម្ម សាន់ដេ(SUNDAY PR ODUCTION) ជាផ្លូវការកាលពីថ្មីៗ កន្លងទៅដោយកាលនោះមានមតិអ្នកគាំទ្រខ្លះថា តារាចម្រៀងប្រុសរូបនេះ អាចនឹងចូលទ្រនំសម្បូរឧកញ៉ាខណៈមួយរយៈចុងក្រោយ ឃើញលោកស្និទ្ធស្នាលជាមួយតារាចម្រៀងប្រចាំផលិតកម្មGalaxy Navatraដូចជា ឧកញ៉ាព្រាប សុវត្ថិ , ឧកញ៉ាខេមរៈ សិរីមន្ត និង តារាចម្រៀង ខេម ជាដើម។

ប៉ុន្តែយ៉ាងណាមិញ អ្វីៗផ្ទុយពីការគិតស្រប់ពេលដែលមានការទម្លាយថា អនុស្សាវរីយ៍ បានវិលចូលទ្រនំចាស់ សាន់ដេ វិញហើយកាលពីថ្មីៗនេះ ដោយក្នុងនោះលោកក៏បានចេញបទចម្រៀងស្នាដៃថ្មីត្រៀបអបអរ ឱកាសពិធីបុណ្យភ្ជុំបិណ្ឌប្រពៃណីជាតិខ្មែរដែលចូលមកដល់ឆាប់ៗខាងមុខផងដែរ។

សាមីខ្លួន លោក យឿន សូតអនុស្សាវរីយ៍ ចេញមកបញ្ជាក់ឲ្យដឹងថា “ខ្ញុំបាទសូមអរគុណផលិតកម្ម សាន់ដេ ដែលផ្ដល់ឱកាសដល់រូបខ្ញុំបាទសាជាថ្មីហើយ សូមពុកម៉ែបងប្អូនទាំងអស់គ្នាជួយគាំទ្រនូវបទថ្មីរបស់ ខ្ញុំបាទនៅក្នុងឱកាសបុណ្យ ភ្ជុំបិណ្ឌ ខាងមុខនេះផងដែរសូមអរគុណ”។

ដំណឹងនេះ បានធ្វើឲ្យមហាជនអ្នកគាំទ្របង្ហាញការអបអរ នៃការវិលត្រឡប់របស់លោកផងដែរ។

សូមរម្លឹកថា តារាចម្រៀងល្បីឈ្មោះ លោក យឿន សូតអនុស្សាវរីយ៍ មួយរយៈចុងក្រោយនេះហាក់ជួបនូវរឿងរ៉ាវព្យុះភ្លៀងជាបន្តបន្ទាប់ ខណៈថ្មីៗនេះ ត្រូវនារីពលករនៅកូរ៉េម្នាក់បកអាក្រាតពីទំនាក់ទំនងស្នេហារយៈពេលជិតមួយឆ្នាំកក្រើកពេញបណ្តាញសង្គមហ្វេសប៊ុក៕

អត្ថបទ៖ ចាន់រ៉ា