កីឡា

សិស្សប្អូន ធន់ វិស្ណុ ឈ្នះម្ចាស់មេដាយមាសស៊ីហ្គេម ខាំ ខ្លានាង យកពានម៉ារ៉ាតុង

បានផុស

៣ years មុន

នៅ

ថ្ងៃចន្ទ ២ តុលា ២០២៣

ដោយ

កីឡាករវ័យក្មេង ធន់ វិស្ណុ ឈ្នះសិស្សច្បងជាម្ចាស់មេដាយមាសស៊ីហ្គេម ខាំ ខ្លានាង ដើម្បីក្លាយជាម្ចាស់ពានរង្វាន់ម៉ារ៉ាតុងនៅក្នុងកម្មវិធីប្រដាល់ ICY COOL កាលពីល្ងាចថ្ងៃសៅរ៍ ទី៣០ ខែកញ្ញា ឆ្នាំ២០២៣ នៅសង្វៀនបាយ័ន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការប្រកួតដណ្តើមពានរង្វាន់លក្ខណៈម៉ារ៉ាតុងទម្ងន់៥១គីឡូក្រាមប្រជុំដោយជើងខ្លាំង៤រូបគឺម្ចាស់មេដាយមាសស៊ីហ្គេម ខាំ ខ្លានាង ម្ចាស់ខ្សែក្រវាត់គុនខ្មែរអលស្តារ ឡុង ពិសិដ្ឋ អ្នកលេងក្បាច់ អេលីត រស្មី និងជើងខ្លាំងវ័យក្មេង ធន់ វិស្ណុ។

ការប្រជុំទី១ ធន់ វិស្ណុ ធ្វើបានល្អសម្រាប់ការប្រកួត៣ទឹកពេញ។ រូបគេមានកម្លាំងស៊ុហ្វល្អ និងចូលវ៉ៃដោយមានទំនុកចិត្ត ហើយកាច់ឲ្យ អេលីត រស្មី ដួលពីរបីដង។ ដូច្នេះរូបគេត្រូវបានចៅក្រមកាត់សេចក្តីឲ្យឈ្នះពិន្ទុឡើងទៅវគ្គផ្តាច់ព្រ័ត្រ។

ចំណែក ខាំ ខ្លានាង ប្រើប្រាស់បទពិសោធចាស់វស្សា និងបច្ចេកទេសដ៏ល្អដើម្បីយកប្រៀបលើ ឡុង ពិសិដ្ឋ រហូតទទួលបានជ័យជម្នះ។ មែនទែនទៅ ឡុង ពិសិដ្ឋ ដែលជាម្ចាស់ខ្សែក្រវាត់គុនខ្មែរអលស្តារ សម្រុកច្រើននៅទឹកទី៣ ប៉ុន្តែពីរទឹកដំបូង រូបគេមិនសូវសម្រុកវ៉ៃខ្លាំងទេ។ ជាហេតុធ្វើឲ្យរូបគេចាញ់ពិន្ទុ ហើយ ខ្លានាង ឡើងទៅវគ្គផ្តាច់ព្រ័ត្រ។

នៅវគ្គផ្តាច់ព្រ័ត្រ ធន់ វិស្ណុ នៅតែធ្វើបានល្អដោយរូបគេសម្រុកចូលវ៉ៃមិនខ្លាចញញើតសិស្សច្បង ខាំ ខ្លានាង ឡើយ។ បើតាមក្បាច់វ៉ៃ និងចេញអាវុធចំគោលដៅមិនលើសខ្វះគ្នាប៉ុន្មានទេ ប៉ុន្តែ ធន់ វិស្ណុ មានកម្លាំងស៊ុហ្វល្អ និងរឹងមាំជាងដែលមានប្រៀប ដូច្នេះហើយបានជាចៅក្រមកាត់សេចក្តីឲ្យទទួលបានជ័យជម្នះ។

តាមរយៈជ័យជម្នះខាងលើមានន័យថា ធន់ វិស្ណុ នៅតែរក្សាកំណត់ត្រាមិនដែលចាញ់ អេលីត រស្មី ហើយបង្កើតកំណត់ត្រាថ្មីឈ្នះលើរៀមច្បង ខាំ ខ្លានាង ដែលជាម្ចាស់មេដាយមាសស៊ីហ្គេម លើកទី៣២ ឆ្នាំ២០២៣ នៅទឹកដីកម្ពុជា៕

អត្ថបទ៖ វីរបុត្រ

សេចក្ដីជូនដំណឹង៦ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា