ព័ត៌មានជាតិ

កម្មកររោងចក្រ ២៨ បន្ថែមទៀត រងផលប៉ះពាល់ដោយវិបត្តិសកល ទទួលបានប្រាក់ឧបត្ថម្ភពីរាជរដ្ឋាភិបាល

បានផុស

៣ years មុន

នៅ

ថ្ងៃចន្ទ ៤ ធ្នូ ២០២៣

ដោយ

កម្មករ-និយោជិត ចំនួន ២៨ រោងចក្របន្ថែមទៀត ក្នុងវិស័យវាយនភណ្ឌ កាត់ដេរផលិតស្បែកជើង និងផលិតផលិតផលធ្វើដំណើរ និងកាបូបដែលព្យួរការងារក្នុងខែកញ្ញា ខែតុលា និងខែវិច្ឆិកា ឆ្នាំ ២០២៣ ដោយសារវិបត្តិសេដ្ឋកិច្ចសកល ទទួលបានប្រាក់ឧបត្ថម្ភពីរាជរដ្ឋាភិបាល។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមក្រសួងការងារ និងបណ្ដុះបណ្ដាលវិជ្ជាជីវៈ ស្តីពីការបើកផ្ដល់ប្រាក់ឧបត្ថម្ភ (លើកទី ១៣) ជូនកម្មករ-និយោជិត ចុះថ្ងៃទី ០៤ ធ្នូនេះ បានឱ្យដឹងថា ចំណោមរោងចក្រ ចំនួន ២៨ ដែលបានព្យួរកិច្ចសន្យាការងារ ក្នុងនោះរោងចក្រចំនួន ១៣ មានទីតាំងនៅភ្នំពេញ រោងចក្រ ៣ នៅខេត្តកណ្តាល រោងចក្រ ៩ នៅខេត្តកំពង់ស្ពឺ រោងចក្រ ១ នៅខេត្តតាកែវ រោងចក្រ ១ នៅខេត្តកំពង់ចាម និងរោងចក្រ ១ នៅខេត្តបន្ទាយមានជ័យ។

ចំពោះការបើកប្រាក់ឧបត្ថម្ភនេះ រាជរដ្ឋាភិបាលធ្វើឡើងតាមរយៈធនាគារវីងដែលផ្ញើសារចូលទៅក្នុងទូរស័ព្ទដៃរបស់កម្មករ-និយោជិតដែលបានផ្តល់ឲ្យក្រសួងតាមរយៈរដ្ឋបាលរោងចក្រ និងសហគ្រាស នាពេលកន្លងមក។

ប្រាក់ឧបត្ថម្ភនេះ នឹងត្រូវបើកផ្តល់ជាប្រាក់រៀល និងអាស្រ័យលើចំនួនថ្ងៃ នៃការព្យួរកិច្ចសន្យាការងារ ក្នុងនោះទឹកប្រាក់ចំនួន ៨១០០០ រៀល ស្មើនឹង ២០ ដុល្លារ សម្រាប់ការព្យួរកិច្ចសន្យាការងាររយៈពេលពី ៧ ថ្ងៃ ដល់ ១៤ ខែ។ ទឹកប្រាក់ ១៦២០០០ រៀល ស្មើនឹង ៤០ ដុល្លារ សម្រាប់ព្យួរការងាររយៈពេល ១៥ ថ្ងៃ ដល់ ១ ខែ។

ក្រសួង បានរំលឹកថា ធនាគារឯកទេសវីង នឹងបង្វិលប្រាក់ឧបត្ថម្ភនេះជូនរាជរដ្ឋាភិបាលវិញ ប្រសិនជាកម្មករ-និយោជិត ខកខានមិនបានទៅបើកប្រាក់ឧបត្ថម្ភនេះ ក្នុងរយៈពេល ១០ ថ្ងៃ បន្ទាប់ពីទទួលបានសារតាមទូរស័ព្ទពីធនាគារឯកទេសវីងដោយត្រូវយកអត្តសញ្ញាណបណ្ណសញ្ជាតិខ្មែរ និងទូរសព្ទដែលទទួលបានសារនោះទៅកាន់ភ្នាក់ងារវីងនៅជិតបំផុតដើម្បីបើកប្រាក់ឧបត្ថម្ភនេះ ហើយរាល់ការបើកប្រាក់នេះមិនតម្រូវឲ្យបង់ថ្លៃសេវាឡើយ។

ករណីកម្មករ-និយោជិត ដែលបម្រើការងារនៅរោងចក្រ សហគ្រាស ទាំង ២៨ នេះ មិនបានទទួលសារទូរសព្ទពីធនាគារឯកទេសវីង នោះ ត្រូវធ្វើទំនាក់ទំនងសួរព័ត៌មានបន្ថែម ឬធ្វើបច្ចុប្បន្នភាពលេខទូរសព្ទរបស់ខ្លួន ទៅរដ្ឋបាលរោងចក្រ សហគ្រាសរបស់ខ្លួនជាបន្ទាន់។

គួរបញ្ជាក់ថា រាជរដ្ឋាភិបាល បានផ្តល់ប្រាក់ឧបត្ថម្ភដល់កម្មករដែលព្យួរការងារដោយសារវិបត្តិសេដ្ឋកិច្ចសកលលើកទី ១ នៅថ្ងៃទី ០២ ខែមិថុនា ឆ្នាំ ២០២៣៕

អត្ថបទ ៖ សំអឿន

ព័ត៌មានអន្ដរជាតិ២៣ ម៉ោង ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា