Connect with us

KPT+

អ្នកនិយមដំណើរកម្សាន្តតាមកោះ គួរកុំរំលងកោះសាមសិប ដែលនៅជាប់បណ្តោយទន្លេមេគង្គ

បានផុស

នៅ

សម្រាប់អ្នកជាអ្នកនិយមដំណើរកម្សាន្តតាមកោះធម្មជាតិ អាចសាកល្បងបរិយាកាសថ្មី ផ្លាស់ពីដំណើរកម្សាន្តលើកោះ តំបន់សមុទ្រ មកកោះតំបន់ទន្លេវិញម្តង នៅសហគមន៍អេកូទេសចរណ៍កោះសាមសិប ដែលនៅជាប់បណ្តោយដងទន្លេ មេគង្គ ទឹកដីនៃខេត្តក្រចេះ ដើម្បីកម្សាន្ត និងគយគន់ទេសភាពដ៏ស្រស់ត្រកាលនៅទីនេះ។

ប្រភពរូបភាព៖ ntfp org kh

ក្នុងវេលាខែធ្លាក់ខ្យល់នេះ (កត្តិក) ស័ក្ដិសមបំផុត សម្រាប់ដំណើរកម្សាន្តទៅកាន់ សហគមន៍អេកូទេសចរណ៍ កោះសាមសិប ក៏ព្រោះតែអំឡុងខែនេះ ទឹកទន្លឹងចាប់ផ្តើមស្រក ហើយលេចរូបរាងកោះដ៏ស្រស់ស្អាត នៃសហគមន៍អេកូទេសចរណ៍មួយនេះ។

សម្រាប់ការកម្សាន្តនៅតំបន់ សហគមន៍អេកូទេសចរណ៍ កោះសាមសិប ទេសចរអាចជិះទូកមើលសត្វស្លាប ដែលមានដល់រាប់រយប្រភេទ កំពុងរស់នៅតំបន់នេះ និងគយគន់ទេសភាពដ៏ត្រកាល នៃតំបន់កោះលើផ្ទៃទន្លេ មានទាំងព្រៃឈើអមដំណើរ និងស្តាប់សំឡេងនៃធម្មជាតិ។

ប្រភពរូបភាព៖ ក្រសួងទេសចរណ៍ (ថតដោយ Mr.Borin)
ប្រភពរូបភាព៖ ក្រសួងទេសចរណ៍ (ថតដោយ Mr.Sovanna)
ប្រភពរូបភាព៖ ក្រសួងទេសចរណ៍

ទន្ទឹមនេះ ទេសចរក៏អាចបោះតង់នៅលើកោះ មើលទេសភាពថ្ងៃលិចតាមមាត់ទន្លេ និងទទួលទានអាហារ ដែលរៀបចំដោយប្រជាសហគមន៍នៅទីនោះ ឬក៏ជ្រើសរើសស្នាក់នៅជាផ្ទះស្នាក់សហគមន៍ផងដែរ។

ប្រភពរូបភាព៖ ក្រសួងទេសចរណ៍
ប្រភពរូបភាព៖ ក្រសួងទេសចរណ៍ (ថតដោយ Rith)
ប្រភពរូបភាព៖ ក្រសួងទេសចរណ៍

គួរឱ្យដឹងដែរថា ​សហគមន៍នេះ សម្បូរទៅដោយព្រៃឈើជាច្រើនប្រភេទ មានទាំង​ព្រៃរបោះ និងពាក់កណ្តាលស្រោង ដែលជាជម្រក​សត្វព្រៃដ៍សំខាន់ សម្រាប់ សត្វខ្ទីង ប្រើស ជ្រូកព្រៃ ក្ងោក​​ ត្មាត​ត្រយ៉ងចំកំកស ហើយសម្បូរដោយសត្វស្លាបរាប់រយប្រភេទ និងត្រីដ៏សម្បូរបែប។

ប្រភពរូបភាព៖ ក្រសួងទេសចរណ៍ (ថតដោយ Rith)
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សូមជម្រាបថា សហគមន៍អេកូទេសចរណ៍កោះសាមសិប ស្ថិតក្នុងទឹកដីនៃភូមិ ៣ គឺភូមិខ្សាច់លាវ ភូមិកោះខ្ញែរ និងភូមិពន្ធជា ចម្ងាយប្រមាណ ៩៥គីឡូម៉ែត្រ ពីទីរួមខេត្តក្រចេះ។ ​សហគមន៍នេះ បង្កើតឡើងដោយផ្អែកលើធនធាន សក្តានុពលរបស់សហគមន៍ព្រៃឈើ និងសហគមន៍នេសាទភូមិទាំង៣នេះ។ ហើយទូទៅ ពលរដ្ឋរស់នៅតំបន់នេះ គឺពឹងអាស្រ័យទៅលើការប្រមូលអនុផលព្រៃឈើ​ធ្វើស្រែចំ​ការ ចិញ្ចឹមសត្វ និងការនេសាទជាដើម៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៥ ម៉ោង មុន

ភាគខាងជើង ថៃ ក៏កើតភ្លើងឆេះព្រៃខ្លាំង ឯនៅ បាងកក ក៏កំពុងរងទុក្ខដោយរញ្ជួយដី

ព័ត៌មានជាតិ២៣ ម៉ោង មុន

ព័ត៌មានលម្អិតជុំវិញការបង្រ្កាបក្រុមឆក់ប្លន់នៅខេត្តកណ្ដាល ខណៈជនសង្ស័យម្នាក់ជាមុខសញ្ញាចាស់ កំពុងរត់គេចខ្លួន

ព័ត៌មានអន្ដរជាតិ២ ម៉ោង មុន

ថៃ បញ្ជូនទ័ព ១ ០០០នាក់ទៅជួយមីយ៉ាន់ម៉ា ទោះប្រទេសខ្លួន ក៏រងគ្រោះខ្លាំងដោយរញ្ជួយដី

ព័ត៌មានជាតិ២២ ម៉ោង មុន

នាយករដ្ឋមន្ត្រីបញ្ជាឱ្យរៀបចំប្រព័ន្ធតាមដាន និងវាយតម្លៃតាមក្រសួងស្ថាប័ន

ខ្យល់កន្ត្រាក់
ព័ត៌មានជាតិ៨ ម៉ោង មុន

សូមប្រយ័ត្ន! កម្ពុជា នឹងមានភ្លៀងធ្លាក់ជាមួយផ្គររន្ទះ និងខ្យល់កន្ត្រាក់ដល់ថ្ងៃទី១មេសា

Sokha Hotels

ព័ត៌មានពេញនិយម