ព័ត៌មានជាតិ
មន្ត្រីជាន់ខ្ពស់ក្រសួងអប់រំ ហាមគ្រូបង្រៀនដាក់សម្ពាធ ឬ គាបសង្កត់សិស្ស ឲ្យរៀនគួរក្រៅម៉ោងសិក្សា
មន្ត្រីជាន់ខ្ពស់ក្រសួងអប់រំ យុវជន និងកីឡា បានធ្វើការហាមប្រាមដល់គ្រូបង្រៀនទាំងអស់ មិនត្រូវដាក់សម្ពាធ ឬ គាបសង្កត់សិស្សឲ្យរៀនគួរក្រៅម៉ោងសិក្សាជាមួយខ្លួនឡើយ ព្រោះប៉ះពាល់ដល់សិស្ស ក៏ដូចជាអាណាព្យាបាលសិស្ស។
លោក កាន់ ពុ ទ្ធី អ្នកនាំពាក្យក្រសួងអប់រំ យុវជន និងកីឡា បានមានប្រសាសន៍នៅរសៀលថ្ងៃទី ១៦ ធ្នូនេះថា ជារួម ការបង្រៀនគួរបន្ថែមក្រៅម៉ោងសិក្សាដោយយកកម្រៃពីសិស្ស ពិតជាប៉ះពាល់ដល់សិស្សានុសិស្ស និងអាណាព្យាបាល ប្រសិនបើគ្រូបង្រៀន យកម៉ោងផ្លូវការ(ម៉ោងរដ្ឋ) ទៅបង្រៀនសិស្ស ហើយទាមទារកម្រៃបន្ថែម, ដាក់សំពាធ ឬ គាបសង្កត់សិស្សឲ្យរៀនគួរជាមួយខ្លួន, ចេញសំណួរតេស្តប្រចាំខែ ឆមាស នូវខ្លឹមសារមេរៀនដែលគាត់បង្រៀនសិស្សក្រៅម៉ោង ដែលនាំឲ្យសិស្សមិនបានរៀនក្រៅម៉ោងមិនអាចធ្វើតេស្តបានពិន្ទុល្អ ដូចអ្នករៀនបន្ថែម, ដាក់ពិន្ទុលម្អៀង ដោយផ្តល់ពិន្ទុច្រើនដល់អ្នករៀនបន្ថែមជាមួយគាត់ ហើយផ្តល់ពិន្ទុតិចដល់អ្នកមិនរៀនបន្ថែម បើទោះបីជាធ្វើត្រូវដូចគ្នាក៏ដោយ,និងរើសអើងសិស្សមិនរៀនបន្ថែមជាមួយ ដោយមិនសូវពន្យល់ ឬ មិនយកចិត្តទុកដាក់ពេលសិស្សរៀនក្នុងថ្នាក់រៀនជាដើម។
លោកបានបន្តថា ប៉ុន្តែប្រសិនបើគ្រូបង្រៀនមិនអនុវត្តចំណុចអវិជ្ជមានខាងលើនេះទេ ការបង្រៀនបន្ថែមក្រៅម៉ោងដោយយកកម្រៃពីសិស្ស មិនប៉ះពាល់ដល់សិស្សានុសិស្ស និងមាតាបិតា អ្នកអាណាព្យាបាលនោះទេ ថែមទាំងអាចជួយពង្រឹងសមត្ថភាពសិស្សឲ្យកាន់តែប្រសើរឡើងបន្ថែមទៀត។
ជាមួយគ្នានេះ អ្នកនាំពាក្យក្រសួងអប់រំ បានសំណូមពរដល់លោកគ្រូ អ្នកគ្រូ ដែលបង្រៀនបន្ថែមក្រៅម៉ោងសិក្សាដោយយកកម្រៃពីសិស្ស សូមមេត្តាយោគយល់ និងលើកលែងដល់សិស្សមកពីគ្រួសារក្រីក្រ ជួបការលំបាក ដើម្បីពួកគាត់មានឱកាសទទួលបានការអប់រំដូចសិស្សដទៃទៀតដែរ៕
អត្ថបទ ៖ សំអឿន
-
ព័ត៌មានអន្ដរជាតិ២២ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ៧ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ