ព័ត៌មានជាតិ

រមណីយដ្ឋានភ្នំទឹកធំ មិនសូវមានភ្ញៀវទេសចរទៅលេងកម្សាន្ដដូចមុននោះទេ

បានផុស

៣ years មុន

នៅ

ថ្ងៃសៅរ៍ ៣០ ធ្នូ ២០២៣

ដោយ

កំពត ៖ កាលពីរសៀលថ្ងៃទី២៩ ខែធ្នូ ឆ្នាំ២០២៣នេះព្រះស្តេចគុណភិក្គុ សុត ដាវី ព្រះចៅអធិការវត្តភ្នំរាបដែលបានបង្កើត រមណីយដ្ឋានភ្នំទឹកធំ ជារមណីយដ្ឋានធម្មជាតិមួយនៅជិតព្រំដែនកម្ពុជា -វៀតណាដែលស្ថិតនៅក្នុងភូមិអន្លង់ថ្ងាន់ ឃុំឫស្សីខាងកើតស្រុកកំពង់ត្រាចខេត្តកំពត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាំងពីភិក្គុ សុតដាវី ព្រះចៅអធិការវត្តភ្នំរាបបានបង្កើតរមណីយដ្ឋានភ្នំទឹកធំឡើងដំបូងឃើញមានភ្ញៀវទេសចរជាច្រើនបានចាប់អារម្មណ៍ទៅលេងលម្ហែកម្សាន្ដនៅទីនោះ ពីព្រោះរមណីយដ្ឋានភ្នំទឹកធំ មានល្អាងដែលភ្ញៀវទេសចរអាចជិះទូកកម្សាន្ដបាន ខុសប្លែកពីតំបន់ទេសចរណ៍ដទៃទៀត ប៉ុន្ដែមួយរយៈចុងក្រោយនេះ មិនសូវមានភ្ញៀវទេសចរទៅកម្សាន្ដច្រើនដូចកាលពីមុននោះឡើយព្រះចៅអធិការ បានមានសង្ឃដីកាថា ក្នុងរយៈពេលមួយឆ្នាំមកនេះ មានភ្ញៀវទេសចរណ៍ជាតិ និងភ្ញៀវទេសចរណ៍អន្តរជាតិ ជាច្រើនបានមកលេងកម្សាន្ដនៅតំបន់រមណីយដ្ឋានភ្នំទឹកធំនេះមានទីតាំងនៅជិតព្រំដែនកម្ពុជា-វៀតណាម។

ភ្ញៀវទេសចរណ៍នៅក្នុងថ្ងៃធម្មតាដែលមកលេងលម្ហែកម្សាន្ដនៅទីនេះនៅថ្ងៃចុងសប្ដាហ៍ឃើញថាភ្ញៀវទេសចរណ៍មកលេងអាចឈានដល់២០ទៅ៥០ឡានក្នុងមួយថ្ងៃក៏មាន និងពេលខ្លះទៀតអាចឈានដល់ជាង១០០ឡានក៏មានដែរ។

លោក ភិក្ខុ សុត ដាវី ព្រះចៅអធិការវត្តភ្នំរាបបានបញ្ជាក់ឲ្យដឹងថា ក្នុងមួយរយៈពេលចុងក្រោយនេះ ហាក់បីដូចជាមិនសូវមានភ្ញៀវទេសចរណ៍មកលេងកម្សាន្ដដូចមុននោះឡើយទោះជាស្ងប់ស្ងាត់ក្ដី ប៉ុន្តែរាល់ថ្ងៃនេះនៅមានភ្ញៀវទេសចរណ៍មកលេងកម្សាន្ដធម្មតានៅថ្ងៃចុងសប្ដាហ៍នៅមានភ្ញៀវទេសចរណ៍ប្រមាណ១០ភាគរយទៅ២០ភាគរយដែរក្នុងមួយថ្ងៃ។

បើប្រៀបធៀបចំនួនភ្ញៀវទេសចរណ៍មកលេងលម្ហែកម្សាន្ដនៅដើមឆ្នាំ២០២៣ និងចុងឆ្នាំ២០២៣នេះឃើញថាមិនសូវមានការធ្លាក់ចុះនោះទេគួរឱ្យកត់សម្គាល់។

ប៉ុន្ដែថ្ងៃចុងសប្ដាហ៍នៅដើមឆ្នាំ២០២៣មានចំនួនភ្ញៀវទេសចរមកកម្សាន្ដច្រើន ខណៈថ្ងៃចុងសប្ដាហ៍នាចុងឆ្នាំនេះ មិនសូវមានភ្ញៀវទេសចរមកកម្សាន្ដដូចមុននោះប៉ុន្តែមួយរយៈពឹលចុងក្រោយនេះក៏មានខាងផលិតកម្មចម្រៀង និងផលិតកម្មភាពយន្ដ បានមកទាក់ទងនៅក្នុងការថតវីដេអូចម្រៀង និងភាពយន្ដ ជាច្រើន។

នៅក្នុងនោះ មានផលិតកម្មខ្លះ ក៏បានថត និងចេញផ្សាយហើយដែរ និង ផលិតកម្មខ្លះទៀតកំពុងតែពិភាក្សាជាមួយគ្នានោះ នៅចុងឆ្នាំ២០២៣នេះ ភិក្ខុ សុត ដាវី បាននិងកំពុងរៀបចំកាំជណ្ដើរ ដើម្បីចូលល្អាងផ្សេងៗទៀត ដើម្បីឱ្យមានលក្ខណៈងាយស្រួលសម្រាប់ភ្ញៀវទេសចរណ៍ដែលមកលេងកម្សាន្ដឱ្យមានកន្លែងខ្លះទៀតប្លែងៗដើម្បីបម្រើឱ្យភ្ញៀវទេសចរណ៍មកលេងលម្ហែកម្សាន្ដនៅភ្នំទឹកធំនេះ កាន់តែច្រើនបន្ថែមទៀត។

គួរបញ្ជាក់ថា លោក ភិក្គុ សិត ដាវី ព្រះចៅអធិការវត្តភ្នំរាបបានបង្កើតតំបន់រមនីយដ្ឋានភ្នំទឹកធំ ជាតំបន់ទេសចរណ៍ធម្មជាតិមួយកាលពីថ្ងៃទី២៧ ខែកមរា ឆ្នាំ២០២៣ ឱ្យប្រែក្លាយជាតំបន់ទេសចរណ៍ភ្នំទឹកធំ ដែលមានទីតាំងជិតនៅព្រំដែនកម្ពុជា-វៀតណាម ដែលស្ថិតនៅក្នុងភូមិអន្លង់ថ្ងាន់ ឃុំឫស្សីស្រុកខាងកើត ស្រុកកំពង់ត្រាច ខេត្តកំពត៕

ដោយ ៖ សឹង រ៉ាត់